لانسر تسبق سيفك بسهوله؟

[MedhatZzZ]

يعني علشان أحنا معندناش تراكات للهواه زي حضراتكم
كل اللي عايز يعمل سباق يطلع في الشارع و يعمل ما بداله

منطق رائع الصراحة !!!

مصر و الدول النامية من أكبر دول العالم في وفيات حوادث الطرق
و أنا وكتير غيري مش ذنبنا أن حضرتك أو غيرك عايزين تعملوا سباقات و مش لاقيين مكان فتعملوها في الأماكن اللي الناس العادية بتسوق فيها بالاضافة ان الشوارع و الطرق دي غير مجهزة لأي نوع من أنواع السباقات .

مش مبرر يا أستاذ مدحت و لو فيه قانون في البلد ... مكنش حضرتك أو غيرك هايعمل كدا

عموما هو مش ذنبك أو العيب عليك وحدك ........ هي المنظومة كلها فاسدة

يا استاذ انا اصلا مابجريش جوا البلد اما عالطريق السريع اعتقد مفيهاش حاجه طول ما الطريق مفتوح قدامك

[MedhatZzZ]

انا مع الكلام ده معلش متاخذنيش
خصوصا لو كنت معتمد انك تدوس كيك داون و خلاص

ال d3 بالذات لو جيبته من اول الشده كان حيفرق معاك اوي و كان حيرميك 180 مرتاح , بعد كده d4 و قابل بقى ال 200

لو الجرية تقيلة قوي يبقى 2 بعدين d3 بعدين d4 بس لازم تاخد بالك حتنقل امتى عشان متفصللش منك

حضرتك العربيه غربيه اساسا تسارع العربيه جنبى كان فظيع

[MedhatZzZ]

مع كامل احترامى لكل الناس أنا كنت داخل أسال على ان العربيه البوما ديه متعدله ازاى مش لانى زعلان انها عدت منى لان الموضوع دخل فى تنظيم الطرق وانى مش بعرف اجرى بالعربيه اعتقد الحكايه ابسط من الكلام الكبير ده .

[eng.m7md.ali]

عادى يا باشا تستحمل....عربيتى كرستالة كان فيها 1.3 و بعدين 1.8 تربو و دلوقتى 2.0 تربو :)

مبروك الموتور الجديد

عايزين صور وتقرير :)

[eng.m7md.ali]

مممم اولا السلام عليكم

ثانيا بخصوص الموتور والعربية الخارقة الى بيركبلها اى موتور دى كل موتور بيطلع اهتزازات اثناء عملة بتأثر على الشاسية والبودى والقواعد سواء كانت قواعد موتور او فيتيش ونظام الفرامل مصمم لموتور وسرعة معينة

لما الشركة المصنعة تحطلك التوب سبيد 170 ك والموتور ممكن يجيب معاك لحد 240 دى مش رخامة لا دى اقصى سرعة العربية تستحملها بكفائة بعد كدة محدش مسؤل

ف كل شاسية لية حد اقصى فى الاهتزازات وحركة الموتور جواة لو ناوى بقى تعدل وتحطل موتور خرافى على عربية سيدان متوسطة يبقى تعدل كل حاجة بداية من الفرامل للشاسية للكاوتش للفتيس للسيور للدينامو حتى علبة الدركسيون والعفشة

ف مفيش حاجة اسمها اى موتور يركب على اى عربية يبقى هيا كدة تستحملة


وماينفعش نقول شفت فتيس وموتور اوكتافيا على الارض وماشوفتش حاجة فيرنا واقعة منها

طيب ما المرسيدس فى حالة الحوادث الموتور بيتحرك من مكانة علشان يخفف الصدمة على كابينة السواق ( موجود التكنيك دة فى عربية والدى موديل 81 )

يعنى لو انت شفت الموتور والفيتيس على الارض يبقى دة لسلامة الركاب او ظروف وحالة الحادثة اكيد تختلف عن الى شفتهم فى الهيونداى

والهيونداى الى موتورها مش بيطلع منها دى ماتجيش حاجة جنب الاوكتافيا ( مع الاعتذار لكل مالكيها )



لو سمحت حضرتك احنا منتدى مفتوح وتعليمى لما حضرتك تقول حاجة لازم تكون متاكد منها لان فية 1000000 واحد بيشوف المعلومة وبيتعلم منها ومحدش فينا يرضى يدى لحد معلومات غلط


واسف على الغلطات الاملائية

الناس بتتكلم في مواتير تعبانة بتطلع 200 او 250 حصان مش تعديل اوفر اكتر من 800+ حصان مثلا

وبردو من الطبيعي ان حد هيعدل موتور لازم يستعمل شداداته وفرامل وعفشة تستحمل وزن الموتور والقوة

اللانسر من اقوى الشاسيهات اللي موجودة في العالم خصوصاً الشارك وده معروف جداً واكيد حضرتك عارف ان في ايفوهات كتير متعدلة اكتر بكتير من ال 200 حصان

[tutankhamoun]

يا استاذ انا اصلا مابجريش جوا البلد اما عالطريق السريع اعتقد مفيهاش حاجه طول ما الطريق مفتوح قدامك

خلاص يا فندم ... ادام أحنا كشعب شايفين أيه صح نعمله بدون الرجوع للقوانين .

==

كان من كام سنة على المنتدى
عربية سكودا أوكتافيا .. اخدت معاها عربية نص نقل او العكس
و العربيتين أتدمروا (على طريق مصر اسكندرية الصحراوي ) و الطريق كان مفتوح برضه .

الأسكودا أتقلبت عدة مرات و النص نقل أتقلبت ووقعت في الترعة (اللي على طريق الملاحات- تقريبا عند العامرية) و الراكب مع السائق غرقوا

طيب بلاش دي
واحد على طريق سريع برضه بيعمل غرزة بعربية فيات حديثة و لطش عربية فيرنا من الوش و هو بيعمل الغرزة و خلى الفيرنا تلف حوالين نفسها .... و عمل حدثة بسبب ان الطريق كان مفتوح و قفل فجاء أمام بتاع الفيات فعمل غرزة و تسبب في أن غيره يلبس و طبعا ما وقفش لصاحب الفيرنا (و الحادثة دي لناس معانا على المنتدى بس بصراحة مش فاكر مين صاحب الحادثة )

====

هاقول لحضرتك بس على حاجة صغننة

لو حضرتك تعديت السرعة القصوى على أي طريق في انجلترا (طبعا هاتممسك رادار لأن الردارات هناك أكتر من حجارة الرصيف ) و هاتدفع غرامة و تنخصم نقط من رخصتك .

و مش هاينفع تقولهم أي حجة ........ هايقولك أنت بتعرض حياتك و حياة الغير للخطر .

أنا أتناقش معاك و لا أقصد شخك الكريم في أي شئ .
بس حضرتك بتجادل في حاجة غلط قانونا و الكل متفق على أنها غلط .
جدالي معاك لن يغير من طريقة سواقتك و لكن على الأقل ببين لحضرتك و شخصك الكريم أن اللي بتعمله ده أو غيرك أو لو أنا عملته برضه فهو غير قانوني و خطأ .
و لو حدث أي خطأ و أنت كنت متسبب فيه و راح فيه ضحية ... ضميرك هايعذبك .
متنساش أننا ماشيين على أربعة عجلات هواء .

عارف في أوروبا لو واحد أتمسك على طريق و عامل 180 أو 190 أو 200 هايعملوا فيه أيه ؟؟؟

و ألمانيا أستثناء لأن عندهم طريق سريع مفتوح السرعة و لكن بقية أوروبا لا يوجد بها هذا الأستثناء .

تحياتي لكل المشاركين .

[hosammoner]

يا باشا اعمل كيك داون وانت على 120 مثلا واطلع اجرى معاه تانى

[SonaSteel]

وحشني الجري

[eng.octooo]

يا باشا لما عربيه تبقه 115 حصان واحط فيها ماتور 160 حصان كدة الشاسيه هيتكسر
الكلام الى حضرتك بتقوله دة لو الواحد هيركب ماتور 200 حصان مثلا ولا 400 حصان
واهتزازات ايه هوة انا مركب محرك نفاث دول همه 15 ولا 30 حصان زيادة---دة الاهتزازات الناجمه عن الشوراع ا المكسرة و فردة كاوتش بايظه اشد مليون مرة من محرك 200 حصان
الكلام الى حضرتك بتقوله كلام جميل وممتاز بس لو هقلب العربيه سوبر كار
ولو الشاسيه ميتحملش ماتور اعلى 50 حصان مكنش اتحمل سبعه يركبوا جوة العربيه زى ما بيحصل

امممم انا مش عارف اوصلك الفكرة ازاى طيب هاقولك حاجة

هات موتورين 1600 سي سي والاتنين من شركتين مختلفتين هاتلاقى واحد بيطلع 100 حصان والتانى 130 وواحد عداد الار بى ام الريد زوون فية بتبداء من 6 وواحد الريد زون بتبداء من 7 وكل واحد بيطلع اهتزازات مختلفة عن التانى
مش معنى كدة ان ال 30 حصان دول ها يفشخوا العربية ( اسف فى اللفظ ) لا هيا هاتستحملهم وتستحمل اكتر منهم بس بتجهيزات مختلفة عن الشاسية العادى حتى لو انت شايف الشاسيهين واحد بس كل واحد مصنع من خامات وسبيكة وصدى ووزن مختلف عن التانى دى الفكرة

[eng.octooo]

الناس بتتكلم في مواتير تعبانة بتطلع 200 او 250 حصان مش تعديل اوفر اكتر من 800+ حصان مثلا

وبردو من الطبيعي ان حد هيعدل موتور لازم يستعمل شداداته وفرامل وعفشة تستحمل وزن الموتور والقوة

اللانسر من اقوى الشاسيهات اللي موجودة في العالم خصوصاً الشارك وده معروف جداً واكيد حضرتك عارف ان في ايفوهات كتير متعدلة اكتر بكتير من ال 200 حصان

الشاسية بتاع اللانسر الشارك قوى ويستحمل الموتور دة فى حالة ان الموتور دة مدروس كويس للعربية ومعروف مدى تاُثيرة على مكونات السيارة ومش معنى ان فية ناس معدلة ب اكتر من 200 حصان ( ودة مش رقم مبالغ فية ) يبقى كدة عربياتهم ستوك والشاسية مستحمل الموتور الجديد زى الموتور الستوك الى كان نازل بية

[lanos2004]

امممم انا مش عارف اوصلك الفكرة ازاى طيب هاقولك حاجة

هات موتورين 1600 سي سي والاتنين من شركتين مختلفتين هاتلاقى واحد بيطلع 100 حصان والتانى 130 وواحد عداد الار بى ام الريد زوون فية بتبداء من 6 وواحد الريد زون بتبداء من 7 وكل واحد بيطلع اهتزازات مختلفة عن التانى
مش معنى كدة ان ال 30 حصان دول ها يفشخوا العربية ( اسف فى اللفظ ) لا هيا هاتستحملهم وتستحمل اكتر منهم بس بتجهيزات مختلفة عن الشاسية العادى حتى لو انت شايف الشاسيهين واحد بس كل واحد مصنع من خامات وسبيكة وصدى ووزن مختلف عن التانى دى الفكرة

انا عندى فكرة هات لانسر ايفو وندخلها وش فى وش مع الانوس بتاعتى على سرعه120حلو قوى علشان ممكن نفضل عايشين ونقدر نحدد اى عربيه شاسيه اقوى
وعلى فكرة
فى لانوس 400 حصان من 2000 سى سى تيربو على نفس الشاسيه الاختلاف عفشه وفرامل
فكرة الاهتزازات دى انتهت من بعد مواتير الخمسينات للسبعينات ----تكنولجيا المواتير اتطورت جدا والاهتزازت الناجمه عن المحركات اصبحت لاتذكر يعنى تركب ماتور 3000 سى سى ومنسمعش له صوت نهائى

[buddha]

العربيات اللانسر الكريستالة 1999
لو اتعملت ايفو evo بتفتح الركب فى الحوض زى m40 لما يركب فيها مكن 6 سلندر

لازم شداد حوض وبردة هيشرخ الحوض لان الايفو الاستوك بدون تعديل شاسية اقوى بكتير من الكريستالة مع التشابة الكبير وحتى الايفو الاصلى جر خلفى

[Ahmed TRAVCO]

اللانسر ايفو هى نفس بودى الشارك وبتطلع 350 حصان والعربيه تستحمله
ممكن يكون مسقط موتور

الإيفو FQ400 بتطلع 400 حصان ستوك وقبل أي لعب وتعديل... وبيتعملها tuning بيوصلها لفوق الـ800 حصان كمان!!!

[Ahmod]

والله يا باشا لو زي مانت بتحكي تسارع فظيع

يعني اختفى من قدامك وماكنش فيه وجه للمقارنة !! اكنك بتشد مع 330 مثلا !! ؟

يبقى ده مسقط ماتور

اما لو طلع منك بشكل تدريجي وانت كنت بتثبت معاه شوية وماحطش فرق جامد

يبقى شوية تعديلات خفيفة " شكمان - فلتر هوا - عربيته فايقة وايده فيها علطول "

[eng.octooo]

انا عندى فكرة هات لانسر ايفو وندخلها وش فى وش مع الانوس بتاعتى على سرعه120حلو قوى علشان ممكن نفضل عايشين ونقدر نحدد اى عربيه شاسيه اقوى
وعلى فكرة
فى لانوس 400 حصان من 2000 سى سى تيربو على نفس الشاسيه الاختلاف عفشه وفرامل
فكرة الاهتزازات دى انتهت من بعد مواتير الخمسينات للسبعينات ----تكنولجيا المواتير اتطورت جدا والاهتزازت الناجمه عن المحركات اصبحت لاتذكر يعنى تركب ماتور 3000 سى سى ومنسمعش له صوت نهائى

ههههههههههههه انت بتتكلم فى حاجة وانا باتكلم فى حاجة تانى
طيب موتور الرولز رويس ( من بى ام دبليو ) بيطلع اهتزازات اقل من موتور المينى كوبر ( من بى ام دبيلو برصة ) على الرغم من فرق السي سى الرهيب بينهم والاتنين مالهمش صوت وهما دايرين

وموضوع اننا ندخل فى وش بعض دة ههههههههههه والله انتو ناس عسل

Crumple zone - Wikipedia, the free encyclopedia

اقرا اللينك دة وانت هاتفهم كلامى