تركيب تيربو لسيارتك

[MMamdouh]

اى موتور فى العالم ممكن يركبله تيربو ومعتاه شاحن هواء توربينى ووظيفته ادخال هواء بارد مضغوط الى غرفة الحريق وطبعا التيربو بيحتاج تعديلات فى الرشاشات وله نظام معين فى التركيب ولكن يفضل ان يركب على السيارات ذات المحركات القوية لان التيربو لو ركب على عربية موتورها ضعيف مثل ال 128 مثلا دة هيكون له تاثير كبير على عمر الموتور ويفضل انه يكرب على عربية رشاشات بس للاسف هيستهلك رشاشات لكن اخطر حاجة فى التيربو انه ممكن يكسر البساتم !!!

هو يفضل انها تكون رشاشات بس مش شرط

مش شرط التيربو يركب على موتور كبير... فيات نزلت موديل من الاونو كان موتوها 1000 سى سى و كانت تيربو و بتعمل 100 حصان... فى عربيتين فى مصر اونو تيربو

تركيب التيربو لا يستهلك رشاشات

الضبط الغير صحيح لخليط الهواء/الوقود يودى الى انصهار البساتم اما الزيادة فى الضغط عن الحدود المسموح بها تودى الى انكسار البيلات

MMamdouh

[PAYOO]

سؤال بعد اذن حضرتك
1-هوا ممكن يركب على اي عربيه حتى لو 1300 وممكن يركب على عربيه اوتوماتيك ولا لا
2- هوا تكلفتوا بتكون في حدود كام
3-هوا حضرتك الي بتركبوا ولو ايوه طب حضرتك بتركب تربو بس ولا ممكن تعمل حاجات تانيه في العربيه علشان تحلي شكلها يعني

1- التيربو ممكن يركب على اى موتور حتى لو 800 سى سى المهم يكون حجم التيربو متناسب مع حجم الموتور
2- التكلفة بتبقى حسب المكونات اللى انت عايزها و اذا كانت جديدة او مستعملة و حسب القدرة الحصانية اللى انت عايز توصلها فا كل عربية بتبقى حالة خاصة لكن عموما التيربو اللى ركب على النوبيرا ال 2000 سى سى اتكلف حوالى 5000 جنية و وصل قوة الموتور الى 197 حصان و التسارع من صفر الى 100 كم فى 7.6 ثانية
3- بالنسبة ليا انا و مصطفى احنا بنتشتغل فى الناحية الميكانيكية فقط

احب ابلغ السادة الاعضاء ان انا و صديقى مصطفى على استعداد لتركيب تيربو فى اى سيارة و عمل كافة التعديلات المطلوبة

طبعا سعر التعديل بيعتمد على العربية و القدرة الحصانية اللى انت عايز توصلها... دى لينك لاول مشروع تيربو عملناه و حاليا فى مشروع تانى تحت التنفيذ بس ده حيكون مفاجاة

http://www.daewootech.com/forum/viewtopic.php?t=6536

MMamdouh

زميلنا العزيز MMamdouh أسمحلي أوضح لك وللأعضاء هدف المنتدى

المنتدى بيرحب باي شخص أو جهة تقدم خدمه لأعضاء المنتدى سواء عمليات بيع أوشراء وخلافه
وأيضا نرحب بأن يتم ذلك من خلال الموقع
وأريد أن اوضح أن الموقع يريد أن يكون عضو المنتدى مستفيد أكثر من أي شخص أخر
بمعنى
أنه إذا كانت السلعه (أ) تـُباع بـ50 جنيه
يجب أن يشتريها عضو Nile Mototrs بـ 40 جنيه
وذلك كخدمه لأعضاء الموقع من مقدم الخدمه أو بائع السلعه (طالما أن مقدم الخدمه أو البائع قد تعرف على العضو هنا في المتدى)

لذلك نرجو منك أن توضح أسعارك التي تتعامل بها وتوضح الخصومات التي سوف تقوم بها لأعضاء المنتدى الكرام


وبذلك نكون قد أفدنا الجميع العضو المشتري بحصوله على خصومات وخدمه مميزه
وأفدنا المـُعلن عن خدماته بإتاحة الفرصه له بأن يعرض خدماته لأعضاء المنتدى

وشكر

[MMamdouh]

همممممم.... كلام عظيم جدا بس انت مخدتش بالك من حاجة مهمة انا قلتها... سعر التعديل بيختلف من عربية لعربية و حسب القدرة الحصانية اللى انت عايزها و حسب المكونات المستعملة فا عمر ما اى حد يقدر يقولك التيربو على الفيرنا بعشرة قروش و على الانترا بخمستاشر و لو حد قالك كدة يبقى حاجة من الاتنين ياما بسرقك و حاطت سعر يغطى اى تكلفة بمراحل ياما معندوش غير KIT واحدة ميقدرش يتحرك برة امكانيتها و دة سبب انى مقلتش اى اسعار لان انا شخصيا معرفش سعر التعديل كام لان معرفش المطلوب ايه

حديك مثال بسيط: لما ركبنا الموتور ال2000 سى سى فى النوبيرا اكتشفنا ان شكمانها الاصلى خانق الموتور و مقلل من قدرتة و طبعا مفيش حد فى مصر بيبيع شكمان نوبيرا 2000 فاضطرينا نروح لابو اليزيد نفصل شكمان كامل للعربية و اتكلف 950 جنية... تقدر تقولى ازاى تاخد فى حسبانك حاجة زى كدة قبل ما تشتغل؟؟... لاحظ ان التربو بيحتاج شكمان مختلف و فى بعض الاحيان منافول سحب مختلف و ممكن تغير كارتيرة الزيت لو كانت الومينوم و فى بعض العربيات حتحتاج رشاشات اكبر و عربيات تانية بتحتاج رشاشات اضافية و كل دة مستحيل حد يبقى عارفة قبل ما يشتغل فى العربية

لاحظ كمان ان زى ما قلت قبل كدة المهم فى التيربو هو الضبط مش التركيب لان اى مشكلة فى الضبط حتكلفك موتور و الضبط دة بيحتاج تعديلات و التعديلات بتكلف و بالتالى التكلفة عمرها ما بتبقى معروفة قبل انتهاء التعديل

و الاهم من دة كلة انى بعامل ربنا قبل ما اعامل فعمرى ما حقدم لحد خدمة فيها ضرر او مشكلة او اكروت شغل عشان الفلوس... ارجو ان اكون قد اوضحت وجهة نظرى لك

MMamdouh

[PAYOO]

ok

زميلنا "محمد ممدوح" تحيه طيبه وبعد

أكيد طبعا أنا أخدت بالي من أن التكلفه متغيره وغير ثابته لعدة عوامل كثيره أنت بنفسك وضحتها وكلامك كان واضح وسهل وجميل جدا

وكويس جدا طبعا أنك بتعامل ربنا وما بتكروتش في شغلك ... كل ده كويس جدا بس أحنا إللي يهمنا هنا في Nile Motors تقديم الخدمه بسعر أقل كنوع من انواع الإفاده لاعضائنا

يعني أنت تقدر على الأقل تتعهد بأنك لو مصنعيات التركيب وخلافه بتتكلف 10 قروش تحاسب أعضائنا بـ9 أو 8 قروش يعني تعملنا خصم 10 أو 20% وده هايبقى عشان خاطر Nile Motors وأعضائه

وأنا عن نفسي ليه أصدقاء (مش أعضاء هنا) ناويين يعملو شغل في مواتيرهم عاوز أرشحك لهم ولكن منتظر ميزه تجذب لك عملاء أكثر وفي نفس الوقت يكون معرفتهم بيك عن طريق Nile motors وبكده يبقى حققنا الهدف المرجو من منتدانا وهو أعطاء ميزة السعر المخفض والخدمه المتميزه لأعضائنا
على فكره في 2 منهم راكبين جولف واحد منهم جولف1 والتاني جولف2 واحد مسقط موتور 2000cc والتاني مسقط موتور 2400cc ومش قادر أقولك عاملين أيه في عربياتهم من جوه واحد شايل الكنبه خالص وحاطط عدة صوت تفتح صالة ديسكو كامله والتاني عامل شغل أحسن كمان

المهم عاوزك توعد أعضائنا بان يكون لهم سعر مميز وأحنا هانكتفي بوعدك

وربنا يوفق الجميع

[MMamdouh]

اعتبر دة وعد يا سيدى :)

MMamdouh

[aboaya]

المعلومات مفيدة و ربنا يزيد من امثالكم و ترفعوا شأن بلدنا عاليا
تامر نبيل

[SAbuhashem]

if we agree with you about turbo for any car that means that u need to spend a fortune for this car to be at least a safe car (i didn't say fast car
uneed to do at least the next

change the exhaust Full from the headers
change the injectors to bigger one
change the fuel pump as well
change the ECU (Electronic control Unit which in my car cost 8000 L.E :(
change the pipes for water and the radiator
install intercooler kit
strut bars otherway the car may twist off !!
change the brakes to bigger one
also the spark plugs and the wiring
this is to have safe and fast turbo car which put a smile and impression on faces
thanks and sorry i have no arabic in my pc

[MMamdouh]

it all depends on what you want and what are you willing to spend

you can start with a minimalistic setup with a small turbo, RRFPR and bigger injectors and 6 PSI and you will have a smile :)

or you can sell one of your body organs and go crazy with forged internals, big turbo, intercooler, oil cooler, SMT7, 20 PSI of boost and upgrade suspension and braking not to mention tires and rims and you will have the biggest smile ever :lol: :lol: :lol:

MMamdouh

[PRO-DRIVE]

طيب ليش ما تركبوا كمبرسور على المحركات الصغيرة ؟؟ :roll:

[MMamdouh]

قصدك بكمبريسور تيربو ولا سوبر شارجر؟

و اى محركات صغيرة تقصد؟

MMamdouh

[PRO-DRIVE]

محركات صغيرة زى 1000 سىسى و اقصد الكمبرسور زى اللى على مرسيدس c و اللى على امريزا R

[MMamdouh]

مفيش مشكلة فى تركيب تيربو على المواتير الصغيرة المهم ان حجم التيربوو الانتركولر يكون متناسب مع حجم الموتور

MMamdouh

[hemma]

فعلا الواحد استفاااااد منكوا كتير اوى وفعلا الواحد بيفكر ف الحكاية دى بجد بس خايف على الموتور بيقولوا التربو بيقلل عمر الموتو ياترى الكلام دا صح ولا لا

[MMamdouh]

اى تعديل لزيادة قدرة المحرك بياثر بالتالى على عمر الموتور... زى ما الجرى و الحرق بياثر على الموتور

المهم فى الموضوع ضبط التيربو عشان ما يدمرش الموتور و زى ما قلت الضبط اهم و اصعب خطوة فى الموضوع

MMamdouh

[Zikas]

Sba7 el fol ya regala
This is Zikas sa7eb el Nubira el 2.0 Turbo ely delwa2ety etba3et lee my good friend
now am the owner of the BMW 535 Ti (Turbo) and am the partner (friend) of MMamdouh
el kalam ely maktob kolo zay el fol we the only thing i will say is

u can spend a penny and get a turbo and spent $$$$ and get the same turbo bas with better setup
ya3ny the Quality u get for the price u pay

and for u guys TURBO CARS ARE SUPER GREAT
we 3ala ra2y el masal es2al megarab wala tes2alsh tabeb :):):):):)