قيمة السيارة بعد التعديل

[MaZaGAngeE]

لو اشتريت عربية ب 100000
و صرفت على التعديل مبلغ تاني

و جبيت أبيعها ممكن تتباع بكام ؟

يعني مثلا لو اشتريت اوبترا و عدلتها بحوالي 10000 و جيت بعد سنتين عايز ابيعها تخسر كام ؟
الاوبترا اللي زيها مش متعدلة تتباع مثلا ب 80000 ...... طب بتاعتي هتساوي كام ؟

[blazer]

بوص اوعى تشترى عربيه زيرو و تعدل فيها لان بغض النظر عن ان العربيه الزيرو بينزل سعرها لما تتركب حتى لو شهر
التعديل دا هيقلله او هيزوده حسب ظروفه
يعنى لو غيرت مثلا حاجه فى العفشه ركبت حاجه نظيفه كونى سبورت مثلا ممكن اللى هيشترى ميفهمش اللى انت عامله دا يقوللك لا يعم انت لاعب فى العربيه اناع اوزها فبريكه
و المصيبه لو عملت تنفيخات وحركات هيقوللك دى عامله حادثه :):)
لو عاوز تلعب فى عربيه براحتك جيبللك حاجه مستعمله او على اقل تقدير كسر زيرو
وعوما لو هتعمل تعديلات للاوبترا بس تكون حاجات خفيفه يعنى كساحات و فوج لايت و جنوط و ساوند سيستم حاجات بسيطه يعنى مش هتفرق فى حاجه و ممكن تزود للك السعر على اساس انك مهتم بعربيتك و مزبطها
وربنا يجعل كلامى سهل الهضم :):) واى خدمه

[MaZaGAngeE]

انا بفكر في كده فعلا عايز أجيب اوبترا زيرو و أجيبلها كاركيت كاملة و جنوط و لو تغيير العفشة هيزود سرعتها و ثباتها هغيرهم و كمان الفرش و الديفيدي بشاشاته و الزينون .... بس كده خلاص

[blazer]

طب بص اقولك على حاجه بدل اما تشترى عربيه اوبتر تمنها حوالى 95 اف او 10000(مش عارف بلزبط)
وتصرف عليها (اللى انت بتقول عليه دا يكلفك حوالى 25000 اقل واجب )
مش مصدقنى تعالى نحسبها
بادى كيت 2500 (وهيكون حاجه زى الاتسر السبورت كدا )
زينون 2000
عفشه رياضيه بصراحه مش عارف لانها بتختلف حسب نوع العربيه وبلد الصنع والشركه بس مش هتقل عن 4000-5000 جنيه
وجنوط بلكاوتش الجديد بتاعها 5000 (يعنى جنط 17 مثلا و كاوتشات bridgestoneنضيفه)
الديفيدى 2000
دا غير الساوند سيستم و فرش العربيه +2000
فمن رائى زودهم على الفلوس اللى معاك و هات عربيه فيها كل الكلام دا
يعنى انت معاك 10000 و هتصرف فى حدود 20000-25000
حطهم على بعض وجيب ميجان او مازدا3 او لانسر
:):)

[MaZaGAngeE]

بس ميجان و لا مازدا و لا لانسر مفيش فيهم الحاجات دي , كمان الميجان أنا مش بالعها خالص , المازدا مالهاش توكيل و قطع غيارها غالية , اما لانسر بفى فدي 128 القرن الجديد .....
الأوبترا أرخص منهم و واسعة و قطع غيارها معقولة و أنا هاوضبها على مدة مش كله مرة واحدة

شكرا على النقاش

[islambana]

انا احب ازود حاجه ان العديلات بتفرق حسب المنطقه اللي انت فيها يعني مثلا لوحبيت تبيعها في الصعيد مثلا محدش هيرضي يشتريها من غير حتي ما يعرف انت عامل فيها ايه لان كله عاوز فابريكا يعني بالمحتصر كده لو عايز تبيع لازم تكون بتبيع لواحد بيفهم في الحاجات دي او واحد هاوي
ثانيا:بلاش تعدل في عربيه زيرو لنك مجرد ما ترخصها تمنها هيقل اساسا وبعدين علي اقل تقدير هتخرج العربيه بره الضمان
ثالثا :رأيي شوف حاجه مستعمل وعدل براحتك فيها علي الاقل مفيش ضمان هتخرج منه سعرها هيبقي ثابت وهتبقي عارفه ممكن تغير اللون براحتك يعني لوحبيت تعملها لونين او كده وبرضه هات حاجه ينفع فيها التعديل يعني هوندا مثلا كدهط

شوف ظروفك وانت ادري بمصلحتك

[FLYINGPEUGEOT]

انا مش شايف اى حاجة تخص التعديل !!!
كل الكلام دا ماهو الا اكسيسورز فقط
والاكسيسورز ما بتنزلش من ثمن العربيه بل بالعكس
وبالنسبة للعفشة الكونى....ركبها بعد العربيع ما تخرج من الضمان
وساعة ما تيجى تبيع العربيه...لو اللى هايشترى فاهم هيقدر قيمتها ويوافق على سعرك
لو لاقيتو مش فاهم وبيقولك لا انا عايزها فابريكه والكلام دا....روح شايلها وركب الفابريكة بتاعتها اللى كانت راكبه...وبيع العفشة مستقله...ويبقى انت كده ماخسرتش حاجه

[mohamed ibiza]

انا مش شايف اى حاجة تخص التعديل !!!
كل الكلام دا ماهو الا اكسيسورز فقط
والاكسيسورز ما بتنزلش من ثمن العربيه بل بالعكس
وبالنسبة للعفشة الكونى....ركبها بعد العربيع ما تخرج من الضمان
وساعة ما تيجى تبيع العربيه...لو اللى هايشترى فاهم هيقدر قيمتها ويوافق على سعرك
لو لاقيتو مش فاهم وبيقولك لا انا عايزها فابريكه والكلام دا....روح شايلها وركب الفابريكة بتاعتها اللى كانت راكبه...وبيع العفشة مستقله...ويبقى انت كده ماخسرتش حاجه

+111111 الله ينور عليك يا فلاينج

[MMamdouh]

ايه دخل الزينون و البودى كيت و الدي فى دى بالتعديلات؟؟ كل دة ملوش اى علاقة بالتعديلات الميكانيكية خاااااالص... دى اسمها اكسسوارات

بالنسبة للتعديلات الميكانيكية اللى مش فاهم فيها حيقول دة لعب و اللى فاهم حيقدر و يدفع زيادة بالتالى مش اى حد حيشترى عربيتك و اللى حيشتريها حيدفع فيها

يعنى لما النوبيرا ال2000 اتباعت جابت سعر اعلى من اى نوبيرا 1600 نفس الموديل و الحالة لان اللى اشتراها فاهم كويس يعنى ايه نوبيرا 2000 و نفس الحال ينطبق لما تبيع عربية متعدل عفشتها و الفرامل بتاعتها... اللى يقولك دى كملعوب فيها اما مبيفهمش او عايز يفطس البيعة و خلاص و فى الحالتين متبيعلوش العربية لانه اما حياخد العربية يهينها لانه مش بيفهم او حيعرف هو يبيعها بيعة بسعر حلو على حسابك

MMamdouh

[Nader]

انا مش شايف اى حاجة تخص التعديل !!!
كل الكلام دا ماهو الا اكسيسورز فقط
والاكسيسورز ما بتنزلش من ثمن العربيه بل بالعكس

بالظبط، دي كلها كماليات ممكن ترفع لك سعر اعادة البيع

الفين ولا 3 على حسب اللي انت هتركبة.


اما التعديل فهو ما يخص المحرك من تركيب تربو مثلاُ

او تعديل العفشة ونظام التعليق أو تعديل بالصاج الخارجي

او في صالون العربية،،، وااكد لك ان دة هينزل من سعر

اعادة بيع العربية الا لو لقيت واحد غاوي وفاهم هو اللي هيقدر.



لو عاوز تعدل اشتري مستعمل وظبط براحتك، انما لو كماليات

فممكن تشتري زيرو عادي.

[HNaga]

للأسف اللى بيصرف على العربية لازم يحط فى دماغه ان التعديلات دى لنفسه

وفعلا مش اى حد يقدر الكلام ده - والباقى هيقول لك شيلهم انا مش عايزهم - انا عايز كل حاجة فابريكة ده عشان إقتناع ان الفابريكة هى أحسن حاجة

[Nour_Peugeot]

طيب يا جماعة انا حاطيت في حسابي ان العربية الهعدل فيها معنا اني هعدل فيها انها علي الاقل هتعد معايا 5 سنين الي فوق و ده إن شاء الله الهنفزه في ال 405 بتعتنا

لما يبقي عندي 18 سنة هعدل و كل حاجة تمام و لما اجي اتجوز إن شاء الله اجيب حاجة زيرو كويسه كده و ابيع اسلياره لاي حد فاهم مش هنزل بيها السوق

يعني البيعدل ده عمله علشان راحتهوالاداء بس كده