موتور جولف 2

[madawbs]

الحمد لله ركبت موتور للجولف 2 بتاعتى 1.8 rv

والموتور القديم مليان حاجات كتير كلها سليمة وشغالة 100 100 لو حد محتاج اى حاجة منها يكلمنى - بس مايكونش بيتاجر فيهم انا باتكلم لو واحد مزنوق فى حاجة منهم ولقاها غالية فى السوق ومش قادر على تمنها او حد بيشتغله فى الحرفيين او الوكالة.

(طبعا الحاجات دى ماتنفعش غير لمواتير جولف او ابيزا 1300 علشان محدش يكلمنى وهو موتوره 1600او 1800 - ماكنت خدتهم انا لو ينفعوا يركبوا فى الموتور الجديد)

اليكم قائمة بيها :

1- ريداتير بمروحته

2- قربة مياه

3- ماستر فرامل

4- علبة دريكسيون

5- كبالن

6- فتيس 5 غيار

7- مجموعة فتيس +عصاية فتيس (الجزء الى بيبقى جوة العربية)

8- الكونصول الى بيكون راكب فيه عصاية الفتيس

9- كاربراتير

10- اسبراتير

11- عمة موتور

12- خراطيم المياه

13- طرمبة مياه

14- طرمبة بنزين

15- موبينه

16- التاكيهات ومجموعة وش السلندر

17- علبة الفيوزات وضفيرة الموتور

18- شجرة شاكمان

19- مشط الاليكترونى

20- لو حد ليه مزاج يفك صبابات وكدة او حاجة من الى بتبقى فى قلب
الموتور شغال برضه لان الموتور عند الميكانيكى

21 - ايه تانى يابوحميد ايه تانى يابوحميد مش فاكر على العموم الى عاوز حاجة او متوقع حاجة تنفعه مايترددش يكلمنى وان شاء الله تحت امره

0103996099


-----------------------------
كان الله فى عون العبد ما كان العبد فى عون اخيه
-----------------------------

[ata7daki]

يا بوحميد أنا عايز أعرف الموتور الجديد أخبارة أية ؟
البنزين؟ أنا هشترى عربية 1.8rv و صاحبها مش عارف كام صوباب
أنصحني من فضلك

[max_ziro]

ربنا يبارك فيك
يارتنى كان معايا جولف كنت اخدت منك الحجات دى (اصلى بحب الشيل الحجات احتياطى)
للاسف معايا سيفيا و صاحبى معاة جولف 2 بس بالمتور الrv 1800
..

[madawbs]

يا بوحميد أنا عايز أعرف الموتور الجديد أخبارة أية ؟
البنزين؟ أنا هشترى عربية 1.8rv و صاحبها مش عارف كام صوباب
أنصحني من فضلك

الموتور الحمد لله 100 100 والموتور 8 صباب مش 16 البنزين كان عالى شوية بس الحمد لله نضفت الرشاشات وبقى الاستهلاك مثالى 24 لتر فى 250 كيلو لو عاوز نصيحتى لو العربية حلوة والموتور حالته سليمة والسعر مناسب اشتريها وماتترددش انما لو طالب سعر عالى يبقى الجديد او كسر الزيرو اولى بفلوسك هو طالب منك كام وحالة العربية ايه ( ايه الى هايتعمل فيها كتصليحات) ؟؟

[madawbs]

ربنا يبارك فيك
يارتنى كان معايا جولف كنت اخدت منك الحجات دى (اصلى بحب الشيل الحجات احتياطى)
للاسف معايا سيفيا و صاحبى معاة جولف 2 بس بالمتور الrv 1800
..

ربنا يكرمك بس الحاجات اتفرقت كلها الى اتباع اتباع والى اتفرق اتفرق وانتهى الموضوع من زمان (على فكرة انا باموت فى الكيا سيفيا من اجمل العربيات الى سوقتها حتى الان لما بتبقى مظبوطة بتبقى حكاية بس ضيقة عليا شوية)

[ahmed1981]

هو الموتور ال 1800 اللي حضرتك ركبته إتكلف كام بجميع مصروفاته ومصنعياته ؟؟؟

لأني معايا جولف2 مو90 وبفكر أبيعها أو أسقطلها موتور وأظبطها لأن موتورها فيه بعض الأطال وهو 1300
يا ترى تنصحني بعد تجربتك أبيع ولا أسقط موتور بتكييفه ؟؟

[madawbs]

هو الموتور ال 1800 اللي حضرتك ركبته إتكلف كام بجميع مصروفاته ومصنعياته ؟؟؟

لأني معايا جولف2 مو90 وبفكر أبيعها أو أسقطلها موتور وأظبطها لأن موتورها فيه بعض الأطال وهو 1300
يا ترى تنصحني بعد تجربتك أبيع ولا أسقط موتور بتكييفه ؟؟

نصيحتى بأمانة اذا كان موتورك ممكن يتظبط ويريحك اوكى ظبطه احسن لو تظبيطه مكلف وعاوز تغير الموتور احسب سعر بيع عربيتك + تكلفة الموتور (معايا انا التكلفة المباشرة كانت تقريبا 9000 جنيه + تكاليف غير مباشرة ومشاكل بتبان بعد شوية كمان 2000 جنيه وشوف المبلغ ده لو هايجيبلك عربية تانية جديدة مثلا او كسر وهاتريحك يبقى البيع احسن اما لو مش هايجيبلك يبقى عدل موتورك ... بس نصيحة الموتور ال 1300 لما بيتظبط مافيش اخوه بس بشرط ماتركبلوش تكييف تقيل وماتفكرش فى الباور (بالنسبة ليا انا الحمد لله انا دلوقتى مش ندمان على التغيير (الكلام ده بعد 6 شهور تظبيط فى الموتور الجديد بس لو الزمن رجع تانى كنت هابيع واجيب عربية تانية جديدة بدل ال 6 شهور البهدلة دول)

[ahmed1981]

(بالنسبة ليا انا الحمد لله انا دلوقتى مش ندمان على التغيير (الكلام ده بعد 6 شهور تظبيط فى الموتور الجديد بس لو الزمن رجع تانى كنت هابيع واجيب عربية تانية جديدة بدل ال 6 شهور البهدلة دول)

ألف شكر لحضرتك على النصيحة
أنا كده شلت فكرة تسقيط الموتور من دماغي

[madawbs]

ألف شكر لحضرتك على النصيحة
أنا كده شلت فكرة تسقيط الموتور من دماغي

عين العقل

[ramy_fiat_2000]

والله يا باشا ياريت كل الناس زيك تساعد بعضها
بس انا كان عندى سؤال بعد اذنك
انا نفسى اغير عربيتى واركب جولف 89 بس موتور 1600 او 1800 بس قلقان من قطع الغيار والميكانيكية اللى ممكن اتعامل معاهم ممكن اعرف العربيه ظروفها ايه فى قطع الغيار واستهلاك البنزين ؟

[madawbs]

والله يا باشا ياريت كل الناس زيك تساعد بعضها
بس انا كان عندى سؤال بعد اذنك
انا نفسى اغير عربيتى واركب جولف 89 بس موتور 1600 او 1800 بس قلقان من قطع الغيار والميكانيكية اللى ممكن اتعامل معاهم ممكن اعرف العربيه ظروفها ايه فى قطع الغيار واستهلاك البنزين ؟

بص ياباشا هى العربية مجرمة وسريعة وثابتة على الطريق وهاتعلمك الشقاوة (خلى بالك) واستهلاكها فى البنزين عادى جدا يعنى انا معايا 1800 وكان معايا 1300 طبعا ال 1300 كان بيشم البنزين يعنى على الاقل 250 كيلو فى الصفيحة غير السفر كنت باروح اسكندرية ب 11 لتر بنزين (كنت بافول من البنزينة الى فى اخر المريوطية وافول تانى فى ميامى مش من البوابات للبوابات يعنى حوالى 270 كيلو) وال 1800 فى السفر برضه من هنا (امارات الى جنب كارفور المعادى لغاية الغردقة رايح جاى 850 كيلو تقريبا عملت 60 لتر بنزين) وجوة البلد انا طريقى كل يوم باخد فيصل رايح جاى من اوله لاخره فى الزحمة (احيانا باخد ساعة ونص الصبح فى فيصل) بتعمل حوالى 200 فى ال 24 لتر تقريبا كل الى فات ده بدون تكييف.


بالنسبة لقطع الغيار متوفرة جديدة واستيراد (مادختش على حاجة حتى الان - دى رابع سنة راكب العربية)

اسعار قطع الغيار هى اعلى من الفيات وارخص من العربيات الجديدة مع فارق مهم ان قطع غيارها بتعيش مدة اطول لانها المانى

والميكانيكية غالبا كل الميكانيكية بيشتغلوا فيها بس فيه حاجات معينة باحب اعملها عند ميكانيكية متخصصين بس ماحدش احتاس فيها قبل كدة ماعدا بس الانجيكشن لان مش كل الناس فاهمة انجيكشن بصفة عامة مش علشان هى الانجيكشن بتاعها غريب عليهم واى استفسار تانى انا تحت امرك

[ramy_fiat_2000]

الف الف شكر على ردك يا باشا بس بعد اذنك ايه بتعمل كام موديل 89 1800cc
بالتكيف طبعا علشان بنتى

[madawbs]

انا مش متابع للسوق اوى بس بيتهيألى الاسعار واقعة دلوقتى يعنى بالكتير قوى 30 - 33 الف

[bmw323]

انا مش متابع للسوق اوى بس بيتهيألى الاسعار واقعة دلوقتى يعنى بالكتير قوى 30 - 33 الف

طيب ياباشا بما أنك خبير فى الجولف ماشاء الله كنت عاوز أخد رأى حضرتك فى حاجة أنا قدامى عربية جولف1 موديل 79 متسقطلها موتور 1800 يتهيئلى بى بى وفيها جنوط عربية زى دى أية رأيك فيها تنصحنى بيها ولا لا خصوصا أنا بحب الجرى جداا؟؟
وسعرها يبقى كام؟

[ramy_fiat_2000]

انا مش متابع للسوق اوى بس بيتهيألى الاسعار واقعة دلوقتى يعنى بالكتير قوى 30 - 33 الف

الف الف شكر يا باشا واسف على تعبك وازعاجك وانا فعلا سعيد بمعرفة حضرتك