مطلوب رايكم فى تزويد فلتر بنزين اخر

[ابوشوقى]

الساده الأفاضل
تحياتى لكم جميعا
فى ظل اسعار البنزين العاليه ميكانيكى قالى لى وبالحرف الواحد
انا لو معاى سياره موديل 2015 هااحط بنزين 80 وكررها كذا مره
قلت له ازاى ده هايبوظ العربيه قالى هااركب فلتر تانى وشكله

ويتم تركيبه بعد فلتر البنزين الموجود بالسياره هونداى
انا لم اصدقه وظللت ابحث عن صوره قريبه من الفلتر المراد تركيبه وهى
فلاتر موجوده لدى محلات بيع قطع غيار ميكنات الرى
ماهو رايكم فى ذالك
وهل يفيد او تكون له اضرار على السياره
ولكم جزيل الشكر

[rotanamasoud]

شوف يا باشا الفلترين حيعملو تنقيه للشوائب بحيث ان البنزين يكون نظيف جدا لاكن ايه علاقه ده برقم الاوكتان 80 او 92
يعنى عايز تحط فلترين حط مفيش مشكله عربيتك تقبل ال80 تمام لا تقبله وحتعمل مشاكل انت اللى حتتحمل مسؤليه ذلك (الخلاصه لا علاقه للفلتره الجيده برقم الاوكتان)

[bluemail]

حضرتك اولا فلتر ماكينات الري ده بيبقي فلتر جاز , علي حد علمي مافيش ماكينات ري بتشتغل بنزين
ثانيا الفلتر التاني مش هيرفع نسبة الاوكتان
هو هيفلتر الشوائب اللى في البنزين

[Mecha]

متسمعلوش دا ميكانيكي جاهل ,بنزين 80 هيبهدل دوره الوقود ,ممكن تركب فلتر تاني بس حمل علي الطرمبة

[Abo_Mazen]

طيب ما أنا عندي حل أحسن ..إحنا نجيب بنزين 80 من السعوديه أو من الكويت عشان نضمن نضافته ..تمام ..بس السؤال ..نسبة الإنضغاط اللي عندها هيحصل الإشتعال ..ده مختلف في بنزين 80 عن ال 92 ..ومشكلة نسبة الإنضغاط دي إن هي متحدده في السيارات ذات الحقن الإلكتروني ومبرمجه عليه ..

[ahmad--ezzat]

فلاتر للشوائب مش تحسين اوكتان

[ابوشوقى]

شكرا جزيلا لكم
فعلا الفلتر من اجل الشوائب
والأوكتان لايوجد فلتر من اجل تنقيته
وثالثا كما قلتم بيكون حمل على طرمبة البنزين