تجديد فيات اونو

[miko64]

السلام عليكم

ازيكم يا احلى اعضاء نايل موتورز من زمان وانا متابع المنتدى ده
واخيرا جبت اول عربيه ليه وهيا فيات اونو 93 1000cc
ومن ساعة ماجبتها وهى عامله معايا مشاكل
وكل شوية عند ميكانيكى او كهربائى فقررت بدل ما ابيعها انى اجددها
واسقطلها موتور 1300 او اعلى حسب ما تستحمل وحطيت ميزانيه 5000 جنيه
مع العلم انى هغير حاجات كتير فيها زىى الاسيابراتير وشوية حاجات كتير
طبعا انا هنا عشان استعين بخبركم فى عالم السيارات
تنصحونى اعمل ايه وابدا بايه مع العلم انى بحب السرعه جدا ومش عايز احس ان عربيتى قديمه
فى انتظار تعليقاتكم مع العلم انى هطلعكم عن التجديدات اول باول مجرد ما ايدا ان شاء الله

[pepo2011]

هات ماتور كامل علي بعضة بكل حاجاته ومفيش مشكلة من 1300

[السريع]

أونو, انتا جيت فى ملعبى دلوقتى مفيش مشكله من ال1300 و فى 1400 كمان لو عايز و مفيش منو مشاكل لأنها بتنزل برا 1400 تيربو, لو انتا من اليكس عليك و على الشيخ محمود فى الأزاريطه او لى لى , لو انتا من القاهره انزل عزبه شلبى, 5000 حلو لو شيلنا منهم 2000 جنيه للجنوط, و الموتور هايعمل كمان 2000 و زود 500 للزيت و مصنعيه فك و تركيب وانا معاك فى اى حاجه