تعديل رياضية الفيرنا

[AhmedSarhan]

الاختلاف بين الgreen stuff و الredstuff هو أسلوب القيادة و متطلباتك من التيل

الgreen مش بيركب على الهاتش باك و الred بيركب

كمان لو ركبت أمامى Red يبقى لازم اللى ورا الفابريكة أو ال Red
لو مركب قدام green ممكن تركب ورا Green,red,ultimax, الفابريكة
الميزة اللى فى الred الSilent braking

و الاتنين بيركبوا على USR Rotors

بالنسبة للسعر على حسب العربية...و أيوا فى طنابير من نفس الماركة
التوكيل فى بورسعيد بس لو فى طلبية ممكن تكلم الأستاذ أيمن MoMo10000 على الخاص
العربية بعد العفشة الاسبور بتوطى من 2.5-5 سم (1-2 انش)
أسعار كار بويز معرفهاش ممكن تتصل و تسأل


و طبعا وحوش التعديل يفيدوك أكتر منى يا أستاذ محمود

خالص تحياتى و تقديرى

[Ahmed Selim]

ال red stuff أغلى وأحسن فى الأداء.....بس حسب ما أعرف عنه أنه لازم يسخن كويس عشان يدى الأداء المتوقع منه.....يعنى لازم تمشى بالعربية شوية مع فرامل كتير عشان يسخن......بس أعتقد أيمن ركبه وشغال معاه زى الفل.

ال green stuff بيبقى كويس مش محتاج تسخين.....وده أنا مركبه عندى

السعر أيمن هو اللى هيفيدك فيه

الطنابير من نفس النوع........و لو نوع تانى برضه مفيش مشكلة

أحسن حاجة فى ال EBC أنه مكنش محتاج يطبع على الطنبورة زى التيل العادى

المكان الوحيد اللى بيبيع EBC هو الراجل بتاع بورسعيد بس متقلقش.....ايمن ممكن يظبطلك الموضوع ده
الكونى ممكن من عند الراجل ده برضه وممكن من أرابكوم و ممكن من كار بويز
لو هتركب عفشة كاملة ( مساعدين و سوست ) يبقى العربية هتوطى من 3 الى 4 سم.....لو هتركب مساعدين بس هتوطى فى حدود نص سم بس.

أسعار كار بويز كويسة......غالية عن الميكانيكى العادى شوية بس برضه كويسة
يعنى خد فى تركيب تيل ورا وقدام + طنابير قدام 100 جم

[Mahmoud_405]

الف شكر يارجالة علي الرد السريع جدا..

[Ahmed Selim]

العربية بعد العفشة الاسبور بتوطى من 2.5-5 سم (1-2 انش)

بتفرق من عربية للتانية.......بس ممكن تدخل هنا وتشوف عربيتك بنفسك

[AhmedSarhan]

Service temporarily unavailable
يا أحمد باشا

بس عاوز أعرف عندى فى الفيرنا أركب Performance ولا Sport

لو Performance أركب

FSD ولا
Special



ولو Sport أركب

Sport Kit ولا
STR.8 ولا
Coil-Over ؟؟

ياريت حد من الوحوش يوضحلى الفرق و التكلفة

[AhmedSarhan]

أنا دورت على سايت EBC على اللى ينفع الفيرنا اللى هيا أكسنت 2006

لقيت موجود Redstuff & Greenstuff

ال Part numbers

DP21768 لل Greenstuff Street Sport أمامى

DP21769 لل Greenstuff Street Sport خلفى

DP31768C لل Redstuff Fast Street أمامى

DP31769C لل Redstuff Fast Street خلفى

يا ترى أنا كدا جبت القطع مضبوط ولا حاجة تانية ؟؟

كمان ايه أخبار الأسعار النهائية بتاعت الحاجات دى يا شباب ؟؟؟

حد يعرف حاجة عن الكلام دا...ولا كدا الواحد بدأ يتكلم فى قلة أدب ؟؟

[momo10000]

باشا للاسف الموجود للهيونداي DP21643

مفروض انة بيركب علي الكوبية والالنترا الجديدة.... حصورة وابعته ليك تقارنة بالتيل بتاعك.

بالنسبة للموضوع Red & Green متقلقش ... انا ليا اكتر من 7 شهور في بحث متواصل ... وتجارب .. انا عربيتي هاتش باك ... قدام احمر وورا اخضر ... وقبل كدة قدام اخضر وورا اخضر .... الاحمر اتصنع مخصوص للعبد لله ... مش نازل للميجان احمر ...

خلاصة اخضر او احمر ... الكفاءة خيال فامفيش مشكلة ...... عن تجربة طويلة..

احنا نشوف اية المتاح ولو مفيش...... في طلبية الشهر الجاي نخلي اللي انت عايزة فيها.


وانا معاك يا باشا ... وكون مطمن...

[AhmedSarhan]

يا أيمن باشا مش عارف أقولك ايه على تعبك و متابعتك

ربنا يبارك فيك...بس متعرفش تفيدنى فى نوع الكونى و لو حتى مبدئيا بيرفورمانس و لا سبورت ؟؟

[AhmedSarhan]

ودى صورة عربيتى...يمكن فى حد فى مصر لسه ميعرفش الفيرنا D:

[Ahmed Selim]

Service temporarily unavailable
يا أحمد باشا

بس عاوز أعرف عندى فى الفيرنا أركب Performance ولا Sport

لو Performance أركب

FSD ولا
Special



ولو Sport أركب

Sport Kit ولا
STR.8 ولا
Coil-Over ؟؟

ياريت حد من الوحوش يوضحلى الفرق و التكلفة

ده بيعتمد أنت عاوز عربيتك أيه

أعلى حاجة فيهم ال coil over و بعد كده ال Sport Kit وبعد كده ال sport وبعد كده سترييت

ال coil over بتبقى عبارة عن مساعدين وسوست و ميكانيزم بيخليك تتحكم فى أرتفاع السوست و أنت فى العربية
ال Sport Kit بتبقى مساعدين sport + سوست واطية
ال sport بتبقى مساعدين sport بس
ال str8 بتبقى مساعدين أقل شوية من ال sport

التكلفة مش هقدر أفيدك فيها كتير......بس كل لما تنزل.....السعر هيقل
يعنى هتلاقى ال coil over أغلاهم

ال performance بيبقى أقل شوية من ال sport عموماً
ال FSD بالذات ده قصة لوحده.....بس فى أرابكوم مبينصحوش بيه
هو بيعمل زى فكرة المساعدين الsport بس هو بيغير النشوفية بتاعته مع نفسه حسب الطريق.......يعنى لو لقى الطريق كله مطبات يبقى هيقلل النشوفية ولو لقى الطريق سليم والسرعة عالية بيزود النشوفية عشان الثبات

ال special بيبقى تقريباً بديل للأصلى بتاع العربية بس برضه بيبقى أحسن
,اعتقد هتلاقسه هوه أرخصهم

بالنسبة لموضوع Service temporarily unavailable
حاول تانى معاهم أو.....ابعتلهم أيميل وقلهم على نوع العربية بالظبط وبالتفاصيل
بس لو الفيرنا ليها أسم تانى برة يبقى أستخدم الأسم التانى ده

[momo10000]

طبعا عبد المقصود مخلاش اي حاجة اقولها .....

توكل علي Sport Kit بتبقى مساعدين sport + سوست واطية

هو دا افضل حاجة من وجه نظري المتواضعة وعبد المقصود الوحش القديم في الحوار دا ....معايا في نفس الراي ..

[Ahmed Selim]

طبعا عبد المقصود مخلاش اي حاجة اقولها .....

توكل علي Sport Kit بتبقى مساعدين sport + سوست واطية

هو دا افضل حاجة من وجه نظري المتواضعة وعبد المقصود الوحش القديم في الحوار دا ....معايا في نفس الراي ..

أخجلتم تواضعنا يا حاج أيمن

[AhmedSarhan]

و الله الواحد مش عارف يقولكم ايه يا شباب...

فعلا ربنا يبارك فيكم و يخليكم لنايل موتورز

يبقى ان شاء الله الواحد يركب سبورت كيت كونى...يبقى سؤال عن التكلفة و أماكن الحصول عليها داخل القاهرة

بالنسبة بقى للتيل..ان شاء الله هركب ال Greenstuff بس اللى البارت نمبر بتاعو أنا كنت كاتبه و اللى هوا بينزل أصلا للأكسنت 2 (الفيرنا) متهيألى أفضل من انى أركب بتاع الانترا ولا الكوبيه الجديدة....و بالمناسبة مفيش معلومات عند EBC بورسعيد عن الطنابير للفيرنا؟؟
أخيرا ممكن أقلب عنده الفرامل اللى ورا سكينة ولا لازم الحرفيين؟؟

بصراحة أنا مستسهل أنزل مشوار واحد للراجل بتاع EBC وهوا يتعامل فى حوار الفرامل كاملا فهل دا ممكن ولا ؟؟؟؟

[momo10000]

بكرة يا باشا يكون عندك رد ... إن شاء الله خير ...

[3mr Farrag]

بص يا باشا انا سألت قريب في اربكوم علي مساعدين كوني سبورت للاكسنت الشكل القديم
و اعتقد مش هتلاي فرق في السعر اوي و بين الفيرنا...
و كان سعرها 3600 جنيه مساعدين بس....
بس انا بصراحه حاسس انهم غاليين ...

و سوءال لاستاذ احمد عبدالمقصود...
هو Coil Over ده نظامه هيدروليك ؟؟