سؤال فى فلتر الهوا الرياضى

[georock]

السلام عليكم

أنا معايا عربية جيتز و كنت عايز أجيب فلتر هوا K&N و لما رحت للموزع لقين أن أنا ممكن أركب حاجة من حاجتين :-

1- فلتر هوا بيركب جوا علبة الفلتر بتاعتة العربية و ده شكله


2- نظام سحب هواء كامل AIR INTAKE SYSTEM وده شكله


فأنا دلوقتى محتار أيه الفرق بينهم و أيه الأحسن لسحب العربية وأيه اللى بيعمل الصوت الجبار بتاع فلتر الهوا
وشكرا لكم

[pepo2011]

طبعا رقم 2 افضل ولو ان حضرتك مش هاتحس بالمطلوب اوي لانها اساسا عربية صغيرة ومش سبورت اساسا
ومش تيربو بس طبعا هاتحس بفرق لكن مش كبير ومش اللي بالك فيه

[georock]

طبعا رقم 2 افضل ولو ان حضرتك مش هاتحس بالمطلوب اوي لانها اساسا عربية صغيرة ومش سبورت اساسا
ومش تيربو بس طبعا هاتحس بفرق لكن مش كبير ومش اللي بالك فيه

رقم 2 أحسن من حيث أيه :-

أداء ولا صوت

ياعنى لو الأداء واحد يبقى حختار رقم 1 لأن عندنا فى قطر ممكن المرور يعمل لى مشكلة بسبب الصوت

[akmm]

رقم 1 مفيهوش مشاكل في التركيب وبيعطيك فرق في السحب والصوت مش عالى وبركب في نفس مكان الفلتر الاصلى وبيحتاج نظافه معينه ...... ورقم 2 له طريقه في التركيب وله وصلات خاصه به اما تكون معاه او بتشتريها منفصله ولابد الجزء اللى زى الكمترى بيكون اقرب الى شبكه السياره مع الغاء علبه الفلتر الاساسى وصوته عالى جدا ..... والاتنين بيستهلكوا بنزين اكتر من الفلتر الطبيعى بتاعها لانهما بحققوا حرق اعلى من المعتاد ولابد بالنسبه لهما ان يكونا فلاتر رياضيه اصليه ومش تقليد ......... تحياتى .