أعدل على البومه ولا أغير بموديل أحدث ؟

[Dawns_Mist]

الواحد بقاله سنتين محتار .. و العربية بومة 2005 برضه بدأت تتعب و انا شغلي بيجبرني أبهدل أم أي عربية تكون تحت رجلي و بحمل فيها بضاعه كتير و بسافر كتير جدا ..

أركن العربية شهر كده تتشد فيه شده محترمه أوي من أول الفرش لحد البوية و اسقط 2400 مايفيك بكل طقمها ؟ و ازود كماليات شوية

ولا أبيع و أتوكل على الله و أدور على حاجات موديل أحدث شوية مش محتاجه مصاريف ولا تعب قلب أيا كان هتبقى إيه ..

* انا بحب العربية تكون عفية و قوية أوي معايا .. مش مشكلتي في البنزين و مش المشكلة في سعر قطع الغيار لكن الاهم إن صيانتها تكون سريعه و سهله و ممكن أقعد 3 شهور مش عارف أركن العربية ولا 4 ساعات على بعض بحكم حياتي الفترة الحالية مشغوله جدا ..

- ياريت الناس اللي معدلين عربياتهم و عندهم خبرات كتير في الموضوع ده يقولولي العربية بعد ماخلاص تقف على رجلها و تبقى تمام و بتاخد منها الاداء اللي انت عايزه .. بتفضل اعتمادية معاك و متينه في الشغل و الحركة و السفر و العائله .. ولا بتفضل محتاجه مراكز صيانه و تعب قلب ؟
مع العلم .. انا مش محتاج 300 حصان .. كفايه عليا 160 حصان بس :) و مش محتاج أسقط العفشه على الارض و أركب ديفيل و كل الاشتغالات دي .. انا عايزها في النهاية عربية اعتمادية بس قوية !!

أعدل ؟
ولا
أبيع و أشتري جديد ؟

[khaled_yassin]

بيع و أشتري جديد

[lancer06]

نصيحة هتعدل يبقى تفضى نفسك لوجع القلب
يا تشترى العربية بوضعها بموتور اكبر يا بلاش
بيع عربيتك واشترى عربية حالة متكونش محتاجة شغل
تسقيط الموتور ومشاكلة واثبات الموتور على الرخصة والكلام دا انت فى غنى عنة

[svneleven]

التعديل عند حد نضيف هو الحل. شيل و حط كل حاجة من عربية زي بتاعتك. زوزا في الحرفيين محترم و شغله نضيف جدا.