عايز اعرف ايه اللي ناقص العربية دي في التظبيط

[JOOOOOOOOOO]

بسم الله القوي
***********
اهلا بيكم اعضاء المنتدى الكرام
انا عضو جديد معاكم ويارب اكون عند حسن ظنكم

انا معايا عربية ريتمو 85 سوبر
موديل سنة 1982
الموتور 1500 CC
5 سرعات غير المارش دير
سنتر لوك
جنوط الفابريكة 14
وطقم الصوت اللي فيها موش بطال شغااااااال
وكل اللي عاملو فيها
مغير السلاحين اللي في جنب الموتور فمش محتاجة شدادات على المساعدين

وانا حاطت فيها فتحات يو اس بي عاملهم على ايدي

ومظبط الفرش جوه جلد


المهم من وجهة نظركم ايه اللي ناقصها علشان تبقى 10/10 وقولولي ايه رايكم فيها








وشكرااااااااااااااااااااااااااااااااااااا

تم تعديل لون المداخلة, اللون الاحمر خاص بالادارة فقط

يرجى مراجعة قوانين المنتدى

مشرف القسم

[Terrible_DaRsH]

بسم الله القوي

اهلا بيكم اعضاء المنتدى الكرام

انا عضو جديد معاكم ويارب اكون عند حسن ظنكم

اهلا وسهلا بيك فى نايل موتورز ...
اولا اللون الاحمر مخصص للادارة فقط ..
ثانيا انا شايف ان ممكن لو غيرت الجنوط دى بجنوط احلى هتفرق كتير + فرش على ذوقك + تسقيط ان امكن + لون خارجى على ذوقك برده ...هتبقي 10/10 ..

[JOOOOOOOOOO]

انا فعلا ما اخدتش بالي وارجو من الادارة تعديل اللون

اخي اولا متشكر على ردك

ثانيا انا عامل فرش جلد جوه اسود في رمادي
والرسمة حكاية

وهل تقصد تسقيط يعني اغير المكنة

هي المكنة لغاية دلوقتي ماتعمرتش عمرة كاملة ودي الماكنة بتاعتها لان احنا تاني ناس نركبها والمكنة بيتعملها اطقم شنبر بس

الصورة اللي فاتت على ال RPM 4500 جايب 60

وانا لما بجري بيها بجيب بالتاني 75 كيلو متر في الساعة والرابع جربته جبت بيه 140 لكن الخامس لسه مجربتهوش

بالنسبة للدهان انا لسه داهنها سيلفر وحاطت مادة اسمها بر بتدي لونين مع بعض

اخي اركبلها جنوط مقاس كام وايه الشكل اللي هيبقا حلو عليها

[Terrible_DaRsH]

وهل تقصد تسقيط يعني اغير المكنة

لالا انا قصدى تسقط العربية شوية مش موتور ..

[magyver]

والله لو جنط 15 والشكل اللي انت عاايزة وتوطي العربية شوية ولعب في الفزانيس والشبك هااتبقي تمااااام

[essa]

انا شايف انك تسيبها كده لانك لو لعبت فيها هيبقى منظرها متهانه شويه انما هى كده بسم الله ماشاء الله شكلها نضيف ولو فكرت تبيعها على كده هتجيبلك سعر اعلى من انك تسقطها وتعمل فيها الشغل ده
ده رأيي بصراحه وياريت اكون قدرت افيدك بيه ..

[Einstein_EG]

انا شايف انك تسيبها كده لانك لو لعبت فيها هيبقى منظرها متهانه شويه انما هى كده بسم الله ماشاء الله شكلها نضيف ولو فكرت تبيعها على كده هتجيبلك سعر اعلى من انك تسقطها وتعمل فيها الشغل ده
ده رأيي بصراحه وياريت اكون قدرت افيدك بيه ..

انا متفق معاك فى كدة ، العربية عروسة و زى ما تكون جديدة ، لو عربيتى هصرف لو حاجة هتحسن اداء زى فرامل او غيره هيكون افيد و يزود فى سعر العربية ، او ممكن كاسيت او سى دى حاجة ممكن استفيد منها و لا اية ؟

[ouba2]

محتاجة جنط و تسقيط

[ams]

أهم حاجه ..شوف اهم حاجه ... تشيل المروحة

[JOOOOOOOOOO]

الف الف شكر على اراءكم
ومنتظر تاني


وانا بالفعل شلت المروحة
هههههههههههههههههه

[D . a .\ AYMAN]

أنا شايف انها محتاجة طقم فوانيس ضباب وجنوط سبور على ذوقك بس مش 15 هو 14 مقاسها الأصلي برضه هايبقى تحفة عليها وهايديها ثبات أكتر برضه من غير ماتحس انها ناشفة في المطبات

[mrghost]

فعلا العربيه لو بتاعتك لوحدك (يعنى مش بتركب حد معاك كتير ) سقطها شويه (وطيها يعنى ) وهيبقى شكلها تحفه

[Abdallah]

بسم الله ما شاء الله , العربية شكلها احلى كتير وهيا ستاندارد وانا من رأى تسيبها زى ما هيا واعتقد ان دى انضف ريتمو فى بورسعيد ولكن ازاى مشفتهاش قبل كدة فى البلد؟؟

[JOOOOOOOOOO]

ميرسي كتير لمساعدتكم لي

شكرا اخي عبد الله
دا احنا نتشرف بيك
والعربية بتمشي كتير في بنك الاسكان والافرنج

[Amr_Moh]

3`aiar El Jant Fakat

Wesebha 3alakeda