مساعدة من اهل الخبرة في تعديلات سيارة لوجان

[Monlogan]

[font="arial"][size="4"]السلام عليكم
انا معايا عربية لوجان الشكل الجديد مانيوال و سحبها مش عاجبني فكنت حابب اسال علي موضوع الفلتر الرياضي و الديفل و هل فعلا هيفرق في سحب العربية ولا هيأذوا الموتور علي الفاضي انا عارف ان الكلام علي الحاجتين دول كتير اوي و انا قريت كتير علي المواضيع دية في المنتدي هنا و استفدت بصراحة بس المشكلة ان الكلام عام و انا حابب استفيد من اهل الخبرة اللي هنا علي عربيتي بالتحديد و يا سلام لو حد معاه لوجان هنا بيعدل فيها يفيدني بتجارب شخصية يبقي زي الفل لان الناس اللي بتعدل في اللوجان مش كتير فمش لاقي حد فهمان اوي في الحتة دية
انا عربيتي 1600
90 حصان
4 سلندر
و ياريت لو حد يعرف اماكن بتبيع حاجات اصلية و نضيفة في الاسكندرية و لو حد يعرف اية الحاجات التانية اللي ممكن تتعمل في اللوجان
اسف علي التطويل بس علشان العربية دية كلاسيك و انا عملت فيها تعديلات كتير اللي انا اعرفها و عايز اكمل صح اسف علي التطويل مرة تانية و ارجو الافادة

[medo_egypt86]

وانا كمان

[ahmedbasto]

الأول حضرتك عايز من ايه الموتور ؟
التعديلات بقى الفلتر لو ركب صح هتاخد منه gains بس برضو مش هيحول العربية وكذلك علبة الشكمان الأخيرة مش دى اللى هتزود الأداء عايز اداء صح يبقى تعمل شكمان كامل بمواسير قطرها أكبر
بس عموما نصحيتى لحضرتك العب على الثبات والفرامل الأول بمعنى عدل عفشتك وفراملك الأستوك وبعد كدة دور على الجرى انا سايق اللوجان وعلشان كدة بقول لحضرتك الموتور يعتبر مرضى بالنسبة للطرق بتاعتنا بس أكيد لما تبقى العربية أثبت واستجابة الفرامل اسرع هتحس بأمان اكتر