فلتر الهواء الرياضى

[fighter410]

انتوا جامدين فى التعديل
بس كنت عايز اعرف ايه موقف الجين 2 معاكوا فى التعديلات
انا عندى فكرة عامه و عايز اعرف صح وللا لأ
الفلتر بيزود من 20 الى 25 حصان
ال ecu حوالى 30 حصان
بس التربو بيزود ما يوازى 60 % من القدرة الحصانية للموتور فوق قوته
بس الكلام ده كويس ؟
علما بان الشاسيه قوى و العفشة macpherson و الموتور من شركة لوتس 110 حصان الانجليزى ارجو الافادة و شكرا

[fighter410]

سؤال كمان
ممكن حد يعدل الربية تبقى دفع خلف؟ عشان الموضوع ده دماغى بتاكلنى فيه
و لو ينفع ياريت اعرف تفاصيل تقنيه عن الموضوع
الجين 2 عربية حلوة اوى اكتر من حاجات كتير و ليها تقييم فى برنامج توب جير
هو 9 /20 بس كويس احسن من الباقى اللى فى مصر كله
شكرا

[MMamdouh]

الفلتر عمرة ما حيزود 25 حصان الا لو عربيتك 500 حصان مثلا

التربو بيزود اى عدد من الاحصنة حسب حجمة و ضبطة و التعديلات المناسبة على الالبساتم و البيلات

دفع خلفى دى قصة كبيرة جدا و معتقدش حد فى مصر يعرف يعملها صح

MMamdouh

[Michael_Lanos]

اعرف صديق ليا مركبه بيقولى لا بيسافر بالعربيه وهو مركب افلتر الرياضى العربيه بتسحب بنزين بطريقه عاليه

[amirhamed]

اعرف صديق ليا مركبه بيقولى لا بيسافر بالعربيه وهو مركب افلتر الرياضى العربيه بتسحب بنزين بطريقه عاليه

يبقى ايه الفائده من الفلتر الرياضي .
وبعدين اسمع انه اوسع من العادي وفي بلادنا العزيزه مع كم التراب ده يبقى صعب قوي

[panuccistorex]

لو في حد مركب فلتر سيموتا في مازدا 3 بالماسوره يا ريت يفيدني

[Michael_Lanos]

عاوزين اراء الناس اللى مركبين فعليا فلتر رياضى

[mohamed_mohsen]

انا مركب (سيموتا) عندي في الفيرنا بقاله اهوه يجي 4 شهور
و ممتازه بصراحه
الصوت مابيبانش الا لما تكبس بنزين جامد (تدوس لاخر الدواسه)
السحب طبعا بيفرق بس بعد لما تعدي ار بي ام معين
استهلاك البنزين عادي جدا زي قبل الفلتر ما يركب
بس لو دوست جامد الاستهلاك بيبقي عالي
مفيش اي صوت و انا مسافر(مدام مابتدوسش جامد)

تحياتي للجميع,,,,

[م.أحمد_حماد]

مساء الفل يا محمد بسألك يا برنس التعديلات أيه هو الفرق بين الهيدر 1-2-4 و الـ 1-4 يا باشا و لكم جزيل الشكر.
أخوك أحمد أوبل(عاشق السرعة)

[م.أحمد_حماد]

هدرات هى جمع هدر و دى كلمة فى الاصل انجليزى Header و المقصود بها فرن الشكمان

الهدرات السبور بتبقى مواسيرها اكبر و بيبقى فى ترتيبة لدمج مواسير الشكمان مع بعض و بتبقى يا اما 4-2-1 يعنى ماسورة السلندر 1 و 4 بينزلوا فى ماسورة لوحدهم و ماسورة سلندرات 3 و 2 فى ماسورة لوحدهم و بعد كدة يتم الدمج بين الماسورتين دول


اما النوع التانى بيبقى 4-1 و هنا كل المواسير بتندمج فى نقطة واحدة و دة اشبة بترتيب الفرن الاصلى لمعظم سيارات الركوب


الهدر ال 4-2-1 بيدى قدرة حصانية افضل على حساب العزم اما 4-1 بيدى عزم دوران لكن القدرة الحصانية مش عالية

MMamdouh

[mix_elmasry]

انا معايا شاهين 2002 كربراتير والفلتر بتاعها مش فوق العمه لا... هوا فوق الرفرف الشمال و
ركبت فلتر سيموتا وماسوره تفصيل ونكلتها (طليتها نيكل)
وبعد ما وصلت واتاكدت ان الدنيا سليمه لقيت صوت الفلتر ضعيف اوى بس السحب اتحسن ايه العمل

اصل في ناس قاليتلى ان الفلتر السبور مابيعملش صوت فى العربيات الكربراتير
ارجو الرد
مع تحياتى

[MMamdouh]

هو انت مركب الفلتر عشان الاداء ولا الصوت؟؟؟

طالما السحب اتحسن يبقى الفلتر عمل اللى علية

MMamdouh

[sameh127]

الفلتر بيساعدك علي تحقيق الأحصنة عند rpm المكتوب في كتيب المحرك لأن البنزين في مصر مش زي البنزين اللى استخدم في اختبار المحرك في بلده و الزيت برده شرحه و المناخ لة اكبر عامل يعني محرك صنع في سويسرا و قدرته 100 حصان ،لما ييجي مصر مش حيحقق ال100 حصان حتي لو جبت اخر الدواسة حيبقي اقل بقليل لأن حرارة و كثافة الهواء بتفرق كتير في اداء المحرك و خصوصا في القيادة قرب نهاية قدرة المحرك.
الفلتر عامل مساعد للوصول لقمة الأداء للمحرك

[mix_elmasry]

متشكر للرد
انا قصدى هو مابيعملش صوت فى الكربراتير
اصل انا لم رحت اشتريه الراجل قاللى انو هيبقى زى قلته بس انا حاسس ان العربيه اتحسنت جامد
وزى ماتكون عايزه تجرى وصراحه انا سمعت صوته فى عربيه لانسر عاجبنى فهل فى حاجه تخليه يعمل صوت
مع تحياتى

[hossamkamel]

ابيزا 94

هو الكلام ده ينفع لابيزا 94 ويتركب فين و ازاه وشكرا وهل يزود سحب السياره 1300 سىسى