تعديل فرامل النوبيرا الخلفية لديسكات

[piezo]

افهم من كدة ان حضرتك غيرت نظام الفرامل الخلفية بقى شبة الامامى او شكل الاوبتراكدة

اي نعم

[n_nabil76]

معلش هتعبك معايا لو تقولي كل حاجة انت جبتها باسمها وسعرها وبكام والمصنعية كام دة طبعا بالنسبة لتعديل الفرامل بس وربنا يبعد عنا الدخنة

[wesam_salom]

معلش هتعبك معايا لو تقولي كل حاجة انت جبتها باسمها وسعرها وبكام والمصنعية كام دة طبعا بالنسبة لتعديل الفرامل بس وربنا يبعد عنا الدخنة

اتحسنت 40% او اعلى شوية بس ريحتنى واتكلفت500 للجمبين و100لسلك الهند بريك و100 تركيب تقريبا

وبالنسبه للتكلفه انا جايب الجنبين كاملين بالشمعدان بالمستر و الدشم و الخراطيم و جراب فرامل اليد وسلك كمان بتاع فرامل اليد كله بي 575 جنيه

[zocor742]

طيب ممكن حضرتك تكتبلى اسم كل قطعة انت اشترتها او لما اجى اجيب الحاجة هحتاج لاية يعنى قطع الغيار و اشتريهم جداد ولا فى حجات منهم مستعملة وهل اى مكانيكى ممكن يقوم بالعملية دى ولا بيبقى فى حد متخصص والنتيجة مضمونة ولا مش اوى يعنى شوية استفسارات من حضرتك لو تكرمت اصل الفكرة عجبتنى وبفكر انفذها بالزات لو فى الفرامل وشكرا

[zocor742]

امبارح الحمد الله جبت الديسكات الي ورا بتاعة النوبيرا كامله بي الشمعدان و الدشم و الماستربالخراطيم بتاعته بي جراب فرام اليد

معلش سؤال نسيت اسئلة لحضرتك هو الحاجة الى انتاشتريتها دى بتاعت نوبيرا اصلا ولا اى عربية تانية ممكن تركب على النوبيرا

اصل الى اعرفة ان النوبيرا حتى الخليجى والاوروبى منها نظام فرامل واحد والديسكات قدام بس ولا فى نوبيرا ديسكات ورا وقدام

معلش ممكن تكون اسئلتى كتير بس من اعجابى للفكرة

[zocor742]

اية يارجالة محدش من الى عمل الحوار دة يقدر يفدنى بحاجة
ولا محدش بيدخل الموضوع دة اساسا؟؟

[MMamdouh]

ايه السؤال اللى انت مش لاقى اجابة علية؟؟

MMamdouh

[zocor742]

هو كذا سؤال الصراحة
الاول انا عجبتى الفكرة اوى وعايز اعدل الفرامل الخلفية لديسكات فى نوبيرا 1 عايز اعرف هينفع عندى زى النوبيرا2 ولا لآ
كمان عايز اعرف الحاجات الى هاجبهاعشان انفذ التعديل وسعر التكلفة النهائى والحاجات دى بتاعت نوبيرا بردو وينفع اشغل ال abs لو جبتلة كل حاجة بتاعتة ولا لازم تكون العربية مجهزة لكدة واى ميكانيكى يقدر يعملى التعديل دة ولا لازم حد متخصص فى الفرامل

[piezo]

هو كذا سؤال الصراحة
الاول انا عجبتى الفكرة اوى وعايز اعدل الفرامل الخلفية لديسكات فى نوبيرا 1 عايز اعرف هينفع عندى زى النوبيرا2 ولا لآ
كمان عايز اعرف الحاجات الى هاجبهاعشان انفذ التعديل وسعر التكلفة النهائى والحاجات دى بتاعت نوبيرا بردو وينفع اشغل ال abs لو جبتلة كل حاجة بتاعتة ولا لازم تكون العربية مجهزة لكدة واى ميكانيكى يقدر يعملى التعديل دة ولا لازم حد متخصص فى الفرامل

اولا السلام عليكم ياباشا
ثانيا الحاجات ديه انا جبتها بتاعة نوبير بس سكاكين ورا يعني قعد ادور علي نص عربيه نوبيرا علشان اخد السكاكين منها الحاجات ديه كلها كنت بي 500 جنيه وكان معاها برده ال ABS بس انا كبرت دماغي من الحوار ده ليه لاني لازم اجيب ABS ادام برده وطبعا غلبه و ليسه ال ABS بذات نفسه معرفش سعره كام و حوارات كهرباء انا في غني عنها حكايه ان في اختلاف بين نوبيرا 1 و 2 معتقدش في اختلاف بس طبعا لازم تتاكد الاول قبل ماتعمل اي حاجه ان كل حاجه زي النوبيرا 2 ولو علي المكانيكي عندك محمد عبده ممكن يركبهملك بس التكلفه كام مش عارف لاني كنت بعمل كذا حاجه مع بعض فا مقدرش اجزم المصنعيه كام

[MMamdouh]

حسب ما اعرف النوبيرا 1 زى 2 من الناحية الميكانيكية بالتالى اى جنبين خلفى نوبيرا يركبوا عندك... انت كل اللى حتحتاجة جنبين خلفى بفرامل ديسكات

حوار الABS دة صعب لان فيه تغيير ضفيرة كاملة و كبالن و تركيب طلمبة زيت و حساسات

لو ميكانيكى بيفهم حيعملك التعديل بدون مشاكل

MMamdouh

[zocor742]

اشكرك ياباشا
بس ان شاء الله نتيجة مضمونة؟
وقطع الغيار الى هجيبها بردو بتاعت نوبيرا ولا عربية تانية ولو حاجة تانية اية افضل حاجة اقدر اجيبها
وبالنسبة للقطع الفرامل القديمة هحتاجها فى حاجة بعد كدة ولا ممكن ابعها واكمل عاليها للتعديل ولا مش هيتباعوا

[zocor742]

انا من الاسكندرية حد يعرف حد بيعمل الموضوع دة كويس فى الاسكندرية ولا لأ وبالنسبة للتكلفة فهى مش غالية وانا ناوى فى الصيف اعمل شغل سروجى فى العربية وشوية حاجات كدة تركيب كساحات وعتب بس شغل خفيف اوى وهغير الشبكة الامامية وشغل سمكرة خفيف فابلمرة اعدل الفرامل يبقى كل مرة واحدة بدل ما اعمل كل شوية حاجة وبصراحة تعديل الفرامل دة من اهم الحاجات الى الواحد لازم يفكر يعملها

بجدالواحد من اول ما دخل المنتدى دة وانا عرفت حاجات كتير وكلها حاجات مهمة جدا ممكن الواحد مكنش عرفها

[MMamdouh]

اشكرك ياباشا
بس ان شاء الله نتيجة مضمونة؟
وقطع الغيار الى هجيبها بردو بتاعت نوبيرا ولا عربية تانية ولو حاجة تانية اية افضل حاجة اقدر اجيبها
وبالنسبة للقطع الفرامل القديمة هحتاجها فى حاجة بعد كدة ولا ممكن ابعها واكمل عاليها للتعديل ولا مش هيتباعوا

النتيجة ان شاء الله مضمونة... و اهم فرق حتحس بيه هو اختلاف مشوار الدواسة

اعتقد كدة الطنابير و التيل و البلى حيبقوا بتوع اوبترا (احتمال بلى النوبيرا يشتغل)

الحاجات القديمة مش حتعرف تبيعها... خلليها معاك مش حتخسر... يمكن حد معرفة يحتاجها

MMamdouh