أحلى عربيه ترسم على شفتيك ابتسامه عريضه بعد التعديل

[Aky boy]

هوندا سيفيك

انا شايف ان اجمل حاجه الهوندا السيفيك وموديل من 92 لحد 94 بس اركب منها الماتور الفيتك
مع اضافات على الماتور زى طقم بيجوهات اسبور وطقم فلاتر رياضيه وحاول بقا تنزل فيها ماتور 1800 سى سى vtk برضو وفتيس 6 غيار وجنط 17 فلات 195 /50 حرارى وانا هوريك شوية عربيات سيفيك فى مصر

[MMamdouh]

كل دة شكل و مناظر... المهم على الطريق

MMamdouh

[MMamdouh]

كل دة شكل و مناظر... المهم على الطريق

MMamdouh

[M.Ayman]

اولا لازم اقول ماشاء علي السيفيك بتاعت يكن من احلي السيفيكات اللي الواحد بيشوفها في مصر

ثانيا الخلاصه لو معاك فلوووس - ربنا يزيدك - جيب بي ام لان البي ام ملهاش حدود للتعديل يعني مواتييييرها كتيييير و علي كل لون بس ادفع ٤ و ٦ و ٨ و ١٢ سلندر و ال M بارقامها و ده كله في اللي استوك لسه كمان لما تعدل بقي exhaust و كارونه و فتيس و تربو و سوبر اتشارجر يعني التوب ملهوش حدود لو ربنا مقدرك

طيب انت راجل الحمد لله معاك فلوس مش كتير قوي بس يعني مثلا في رينج ٨٠-٩٠ الف ممكن تجيب e36 و تظبطها و تحطلها موتور ٢٨ اسود vanos و رش العربيه لون حلو مع عتب و اكصدامات

معاك ٦٠-٧٠ الف نفس الكلام اللي فات علي ال e30 بس مع موتور ٢٥ اسود vanos برضه هتعمل حاجه وهم و في اداء الدبانه برضه

الجولف عربيه قليييلة الادب في جريها و مواتيرها و طبعا في الثبات ما شاء الله لا غبار عليها -بس معنديش فكره علي رينج الاسعار للاسف - بس هي مش غاليه برضه يعني الرينج بتاعها مش صعب

السيفيك عربيه ليها احترامها ال v-tech حاجه وهم ماشاء الله في الشكل بعد التظبيط بس في التعديل لو معاك فلوس كتييير -ربنا يزيدك- و عايز تعمل حاجه مش هتعرف تلاقي الاختيارات الكتيره اللي عندك في مواتير البي ام و حتي لو افترضت هتجيب مكنه من بره هترفك بقي في كل قطعة غيار انما لو عايز تعدل في رينج المتاح في مصر اظن مش هتعرف تعلي عن ٢٠٠ حصان من غير تربوهات بقي و الذي منه

و لو حد شايفني بتكلم غلط يعدل عليا

[egyptodentist]

تحية طيبة للاعضاء الكرام.....وتحية خاصة لصاحب الموضوع الشيق...........
بالنسبة لموضوع التعديل فهذا بحر واسع جدا وزي ما قالوا بعض الاغضاء المحترمين ممكن تعدل عربية من 10 اللف اللي 100 اللف حسب امكانياتك......طبعا الbmw و الهوندا لاغبار عليهم من ناحية قابلية السيارة للتعديل.......بس انا عن نفسي معايا نيو اكسنت علي قد حالي (وفضل ونعمة من عندك يا رب)
car tuning hyundai new accent .wmv - YouTube
انا ليا راي متواضع بالنسبة للعربيات اللي بتقبل التعديل......
الهيونداي كوبيه 2005.......العربية دي بتعمل في حدود (39000-65000)حسب الحالة.....
بالنسبة للمواتير في الموتور ال2000 سي سي(بتكنولوجيا ال cvvt وده الجيل ال beta II وبيطلع حوالي 135 HPوالجميل انه عزمه عالي نسبيا لوزن السيارة 138 n.mو فيه طبعا الموتور ال2700 v6 زي اللي في السونات وداه اسطورة الجيل الdelta وبيطلع حوالي 165-175 HP وعزمه245n.m علي rpm واطي 3800
وده بيخلي الموتور حلو جدا ادأه مع ال super charger عشان الموتور عزمه شديد علي low rpmفمش بيتاثر جامد بحمل ال super charger وطبعا بيفح بعد ال4000rpm ده بالنسبة للموتور
بالنسبة للثبات فتصميم العربية اساسة شكل الsport cars يعني مش سيدان و متعدلة 2 باب و الaerodynamics بتعها حلو جدا واكيد مع عفشة رياضية (اكيد مش الstock اللي نازلة بيها) يعني مثلا طقم apex بالسوسات بتعته مع شوية دعمات شاسية(upper&lower stut bars) وطبعا طنابير ventlatedواجهزة brembo الوضع بيختلف خالص عن اللي منزلها غبور وده عن تجربة لان ليا واحد صاحبي معاه واحدة منطقة حرة بورسعيد (الله يباركله فيها) عامل الشغل داه تقريبا بالاضافة انه كان جايب نص كامل 2008 استيراد اللي هو الfaceliftبخيرة ربه بالمكنة ال2700 وطبعا غير الستارة بس عشان اختلاف الوش وشيل وحط والدنيا تمام.....بس طبعا مش مركب سوبر شارجر المهم العربية بسم الله مشاء الله وعن تجربة لا mivec 2400 ولا sir ولا حتي الدبانة (مع احترامي لكل العربيات دي وعلي راسي من فوق عشان محدش يزعل) بي دي تجربة واقعية ومحدش يقولي يمكن العربيات دي مش متضبطة بالعكس انتو عارفين الجماعة بتوع بورسعيد مهوسين بالتعديل وعلي فكرة العربيات دي كلها برضو اسطورة بالنسبة لعربياتنا ال stock بس الكوبيه دي كانت في accelration ديما بتكسب بفارق ملحوظ >>>>بس للامانة انا معرفش هل ثباتها اشد من الهوندا واللانسر(طبعا ال bmw بعيد عن الفليم ده عشان محدش يقول عليا عبيط)بس طبعا بالنسبة للانسر و الهوندا ال stock طبعا ثبات الكوبيه اللي ركبتها دي جبار بس اعتقد انه ثبات ال sir اللي كنا بنشد معاها اشد لانها هاتش باك والراجل تقريبا معدل العفشة برضو ماركات محترمة ........
ملحوظة اخيرة النص اللي جابه صاحبي دع كان عامل 22 اللف بس هوا خد كمان زيادة علي النص الاكصام الخلفي والفانوسين (عشان تبقي 2008 رسمي )وطبعا النص كان جاي بطابلوه وخد كمان ال side air bags و العفشة اللي ورا (طبعا سكاكين)اللي نازلة من غبور 1600عادية
بالنسبة للصور مش محتاج ارفع صور اعمل بحث عن hyundai tiburon tuningوحتلاقي كتير جدا
علي فكرة العربية دي بيسموها فراري الفقراء(والغنة غنة النفس مش الجيب)
فلو حسبنا الحسبة هتجيب عربية متوسطة او تعبانة (بس تكون دواخل فبريكة) هتعمل حوالي 40اللف ونص بحوالي 15 اللف(لانه صاحبي جابه من 3 سنين فاكيد رخص شوية)وعفشة من 5000-7000 ورش وحركات ومصنعيات وسفريات والذي منه 5000 يعني تقريبا ال total في حدود65-70 وبقي معاك عربية اداء شبيه بالsport cars وموفرة طبعا بالمقارنة بالياباني والاروبي ده غير قطع الغيار الاستيراد اللي هترخص كمان وكمان لان اخر العربية دي 2008 وطبعا بره ابتدوا يرموها(هي صحيح مش متوفرة بكثرة حاليا بس اللي يطلب عربية كاملة اكيد المستورد هيجبهالو..................

واسف للاطالة

[i_Am_Legend]

خد عندك ارخص عربية ممكن تعدلها.لانشيا ديدرا..بموتور 2000 سيسي 145 حصان 16 صباب..الموتور كلة ب2000 جنيه...واوعدك ان مافيش عربية تعرف تعمل معاك حاجة علي الطريق..

[ME5EMR]

بعد ازنكوا
راحت فين الجولف ؟؟؟؟؟؟؟؟؟؟؟
كفايه المكنتين دول
2000 abf - 150 hp
1800ee
vr6- 2800 -12 صمام /172حصان
و فيه مكن vr6 نادر في مصر مقدرش اقول مش موجود عشان مفتيش
يعني في مكنه بتاعت 2001و ديه نزلت في اوروبا 3200 سي سي -225 حصان
و برده نزل تاني في الاودي tt بس 3200سي سي و 247 حصان
و فيه اللي بعد 2008 اللي نزل في passat r 36 و ده كان 3.6 FSI VR6 و بيطلع 295 حصان
كل ده استوك
و برده شوفوا المواتير بتاعت الفولكس اد ايه و اللي موجود في مصر يتعدوا علي الصوابع VW Engine Codes - Club VeeDub
والجولف اصلا عربيه لا غبار عليها
ثبات و جري و شكل
بس حرقه في فلوسها
و شكرا

[gigomiko]

تحية طيبة للاعضاء الكرام.....وتحية خاصة لصاحب الموضوع الشيق...........
بالنسبة لموضوع التعديل فهذا بحر واسع جدا وزي ما قالوا بعض الاغضاء المحترمين ممكن تعدل عربية من 10 اللف اللي 100 اللف حسب امكانياتك......طبعا الbmw و الهوندا لاغبار عليهم من ناحية قابلية السيارة للتعديل.......بس انا عن نفسي معايا نيو اكسنت علي قد حالي (وفضل ونعمة من عندك يا رب)
car tuning hyundai new accent .wmv - youtube
انا ليا راي متواضع بالنسبة للعربيات اللي بتقبل التعديل......
الهيونداي كوبيه 2005.......العربية دي بتعمل في حدود (39000-65000)حسب الحالة.....
بالنسبة للمواتير في الموتور ال2000 سي سي(بتكنولوجيا ال cvvt وده الجيل ال beta ii وبيطلع حوالي 135 hpوالجميل انه عزمه عالي نسبيا لوزن السيارة 138 n.mو فيه طبعا الموتور ال2700 v6 زي اللي في السونات وداه اسطورة الجيل الdelta وبيطلع حوالي 165-175 hp وعزمه245n.m علي rpm واطي 3800
وده بيخلي الموتور حلو جدا ادأه مع ال super charger عشان الموتور عزمه شديد علي low rpmفمش بيتاثر جامد بحمل ال super charger وطبعا بيفح بعد ال4000rpm ده بالنسبة للموتور
بالنسبة للثبات فتصميم العربية اساسة شكل الsport cars يعني مش سيدان و متعدلة 2 باب و الaerodynamics بتعها حلو جدا واكيد مع عفشة رياضية (اكيد مش الstock اللي نازلة بيها) يعني مثلا طقم apex بالسوسات بتعته مع شوية دعمات شاسية(upper&lower stut bars) وطبعا طنابير ventlatedواجهزة brembo الوضع بيختلف خالص عن اللي منزلها غبور وده عن تجربة لان ليا واحد صاحبي معاه واحدة منطقة حرة بورسعيد (الله يباركله فيها) عامل الشغل داه تقريبا بالاضافة انه كان جايب نص كامل 2008 استيراد اللي هو الfaceliftبخيرة ربه بالمكنة ال2700 وطبعا غير الستارة بس عشان اختلاف الوش وشيل وحط والدنيا تمام.....بس طبعا مش مركب سوبر شارجر المهم العربية بسم الله مشاء الله وعن تجربة لا mivec 2400 ولا sir ولا حتي الدبانة (مع احترامي لكل العربيات دي وعلي راسي من فوق عشان محدش يزعل) بي دي تجربة واقعية ومحدش يقولي يمكن العربيات دي مش متضبطة بالعكس انتو عارفين الجماعة بتوع بورسعيد مهوسين بالتعديل وعلي فكرة العربيات دي كلها برضو اسطورة بالنسبة لعربياتنا ال stock بس الكوبيه دي كانت في accelration ديما بتكسب بفارق ملحوظ >>>>بس للامانة انا معرفش هل ثباتها اشد من الهوندا واللانسر(طبعا ال bmw بعيد عن الفليم ده عشان محدش يقول عليا عبيط:o_stupid[1]:)بس طبعا بالنسبة للانسر و الهوندا ال stock طبعا ثبات الكوبيه اللي ركبتها دي جبار بس اعتقد انه ثبات ال sir اللي كنا بنشد معاها اشد لانها هاتش باك والراجل تقريبا معدل العفشة برضو ماركات محترمة ........
ملحوظة اخيرة النص اللي جابه صاحبي دع كان عامل 22 اللف بس هوا خد كمان زيادة علي النص الاكصام الخلفي والفانوسين (عشان تبقي 2008 رسمي )وطبعا النص كان جاي بطابلوه وخد كمان ال side air bags و العفشة اللي ورا (طبعا سكاكين)اللي نازلة من غبور 1600عادية
بالنسبة للصور مش محتاج ارفع صور اعمل بحث عن hyundai tiburon tuningوحتلاقي كتير جدا
علي فكرة العربية دي بيسموها فراري الفقراء(والغنة غنة النفس مش الجيب)
فلو حسبنا الحسبة هتجيب عربية متوسطة او تعبانة (بس تكون دواخل فبريكة) هتعمل حوالي 40اللف ونص بحوالي 15 اللف(لانه صاحبي جابه من 3 سنين فاكيد رخص شوية)وعفشة من 5000-7000 ورش وحركات ومصنعيات وسفريات والذي منه 5000 يعني تقريبا ال total في حدود65-70 وبقي معاك عربية اداء شبيه بالsport cars وموفرة طبعا بالمقارنة بالياباني والاروبي ده غير قطع الغيار الاستيراد اللي هترخص كمان وكمان لان اخر العربية دي 2008 وطبعا بره ابتدوا يرموها(هي صحيح مش متوفرة بكثرة حاليا بس اللي يطلب عربية كاملة اكيد المستورد هيجبهالو..................

واسف للاطالة

مع كامل احترامي لكلامك، بس في نقطه مهمه جدا حضرتك ذكرتها غلط في غلط في غلط ،، هيونداي كوبيه ايه ال تتجاب ب ٤٠ الف جنيه !!!!!!؟؟؟ و فبريكه دواخل !!!!!!!؟؟؟؟؟؟؟؟؟ لو حضرتك تقصد هيونداي كوبيه منطقه حره بورسعيد
فا انا طبعا بعتذر ليك و كلامك صح سعرها ٤٠ الف فعلا لو منطقه حره بورسعيد انما لو ملاكي فسعر الهيونداي كوبيه رشه دواخل و شاسيه مفتوح ٤٥-٥٠ و السليمه تماما من ممكن توصل ٧٢ الف لو فابريكه بره و جوه ، مع كامل احترامي ليك الكلام ده مش من فراغ العربيه معايا بقالها فوق ال ٥ سنين و بعتها و جبت غيرها لون ثاني و انا الاقدر علي تقييم سعر السوق بحكم خبرتي في الهيونداي كوبيه [/size]

[hossamalsadik]

البى أم والسيفك مأدرش اتكلم عدل فيهم للصبح

بس نسيتوا الأبيزا عدل فيها للصبح هيا كمان وخشوا وشوفو التعديلات

لمشاهدة تعديلات على ابيزا اكتب فى جوجل seat ibiza 2002 tuning

وكلها ممكن تتحقق فى مصر بس أدفع ياباشا ... اه حجتها اقل تكلفه من الجلف والبي أم


تحياتى


_

[engahmedsamy]

golf forever

[mhoreya]

سيفيك طبعاااااا

[waleed alsudy]

هوندا سيفك
مكنه vitc
جنط 17 مومو
بيبان طياره بالريموت
بدي كت
عفشه اسبور
نظام عادم مع صوت هادي
فلتر اسبور بالماسوره كامل
كراسي ريكاروه
فوانيس ليدات امامي وخلفي
سون سستم دي اس بي
وكدا اتعشت اوي
انا فعلا معايا هوندا وعامل 90%من اللي انا قولته

[Silent~Dream]

ال البى ام دبليو و الهوندا سيفيك

[Ahmed TRAVCO]

لانسر شارك طبعا طبعا بعد تحويلها لايفولوشن 10

[Honda_lover]

طيب وبالنسبة للجولفات ملهاش حظ فالتعديل والابتسامة الحلوة العريضة اللي زي اللولي ولا ايه