بوجيهات Ngk الرياضية...؟

[anwarnono]

السلام عليكم.
من خلال زيارتى لكثير من المواقع لقيت ان كثير من الاراء تتحدث عن جوده هذة البوجيهات اليابانيه ورخصها ايضا فى الاسواق بالمقارنه بمركات اخرى،(sport spark plug ) هذا اسمه ويوجد ايضا الوير ،ويتراوح سعر البوجيهات فى حدود 70 الى 100 والوير من 100 الى 150 هذة الاسعار منقوله من المواقع.فما راى الخبراء بهذا!!

http://dvd4arab.maktoob.com/showthread.php?t=67532

[anwarnono]

أيه رأيكوا ..وأيه موضوع 1 او 2 او 3 او 4 شمعه وأفضلهم .ومن الاخر أحسن نوع فى البوجيهات والوير ويكونوا مش غالين اوى ويتجابوا منين؟
شكرا

[badblood]

بصراحة انا اول مرة اسمع ان في بوجيهات NGK رياضية
بس معروف ان التوب في النوع من البوجيهات والسلوك شركتين هما
splitfire & MSD
وانا مجرب الـــ splitfire بالسلوك بتاعتها والحمد لله زي الفل

[crazylambada]

بصراحة انا اول مرة اسمع ان في بوجيهات NGK رياضية
بس معروف ان التوب في النوع من البوجيهات والسلوك شركتين هما
splitfire & MSD
وانا مجرب الـــ splitfire بالسلوك بتاعتها والحمد لله زي الفل

طب لو عاوز اجيب السبليت فاير اصلي بالوير بتاعه
اجيبه منين
اصل انا بخاف من الحاجات المصروبة
فمكان يبقى ثقة و ياريت لو يبقى في شارع دمشق

[badblood]

محل هاي لاين في شارع دمشق موجود عنده انا عن نفسي جايب الواير من هناك

[anwarnono]

يعنى أعمل حسابى على كام بوجيهات والوير،وهل لازم اغير الشكمان ولا مش شرط هحس بفرق بردوه.:k38:

[badblood]

مش الشرط الشمكان
الواير بـــ 400 جم
والبروجيهات تقريبا 240 جم

[anwarnono]

[anwarnono]

ENZO الى فى مدينه نصر عامل عروض حلوة اوى فى الا سعار بمناسبه المولد النبوى الشريف(كل سنه وانتم طيبين جميعا)
وكمان عندة البوجيهات بــــ 100 والويربـــ 340
ان شاء الله هروحله يوم الا ثنين اشتريهم علشان أخر يوم فى العرض بس يارب المتور مايسقفش.

[powerofhelll]

انا كنت سامع من سنه ان الكابل عامل 750 هو رخص

[sasam6]

بس هتلاقى البوجيهات والوير مش بجودة الاسبلت فير لانها اغلى بردو
ولا ايه؟؟؟؟

[ashouhdy]

حط 4 شمعة يابانى او المانى اصلى و شوف العربية حتعمل اية بس يفضل موتور جديد و سى سى عالى و على فكرة البى ام بتنزل 3 شمعة مش سبليت فلير

[ASKAFRAWY]

اعتقد ان Split Fire اثبتت اعلى كفاءة بالنسبة للبوجيهات والكابلات
لمن Ngk مجربتهاش عشان احكم عليها

[AshTurbo]

NGK بوجيهات مشهورة ومعروفة وماركة أمريكية ممتازة وعن تجربة .. أما بالنسبة لموضوع الشمعات فكل ما عدد الشمعات يقل كلما كان التسارع أكثر لأن حرق البنزين بيبقى أسرع وأنا كنت مركب البوجيهات دي وشمعة واحدة والنوع الرياضي وكان تسارع ممتاز ولكن مع سوء الأستخدام بتبوظ بسهولة وسعرها فعلاً قريب من المكتوب وفي منها ماركات رياضية وسعرها عالي ودة موقع الشركة وفيه كل الأنواع .

http://www.ngksparkplugs.com

ودي صفحة البوجيهات ولاحظوا البوجيه قبل الأخير أسمه ريسنج دة أجمد واحد .

http://www.ngksparkplugs.com/products/spark_plugs/index.asp?mode=nml

[ashouhdy]

باشا انا اسف على المداخلة بس كلامك اعتقد مش صحيح كل ما عدد الشمعات ذاد كل ما كان الأحتراق اكبر يعنى مفيش هدر للبنزين بالتالى عزم اعلى و سحب اسرررع بكتيير!!
و تكلفة البووش المانى اصلى 4 شمعة 80 جنية بينما السبليت فاير بالكابلات 750 !!!