نصيحه هامة جداااااااااااااا لمن ينوى شراء سلوكSplitfire!!!!!

[anwarnono]

أولا: (((أحب أن أشكر أ/أيمن علشان بجد هو انسان فوق المحترم وماشاء الله معلوماتة جيدة جدا وافدنى كثيرا انهارده)))
روحنا علشان نشترى السلوك من محمد عثمان صاحب محل جو قالنا انها أخر قطعه وكان لسه مطلعها لزبون كان موجود وقال كمان اسبوع هتيجى.
ورحنا لكريم صاحب محل أنزو قالنا نفس الكلام وكانت عنده اخر قطعتين واتباعوا علشان ناقصيين فى السوق كله.
المهم والاغرب أننا اكتشفنا أنها مش مطبوع على السلك made in usa بس بالفعل ايمن اكد المفروض يكونوا مطبوعين على السللك وانا سألت بردوه والمفروض يكون مطبوع وأيمن باشا أتصل أنهاردة بصاحب محل هاى لاين قالوة موجودين عندى بس مش مكتوب عليها قالوة ايمن طيب لو عاوزين المطبوع عليهم قاله أضرب فى 2 يعنى هو بيبعها 425 يعنى هتبقى 850ج !!!! صراحة أتصدمنا احنا الاثنين يعنى الى بيتباعوا دلوقتى فى السوق مضروبينننننننننننننننننننن.
وكمان بيبعهوها من غير علبه علشان العلبه هى المكتوب عليها made in usa يعنى بيجيب الاسلاك من غير علب.
فقررنا أننا مانرميش فلوسنا فى حاجة مضروبه.
وأ/ايمن اشترى بوجيهات NGK بلاتنيوم وأكيد هو هيعلق ويتكلم على الاداء أن شاء الله.
وأنا اشتريت NGK ألكترونى وصراحه بجد حسيت بفرق كبير مابالك بالبلاتنيوم....هههههه
خدوا بالكوااااااااااا.
وعلى راى الفزورة بتقول لو قلبنا الاهرامات هنلاقى مكتوب تحتها أية.!!!!!! فكروا وهبقى اقلكوا الاجابه بعدين؟

[hakuna_matata]

وأ/ايمن اشترى بوجيهات NGK بلاتنيوم وأكيد هو هيعلق ويتكلم على الاداء أن شاء الله.
وأنا اشتريت NGK ألكترونى وصراحه بجد حسيت بفرق كبير مابالك بالبلاتنيوم....هههههه
خدوا بالكوااااااااااا.
وعلى راى الفزورة بتقول لو قلبنا الاهرامات هنلاقى مكتوب تحتها أية.!!!!!! فكروا وهبقى اقلكوا الاجابه بعدين؟

طيب ممكن اسعارهم لو سمحت

وبالنسبة للاجابة هى:
made in China

[ahmedelwan]

بسم الله الرحمن الرحيم

الاجابة : تونس

[anwarnono]

هاكونا ماطاطا يكسب المره دى.:k49:
اسعار السلوك الى شوفناها انهارده من 325 حتى 425 بس مش مكتوب عليها بلد المنشأ.
بس مش متأكدين الاصلى هيعمل كام وهيجلنا رد بكرة إن شاء الله بيعملوا كام بالضبط الاصلين.MADE IN USA .والحمد لله ياأ/ايمن اننا ما أشترناش دول وعندك حق والله ربنا بيحبنا.

[anwarnono]

اسف أنتا عاوز اسعار البوجيهات:
بوجيهات مقاس 21 حقن الكترونى بـــــ45
بوجيهات مقاس 16 بلاتنيوم بـــــ 150
من عند الوكيل التوفيق الى فى السيدة زينب.

[aymantop1]

يا باشا ده أنا إللى سعيد جداً بمعرفتك وإن شاء الله ربنا يكرمنا بناس لسة عندها ضمير ونلاقى الاصلى ..
أما بالنسبة لحل الفزورة هنلاقى مكتوب تحتيها (هى دى مصر يا عبلة).

[semsem_uno]

و الله يا جماعة كتر خيركم لأن في شباب كتيييييير استفادت من الموضوع اللي انتو كتبتوه ده

[sasam6]

طب السلوك دى بنفس جودة الاصلية ولا فى فرق

[ahmedfra]

شكرا يا جماعة على التنبية و النصيحة

[crazylambada]

انا جبت السلوك ديه من انزو
و الموضوع فرق معايا و اخدتهم طبعا بالعلبة بتاعته و مكتوب عليها صنع في امريكا
بس كشفتش الوير مكتوب عليه كده كمان و لا لأ
على العموم انا بكره هشوف الحوار ده

[mohamed_mohsen]

انا جبت السلوك ديه من انزو
و الموضوع فرق معايا و اخدتهم طبعا بالعلبة بتاعته و مكتوب عليها صنع في امريكا
بس كشفتش الوير مكتوب عليه كده كمان و لا لأ
على العموم انا بكره هشوف الحوار ده

حضرتك جبتها بكام بقي؟

[crazylambada]

375 جنيه
و البوجيهات ب 100 جنيه بمناسبة خصم

[anwarnono]

ربنا معاك ويارب تلاقى على السلوك Made In USA.
ومتهيقلى أن جوده الاصلى هتكون احسن من التقليد فى أى شئ.

[crazylambada]

انا الموضوع بالنسبة للمكنة البنزين استهلاكه اتحسن
لان حساسية المكنة للبنزين زادت بنسبة كبيرة
اما السحب فحسيت ان مفيش فرق و لو فيه مش حاجة كبيرة تذكريعني
بس ده علشان عربيتي 1300 كبراتير
ممكن لو 1600 مثلا او 2000 تحس بفرقكبير

[fakoussa]

شكرا على الموضوع