موتور 2000 للشاهين

[mrghost]

السلام عليكم ورحمة الله وبركاته
ياجماعه انا معايا شاهين 1400 سىسى ومركب ليها تكييف بس بيقلل السحب لما اشغله فعاوز ان شاء الله اسقط موتور 2000 سىسى بتاع لانشيا لانه موتور جامد جدا فهل ينفع ولا لا وهل هحتاج لتعديلات فى شاسيه العربيه ولا لا مع العلم انها موديل 2004
وهل فى موتور لانشيا 1800 سىسى ولا لا وبيبقى كام حصان الموتور ال2000 وشكرا

[cooldjstuff]

موتور اللنشيا للاسف مينفعش عندك و هيحتاج تعديلات كتير جدا افضل موتور ممكن تركبه هو موتور ارجنتا 2000 سى سى و ده موجود منه انجيكشن و كاربراتير او موتور 132 و ده كربراتير بس بس بردو هتحتاج تقوى فرد الشاسيه شويه عشان الشاهين ضعيف
و على فكره اى واحد من الاتنين الى قلت عليهم لازم تجيبه بالفتيس بتاعه و كمان هتغير عمود الكردان عشان الى راكب فى عربيتك اطول من الى هتحتاجه و لو عاوز تستفسر عن اى حاجه اتصل بيا 0105144934

[mrghost]

موتور اللنشيا للاسف مينفعش عندك و هيحتاج تعديلات كتير جدا افضل موتور ممكن تركبه هو موتور ارجنتا 2000 سى سى و ده موجود منه انجيكشن و كاربراتير او موتور 132 و ده كربراتير بس بس بردو هتحتاج تقوى فرد الشاسيه شويه عشان الشاهين ضعيف
و على فكره اى واحد من الاتنين الى قلت عليهم لازم تجيبه بالفتيس بتاعه و كمان هتغير عمود الكردان عشان الى راكب فى عربيتك اطول من الى هتحتاجه و لو عاوز تستفسر عن اى حاجه اتصل بيا 0105144934

شكرا ياباشا على سرعة الرد
طب ينفع اركب موتور 131 2000 سىسى وعلى ما اعتقد مش هيحتاج تعديل فى الشاسيه
لان واحد زميلى معاه 131 2000 سىسى موتور الفاابريكه والشاسيه شبه اللى عندى وكنت عاوز اعرف هو كام حصان وشكرا

[islambana]

شكرا ياباشا على سرعة الرد
طب ينفع اركب موتور 131 2000 سىسى وعلى ما اعتقد مش هيحتاج تعديل فى الشاسيه
لان واحد زميلى معاه 131 2000 سىسى موتور الفاابريكه والشاسيه شبه اللى عندى وكنت عاوز اعرف هو كام حصان وشكرا

بلاش ياباشا موتور حضرتك موديل عالي (2006 )علي ما اعتقد هتشيله وتركب موتور موديل مش بالكتير 1983 علشان تشغل التكييف بيتهيألي مالهاش لازمه فكر وشوف

[tutankhamoun]

على فكرة عايز أقول حاجة مهمة قوي .
الموضوع كله سلبيات للأسباب الآتي ذكرها :
الموتور اللي أنت عايز تسقطه قديم و بالتالي أستهلاكه للبنزين هايكون عالي جدا نظرا لقدمه و نظرا لكبر حجمه .

الموتور قديم يعني على الأقل 50 % من القدرة الحصانية خلاص ...... ضاعت مع الزمن .

الحاجة الوحيدة المفيدة اللي هاتحصل عليها هو العزم الأفضل من المحرك الأصلي .

يعني أنت مش هاتلاقي الموتور بيسحب و لا حاجة بالطريقة اللي أنت متصورها . و لكن هايريح تشغيل التكييف .
بس أنت مستعد تدفع فلوس كذا و بعدين تعدل في عربية جديدة ..... و بعدين تستحمل حق البنزين المُهدر .... و بعدين مش هاتأخد نفس القوة الحصانية اللي أنت متصورها ...... و كل ده علشان التكييف بس ؟؟؟؟؟؟؟؟؟

أنا رأيي بصراحة ........ موتورك أفضل بكتير
و العربية كدا زي الفل لأن مش هاتلعب فيها و حرام تلعب في عربية زي دي .
موتورك توفيره في البنزين أفضل ....
و موضوع السحب اللي بيقل بسبب التكييف مش قضية كبيرة ..... أحنا مش في سباق .... و ربنا يستر طريقك و توصل بالسلامة في كل مرة تخرج فيها من بيتكم .

[mrghost]

الف الف شكر على الردود ياجماعه بس الفكره انى ناوى ان شاء الله اخلى العربيه معيا ومش هبيعها وعاوز اعدلها بصراحه حاجه حاجه وكان نفسى اركب موتور اكبر علشان السحب والتكييف برضه وعلى فكره هى موديل 2004 مش 2006 وفعلا موتورها كويس بس اعتقد لو موتور اكبر هيكون احسن وشكرا للردود يا جماعه وكنت برضه عاوز اغير التابلوه بتابلوه يركب فيه كويل التكييف فوق مش تحت علشان كفاءة التكييف لانه مبيوصلش للكنبه اللى ورا

[mido01050]

ما تبيع العربية و جيب حاجة فيها تكييف زي الأكسل مثلا أو ضيف و هات لانوس 1 هتبقا أفضل 100 مرة من موضوع الموتور ده

[mrghost]

ما تبيع العربية و جيب حاجة فيها تكييف زي الأكسل مثلا أو ضيف و هات لانوس 1 هتبقا أفضل 100 مرة من موضوع الموتور ده

ياباشا العربيه مريحانى اوى والحمد لله غير كده انا رجلى تقيله فى السواقه ومفيش حاجه هتستحمل سواقتى غيرها لانى بمشى فى المطبات بسرعه فحاسس انها مناسبه ليا وشكرا

[ahmedbasto]

'بمت ان معايا شاهين كمان فبقول ماتسقط الموتور 1600 بس انا عندى سوال هو ممكن تعدل موتور الشاهين ال1400 زى الجراند بونتو لانه نفس الموتور انا الفرق ان دة بالطول ودة بالعرض فلو ممكن حد يجاوبنى

[M_Nabil]

لو ماتور الـ 131 يركب عندك من غير تعديل في القواعد يبقى عليك و على ماتور الـ Fiat Volumex 2000cc بيطلع تقريبا 150 حصان

وده فيديو على اليوتيب لواحد مسقطه على 131

http://www.youtube.com/watch?v=DLPTggl8oT0

وده واحد ثاني حطط مكنه BMW 2.5L على 131 كوبيه

http://www.youtube.com/watch?v=HpFq2...x=0&playnext=1

[mrghost]

لو ماتور الـ 131 يركب عندك من غير تعديل في القواعد يبقى عليك و على ماتور الـ Fiat Volumex 2000cc بيطلع تقريبا 150 حصان

وده فيديو على اليوتيب لواحد مسقطه على 131

http://www.youtube.com/watch?v=DLPTggl8oT0

وده واحد ثاني حطط مكنه BMW 2.5L على 131 كوبيه

http://www.youtube.com/watch?v=HpFq2...x=0&playnext=1

فعلا ياباشا يركب عندى موتور ال131بدون تعديلات والف الف شكر ياباشا بس هل الموتور ده موجود فى مصر وهل له قطع غيار ولا لا ؟؟

[awazeer]

المشكله ان العربيه خلفي
والخلفي دلوقتي قليل قوي وموتور اللانشيا اعتقد انه امامي فصعب تركبه

[M_Nabil]

فعلا ياباشا يركب عندى موتور ال131بدون تعديلات والف الف شكر ياباشا بس هل الموتور ده موجود فى مصر وهل له قطع غيار ولا لا ؟؟

ايوة موجود ياباشا في مصر بس مش عارف تلقي عند مين دلوقتى وقطع غيارة نظمها ايه عموما لو نزلت الحرفيين او عزبة شلبى قريب هسئلك عليه واديلك خبر إن شاء الله

[mrghost]

ايوة موجود ياباشا في مصر بس مش عارف تلقي عند مين دلوقتى وقطع غيارة نظمها ايه عموما لو نزلت الحرفيين او عزبة شلبى قريب هسئلك عليه واديلك خبر إن شاء الله

الف الف شكر ياباشا