O2 والفكرة المجنونة

[Mohamed.Ramah]

جميل جداً ويريت كمان تركب تكيف يونيون اير 5 حصان وكوتش جرار زراعى وتشيل السقف

ههههههههههههههههههههههههههههه

[midomizo]

فكرة كدة جت في دماغي وكنت عايز اخد رأي الخبراء حد عملها ولا لأ ولو هاجربها ايه خطورتها
طبعا كلنا عارفين ان فكرة فلتر الهوا الرياضي والcold air intake فايدتهم انهم يدخلو اوكسجين زيادة للموتور وبالتالي حرق أفضل للوقود واداء افضل...
طب اليه اللي يحصل لو دخلنا اسجين زيادة مع الهواء العادي يعني مثلا اجيب اسطوانة اوكسجين زي بتاعت المستشفيات بس اصغر وطبعا تكون بعيد عن اي حرارة و اوصل الخرطوم بتاعها في فتحة فلتر الهوا لجوة على قد ما اقدر واسيب الهوا يدخل عادي معاه فكدة ادخل اوكسجين زي ما اظبطه وبالتالي حرق الفضل واداء اعلى...
ايه رأيوكو

فكرة جامد جربها وقولنا النتايج:10d5c8~1107:

[Adham]

طالما انت والدك عندة مستشفي يبقى بالتالي عندة نيتروز, اسأل والدك هل عندة غاز اكسيد النيتروز بتاع التخدير, (غاز الضحك) هوة دة النيتروز
و للعلم النيتروز مش غاز قابل للاشتعال و لا فية اكسيجين و حكاية ان فية 33% اكسيجين دي فهم خاطيء
الفكرة يا سيدي الفاضل ان غاز النيتروز بيخللي كل 3 ذرات اكسيجين يتحدوا مع بعض (في العادي اتنين) يبقى هو بيعمل على تغيير الروابط الايونية بين ذرات الاكسجين و يربط كل 3 بدلا من كل اتنين في الاكسيجين المتواجد في الهواء الجوي.

و بالتالي انت ممكن تجيب اسطوانة النيتروز من عند والدك (اسطوانة صغيرة) و تعمل توصيلة منها للحوض عالفلتر و تفتحها بنسبة بسيطة و انت متطمن لانة في الاساس غاز غير قابل للاشتعال بخلاف الاكسيجين اللي ممكن يتسبب بخطا بسيط و شوية شرار في انفجار و كارثة

[monmonmon]

خير دليل التجربة مع الحذر يعني جرب في الأول بأقل نسبة اوكسجين و العربية واقفه وزود بالتدريج و برده ماتزودش كتير. الأوكسجين الزياده ده حيبرد غرفة الإحتراق بعض الشئ وليس كل الشئ يعني مش حيفسد السبيكه للمحرك و كرتة التحكم الإلكتروني حتظبط كمية الوقود للهواء لحد limit هي مبرمجه عليه من المصنع ،و اكتر من كده حتلاقي الكرته عملت shutdown للمحرك لتأمين المحرك بدون ما تنتظر تدخل منك
حسأل سؤال: بالليل حرارة الهواء بتنخفض و كثافة الهواء بتزيد
و اوكسجين في المحرك اكتر من اللي في النهار.
هل عدد لفات المحرك بيزيد عن اللي بدوسه في بدال البنزين؟
هل معدل استهلاك الوقود بيزيد بالليل عن النهار بسبب كمية الهواء اكتر؟
هل حرارة المحرك بالليل بتبقى اعلي من النهار؟
الرد : لأ

ده يؤكد نسبة كبيرة في نجاح فكرتك وان الموتور مش حيسيح ولا حاجه

تمام كثافة الهواء بتزيد مع انخفاض درجة حرارته عند ضغط ثابت (الضغط الجوى)

درجة حرارة المحرك ثابته فى الصيف و الشتاء اللى بيفرق هو الحمل على مروحة التبريد رغم ان كثافة الهواء فى الشتاء اعلى من الصيف

فى موضوع الاسطوانة الهواء بيخرج بضغط عالى مش ضغط جوى و بالتالى كتلة الهواء كبيرة جدا و بالتبعية كتلة الوقود كبيرة جدا

و الحرارة المولدة من حرق الوقود ده هتكون كبيره جداااا

ده ابسط قانون فى الاحتراق

Qfuel= Mass of Fuel * Calorific Value of Fuel

و ال calorific value هى الحرارة المتولده من حرق 1 كجم من الوقود عند الظروف الطبيعية

Qfuel بتعبر عن كمية الحرارة اللى بتنتج من حرق كتلة معينه من الوقود (دى كمية حرارة مش درجة حراره)

بالتالى لما تحرق 1 كجم الحرارة المتولده مش زى ما تحرق 3 كجم او 10 كجم

دى اول حاجه.. كمية الحرارة هتزيد جداااااااااا و بالتالى نظام التبريد مش هيكون ليه اى لزمه لان وظيفة نظام التبريد هى انه يثبت المكنة عند درجة حراره تضمن لها اداء فعال و الحفاظ عليها.. زى ما عربية 800 سى سى بيكون لها دورة تبريد محدوده مينفعش تركب على مكنه 2400 سى سى لان المكنة ال 2400 بتولد حراره اعلى بكتييير لان الوقود اللى داخل فيها اكتر بكتير من المكنة ال 800 سى سى.. و نظام التبريد ده بيتعمل له حسابات و تصميم خاص علشان يناسب المكنة

الطبيعى ان درجة حرارة المياه عند وش السلندر بتكون 80-90 درجة مئويه او اكتر شىء بسيط.. ده لما المكنة تبقى شغاله كما تم تصميمها.. توقع انت زودت الحرارة المولده فى المكنة شوف كام ضعف بالتالى المياه هتسخن و نظام التبريد مش هيقدر يوصلها لل 90 ابدا.. زى ما تزود عين البوتجاز فى البيت من الشعلة القليله للاعلى انت كده بتزود معدل انتقال الحرارة و تقدر تغلى المياه اسرع من الشعلة القليله

بالتالى الموتور مش هيسيح.. لأ ده هيتفحم

و الضغط العالى اللى هيدخل المكنة ده مين عارف المكنة مصممه انها تستحمله و لا لأ

على فكره التيربو علشان يركب لازم قبلها تعرف هل المكنة تصميمها هيسمح لها بالضغوط العاليه و الحرارة العاليه اللى هتتعرض ليها و لا لأ

[MMamdouh]

و للعلم النيتروز مش غاز قابل للاشتعال و لا فية اكسيجين و حكاية ان فية 33% اكسيجين دي فهم خاطيء
الفكرة يا سيدي الفاضل ان غاز النيتروز بيخللي كل 3 ذرات اكسيجين يتحدوا مع بعض (في العادي اتنين) يبقى هو بيعمل على تغيير الروابط الايونية بين ذرات الاكسجين و يربط كل 3 بدلا من كل اتنين في الاكسيجين المتواجد في الهواء الجوي.

الكلام دة غلط

HowStuffWorks "How does nitrous oxide help an engine perform better?"

MMamdouh