جبت فلتر سيموتا بس في شوية اسئلة؟؟

[MomoMedo]

السلام عليكم
انا جبت فلتر سيموتا شبه دة كدة



بس لونه ازرق ومن غير الماسورة
وركبته
المهم انا اخدته و دفعت فلوسه ومشيت
ونسيت اسأل في حاجة كمان معاه ولا لا؟؟
ياهل بأى في حاجة تانية بتيجي معاه ولا هو كدة لوحده؟؟؟؟
يعني ارجع للراجل تاني ولا ايه
والزيت اللي بيتحط بيتحط فين ؟؟

[IMG]file:///C:/Users/Fouad/AppData/Local/Temp/moz-screenshot-2.png[/IMG][IMG]file:///C:/Users/Fouad/AppData/Local/Temp/moz-screenshot-3.png[/IMG]

[momo10000]

مفروض انه بيقي Pre-Oiled Factory

الفلتر علي حسب ... في بمواسير وفي برأس بس.....علي حسب ما انت اشتريت ...

الف مبروك وربنا يباركلك....

[tifacivic]

انا معرفش الصراحه.. بس ركبته على ايه, بيكانتو؟؟؟؟؟ و هل حسيت بفرق لأن عندى سحب العربية ضعف اوى علشان ركبت كاوتش عريض و عايز حاجه تحسن عزم العربية مع الحفاظ على هدوء الموتور.

[tutankhamoun]

انا معرفش الصراحه.. بس ركبته على ايه, بيكانتو؟؟؟؟؟ و هل حسيت بفرق لأن عندى سحب العربية ضعف اوى علشان ركبت كاوتش عريض و عايز حاجه تحسن عزم العربية مع الحفاظ على هدوء الموتور.

أنت موتورك أصلا صغير .......... و بالتالي ما تستعجلش عليه في السحب على السرعات الصغيرة .
و أنت ركبت كاوتش أعرض أكيد علشان تحسن بثبات أحسن شوية ..... و بالتالي حاجة على حساب حاجة .

الفلتر لوحده كل اللي هايعمله هايزود حصان أو أثنين بالكتير و ملوش دعوة بالعزم ........ يعني العزم مش هايزيد .
هو ميزة الفلتر أنك بتحس ان الموتور فايق شوية علشان معدل دخول الهوا زاد شوية و بالتالي تنفس أحسن .

إنما علشان تزود أحصنة أكتر من كدا محتاج زيادات كتيرة مع الفلتر .

[MomoMedo]

ركبته على بيكنتو مش حاسس بحاجة في الموتور اوي انا حاسس طبعا ان صوت الموتور بأى وهم دة حتى واحد راكب لانسر شارك بيقولي العربية دي هي اللي مطلعة الصوت دة...كان فاكر مسقط موتور

برضو المفروض حاجة تانية بتيجي معاه؟؟

[M_Nabil]

يعني انت جبت ماسورة من محل ثانى ولا ركبتة ازى؟ لو انت شارى الفلتر بس بيبقى معه الزيت بتاعة فقط و لو متفق مع الراجل فلتر + ماسورة بتاخد معة الماسورة ذى ما مومو10000 قال والزيت بتدهنه على جسم الفلتر بفرشة بعد التنظيف

[MomoMedo]

انا جبته من غير ماسورة وركبته على طول
هبأى اروح اقوله عالزيت دة
شكرا M_Nabil

[bmya]

انت ركبته ازاي باشا

[sameh127]

سيموتا لايحتاج الى زيت علشان مصنوع من polypropylene-polyurethane polymers
نسيج مطاطي مقوى و مسامي.
K&N هو اللى بيحتاج زيت علشان نسيجه القطني

[zaza_lanos]

سيموتا لايحتاج الى زيت علشان مصنوع من polypropylene-polyurethane polymers
نسيج مطاطي مقوى و مسامي.
K&N هو اللى بيحتاج زيت علشان نسيجه القطني

شكراً معلومة جديدة

[Xander2010_Evo]

زيت؟؟ أنا أول مرة أعرف المعلومـة دي
إيه فائدة الزيت؟؟ وبكام جبت الفلتر؟؟أصلي ولا لا؟؟
وشكرآ

[MomoMedo]

اللي اعرفه ان الزيت عشان يمنع التراب مت دخول الموتور
وجبت الفلتر ب 175 مش عارف بأى اصلي ولا لا بس مكتوب عليه سيموتا

[ashouhdy]

سيموتا مش بيتزييت !! ال k&N بس اللى بيتزييت ! و انصحك لوجة الله ارمى السيموتا فى الزبالة ! كنت مركبة وبيلم تراب ع البوابة رحت غيرتة بواحد k&N أصلى عشان أحافظ ع الموتور

[MomoMedo]

انا والله خفت يعمل حاجة في الموتور وشلته قولت مش هرككبه غير في المناسبات :)
هو سعر الk7n ايه ؟؟
ولو طلبت الاصلي بتاع البيكانتو من عالنت اللي هو بيركب مكان الفلتر الاصلي (9هو شبه الاصلي كدة) هيعمل الفرق في الصوت برضو؟