زيت عالبوجيهات .. الماتور عايز عمره ولا ايه ؟

[Dr_Smart]

العربيه القديمه .. دايهاتسو شارمنت 83 اوتوماتيك ( ماتور 2T تويوتا )

من اسبوع الماتور كان مبرجل رحت لميكانيكي قالي البوجيهات 2و4 عليهم زيت وكده ممكن يكون الماتور خف وعايز طقم شنبر او نص عمره او عمره كامله

وغيرهم ببوجيهات سن قصير ( مش متاكد من الاسم ) عشان البوجيهات العاديه ممكن يحصل نفس القصه كل اسبوعين ... لاني اصلا كنت مغيرهم مفيش من شهر

وقالي مش هيبان غير لما نفتح الماتور ونشوف فيه ايه

الماتور ماشاء الله ممتاز وما اتفتحش قبل كده .. مفيش دخنه بيضا .. بستخدم زيت شل الاصفر بيقعد 4000 كيلو وبيقل خلالهم حوالي نص لتر بس

دلوقتي هل فيه طريقه اتأكد بيها من الوضع من غير ما نفتح الماتور ؟

المشكله اني مش فاضي لغاية شهر يناير ... فهل ممكن استنى كده ؟ ولا ابقى اغير بزيت احادي الدرجة زي شل الابيض ؟ ولا الاحسن اخليه يشتغل فيها يمكن تطلع طقم شنبر بس ونخلص بس مش عارف تغييره بياخد وقت قد ايه يعني يوم وخلاص ولا هتطول ؟

معلش طولت عليكم بس مش عارف اتصرف ازاي ؟

[thedeveloper87]

بص على خرطوم الفايظ اللي داخل في العمة لو بيطلع منه دخنة كتير يبقى ده طقم شنبر.
واتأكد برضه من القرص على السيارة وهي واقفة لو بتطلع أي دخنة.

وخللي بالك من حاجة مهمة أنا وقعت فيها
الموتور كان سحبه كويس جدا معايا. والزيت ماكانش بينقص كتير.
بس فيه دخنة بيضاء من الشكمان خفيفة وخرطوم الفايظ كان بيدخن برضه.
فقلت إن شاء الله طقم شنبر بس لأن حالة الموتور كويسة معايا وعلمت حسابي على كده ، ورحت أعمله طلع الموتور خلصان من جوه وعايز عمرة كاملة.

يعني بالمختصر المفيد لو الموتور عندك عايز طقم شنبر اعمل حسابك على عمرة كاملة أو إنك تغير موتور.

لو مش مستعد للعمرة من دلوقتي (في حالة إن الموتور عايز طقم شنبر) يبقى حط زيت شنبر مع كل غيار زيت لحد ما تلم فلوس العمرة.

وانتظر ردود باقي الأعضاء.

[reamoz]

إتأكد بردة من إن مستوى الزيت مش زيادة لأن الزيت لو زاد عن الماكس ممكن يطلع من أي حتة لأن الضغط جوة الموتور بيكون عالي جدا فممكن الزيت يطلع على البوجيهات
وممكن يكون جوان صبابات بس
يعني هو الموضوع ممكن يحتاج شوية تجارب قبل ماتفكر تحل الموتور علشان ساعتها بيكون الموضوع انت وحظك ممكن يطلع مجرد جوان وممكن تدخل في عمرة كاملة
شوف لو في دخان من الشكمان ولا لأ لو مفيش
شوف خرطوم الفايظ بيجيب دخان ولا لأ أو فلتر الهواء اللى جوة العمة لو لقيتة مزيت بردة ممكن خرطوم الفايظ يكون بيدخن زي على خفيف انت متاخدش بالك منة بس بيتجمع على فلتر الهواء لو الحالة دي يبقى خفيف حاجة بسيطة وقتدر تمشي بية فترة مع إضافة زيت شمبر للزيت

[future_aya]

عزيزى اولا - لا اؤيد موضوع اضافة زيت شنبر ثانيا - طلما ان الفنى قد غير البوجيهات لسلندر رقم 2 و4 كما قلت باخر سن قصير ليبعدة عن تجمع الزيت الذى يظهر على سطح البستم ويتحول الى كربون على البوجيهات كما اكدت انت بنقص الزيت 1/2 لتر فانصحك بالاتى 1- قلل معدل غيار الزيت مع الاهتمام بتغير الفلتر 2- لا تقرص على السيارة 3- استخدم زيت 20ب / 40 4- استعد لاجراء عمرة محرك كاملة خلال الصيف القادم وشكرا

[Dr_Smart]

اشكركم شكرا جزيلا على كل الردود وربنا يسهل ويطلع الموضوع بسيط

[Dr_Smart]

يا جماعه الموضوع اتكرر تاني والموتور مبرجل زي ماحصل قبل كده

انا مش عارف اعمل ايه دلوقتي هو انا هغير بوجيهات كل اسبوعين !!!

واحد قالي ان العيب ده ممكن يكون كاوتش صباب مش شنبر ... ايه الفرق بينهم واعرف ازاي ؟

يا ريت يا جماعه تفيدوني في الحوار ده

[samirayad]

لو خرطوم الفايظ عندك مابيجبش زيت من عند العمه
يبقى ده كاوتش صباب عاوز يتغير
وحتعمل روديه بالمره

[Dr_Smart]

لو خرطوم الفايظ عندك مابيجبش زيت من عند العمه
يبقى ده كاوتش صباب عاوز يتغير
وحتعمل روديه بالمره

الف شكر يا بشمهندس سمير على المساعده

هو خرطوم الفايظ عندي بيجيب زيت بس بسيط جدا فالميكانيكي الاولاني اللي رحتله فصله وبعدين لما رحت الميكانيكي التاني قالي لا مفيش حاجه وقام موصله تاني

معلش يعني ايه روديه ببساطه عشان ماعنديش خبره

ربنا يسهل ويطلع موضوع بسيط

[maka]

من الاخر وعن تجربة بعد التحقق اذا كان الزيت من الشنبر او لا ( يعنى لو اتاكدت ان فيه دخانة طلعة من فتحة الفايظ )

الحل بسيط وهو كالاتى طقم بوجيهات بوسنى - صناعة البوسنة - سن قصير + زيت تقيل + زيت شنبر

افضل زيت تقيل او احادى هو شل x100 وشوفت واحد قبل كده بينصح ب فيسكو NGV

زيت الشنبر فيه منه كذا نوع بس كله شغال وهو فى حدود 20 جنيه

طقم البوجيهات ياريت تشتريها من محل نظيف علشان فيه منه كتيير مضرووب

وممكن تفضل عايش على الحوار ده طول حياتك لحد ما تبيع العربية او تعوز عمرة كاملة

[Dr_Smart]

من الاخر وعن تجربة بعد التحقق اذا كان الزيت من الشنبر او لا ( يعنى لو اتاكدت ان فيه دخانة طلعة من فتحة الفايظ )

الحل بسيط وهو كالاتى طقم بوجيهات بوسنى - صناعة البوسنة - سن قصير + زيت تقيل + زيت شنبر

افضل زيت تقيل او احادى هو شل x100 وشوفت واحد قبل كده بينصح ب فيسكو ngv

زيت الشنبر فيه منه كذا نوع بس كله شغال وهو فى حدود 20 جنيه

طقم البوجيهات ياريت تشتريها من محل نظيف علشان فيه منه كتيير مضرووب

وممكن تفضل عايش على الحوار ده طول حياتك لحد ما تبيع العربية او تعوز عمرة كاملة

شكرا يا باشا على ردك

هو غالبا ده اللي هعمله بس مؤقتا شهرين تلاته كده

بس فيه نقطه مهمه لو فرضنا ان الموتور حالته كويسه ومش محتاج عمره كامله ( طقم شنبر بس يعني ) هل انا كده هضره لو استخدمت زيت تقيل وزيت شنبر ولا ده مش هيضر الموتور في حاجه ؟

أرجو الرد على الجزئيه دي ضروري عشان تفرق معايا جدا

[pro_samir]

فعلا قبل ما تدخل نفسك في حوارات شوف موضوع كاوتش الصبابات دة الأول لأنة بسيط لكن برضو ممكن يخلي الزيت يدخل لغرف الحريق ، ولو علية بس يبقي مش هتحتاج عمرة ان شاء الله

ولو عايز تكبر دماغك شوية ممكن تجيب البوجيهات القصيرة أو في حاجة اسمها كرسي بتركب تحت البوجية علشان يبقي قصير بعيد عن الزيت ، وممكن كل فترة يتنضفو حتي مش لازم تغيرهم ومتملاش الزيت علي الأخر ومتنساش تتابعة مع استخدام زيت تقيل شوية

وبعدين انت ما شاء الله العربية فيها موتور تويوتا يعني اكيد من حقك في المرور تحط موتور تويوتا تاني ، يعني لو المكنة خلصت خالص سقط اي مكنة تويوتا حديثة واشتري دماغك

[caysersosaih]

فعلا قبل ما تدخل نفسك في حوارات شوف موضوع كاوتش الصبابات دة الأول لأنة بسيط لكن برضو ممكن يخلي الزيت يدخل لغرف الحريق ، ولو علية بس يبقي مش هتحتاج عمرة ان شاء الله

ولو عايز تكبر دماغك شوية ممكن تجيب البوجيهات القصيرة أو في حاجة اسمها كرسي بتركب تحت البوجية علشان يبقي قصير بعيد عن الزيت ، وممكن كل فترة يتنضفو حتي مش لازم تغيرهم ومتملاش الزيت علي الأخر ومتنساش تتابعة مع استخدام زيت تقيل شوية

وبعدين انت ما شاء الله العربية فيها موتور تويوتا يعني اكيد من حقك في المرور تحط موتور تويوتا تاني ، يعني لو المكنة خلصت خالص سقط اي مكنة تويوتا حديثة واشتري دماغك

كلام من الآخر وما تكبرش المواضيع

[maka]

شكرا يا باشا على ردك

هو غالبا ده اللي هعمله بس مؤقتا شهرين تلاته كده

بس فيه نقطه مهمه لو فرضنا ان الموتور حالته كويسه ومش محتاج عمره كامله ( طقم شنبر بس يعني ) هل انا كده هضره لو استخدمت زيت تقيل وزيت شنبر ولا ده مش هيضر الموتور في حاجه ؟

أرجو الرد على الجزئيه دي ضروري عشان تفرق معايا جدا

لا يا باشا زيت الشنبر ملوش اى تاثير مضر على الموتور بل بالعكس هيقل فقدان الزيت

و الدخانة البيضاء لو بتطلع عندك وهيزيد من حبك غرفة الحريق

هى بس المشكلة الوحيدة اللى هتقبلك انك هتحتاج تسخن العربية لمدة 5 دقايق قبل ما تمشى

وكمان لما تنوى تعمل نص العمرة لازم يبقى عندك وقت وفلوس كافية لان الموتور ممكن يحتاج عمرة كاملة مش نص

فعلا قبل ما تدخل نفسك في حوارات شوف موضوع كاوتش الصبابات دة الأول لأنة بسيط لكن برضو ممكن يخلي الزيت يدخل لغرف الحريق ، ولو علية بس يبقي مش هتحتاج عمرة ان شاء الله

ولو عايز تكبر دماغك شوية ممكن تجيب البوجيهات القصيرة أو في حاجة اسمها كرسي بتركب تحت البوجية علشان يبقي قصير بعيد عن الزيت ، وممكن كل فترة يتنضفو حتي مش لازم تغيرهم ومتملاش الزيت علي الأخر ومتنساش تتابعة مع استخدام زيت تقيل شوية

وبعدين انت ما شاء الله العربية فيها موتور تويوتا يعني اكيد من حقك في المرور تحط موتور تويوتا تاني ، يعني لو المكنة خلصت خالص سقط اي مكنة تويوتا حديثة واشتري دماغك

بس العملية مش سهلة اوى كده لانه لو هيسقط موتور حديث لازم يبقى بفتيسه و كنتروله و ضفيرته ولازم قواعد الموتور والفتيس تركب مكان القواعد القديمة

[maka]

اقراء الموضوع ده وبالذات المشاركة الخامسة بتاعت باشمهندس سبعاوى

http://www.nilemotors.net/Nile/16882-a-2.html

[Dr_Smart]

الف شكر لكل الردود الكريمه ان شاء الله هبلغكم عملت ايه