مفيش سحب و صوت عالي التو 2007؟؟!!

[noureldeen]

انا معايا عربيية التو 2007 1000 سي سي
من شهر كده صوت الماتور كان بيعلى في اول كل نقلة و مفيش سحب و بعد 30 ثانية الصوت يوطى و تسحب و دلوقتي صوت الماتور عالطول عالي و مفيش سحب و ساعات بيبقى في رجة في ناس قالت اسطوانة و ديسك و ناس قالت بوجيهات او فلتر كاربراتير
يا ريت حد يساعد لو عارف دي اعراض ايه و التصليح في حدود كام و هل خطر امشي بالعيب ده؟؟ و الف شكر

[D . a .\ AYMAN]

من وصف حضرتك كده إن ده فعلا إسطوانة ودسك ... وبالذات عشان الرجرجة اللى بتحصل مع الشيل من على الدبرياج

طبعا التكلفة في الأساس بتكون على حسب سعر طقم الدبرياج بكام ومعنديش فكرة عنه بصراحة

بس تعمل حسابك إن الموتور بيطلع برة العربية في الموضوع ده

[sammor_28]

كلام NYSMA مظبوط دي فعلا اسطوانه الدبرياج روح لميكانيكي كويس او لمركز الخدمه وان شاء الله كل حاجه هتبقى تمام

[noureldeen]

من وصف حضرتك كده إن ده فعلا إسطوانة ودسك ... وبالذات عشان الرجرجة اللى بتحصل مع الشيل من على الدبرياج

طبعا التكلفة في الأساس بتكون على حسب سعر طقم الدبرياج بكام ومعنديش فكرة عنه بصراحة

بس تعمل حسابك إن الموتور بيطلع برة العربية في الموضوع ده

طيب هو خطر اني امشي بيها كده لفترة قول اسبوعين؟
و تقصد بموضوع الماتور يطلع برة ده ان التصليح بياخد وقت؟
شكرا جدا

[samirayad]

جرب الأول تغيير فلاتر (هواء وبنزين )
وغير بوجيهات
وجرب الأول الوضع الجديد

[caysersosaih]

جرب الأول زي ما المهندس سمير قالك وموضوع الدبرياج هيتكلف من 250-400 جنيه حسب نوع الطقم اللي هتجيبه
وعشن الدبرياج يتركب لازم اما الفتيس او الموتور يتحل الأول

[D . a .\ AYMAN]

طيب هو خطر اني امشي بيها كده لفترة قول اسبوعين؟
و تقصد بموضوع الماتور يطلع برة ده ان التصليح بياخد وقت؟
شكرا جدا

هوة مش خطر قوي يعني .. بس لا يستحب المشي عاليها لمدة كبيرة

عموما أنا مرة مشيت بيها والفتيس كان خلاص تقريبا مش بينقل بسبب الديسك والإسطوانة تقريبا لمدة ست أو سبع شهور عقبال ما عرفت أعملها

وعموما هية مش بتاخد وقت جامد قد ما هية حوسة شوية ومحتاجة طبعا حد بيكون بيفهم مش أي حد ... أنا كنت بغيره في نهار يوم

بس في الأول بيتهيئلى الأحسن إنك تجرب زي ما المهندس سمير عياد بيقول تغيير الفلاتر والزيت والكلام السهل ده الأول وبعد كده التجربة في الوضع الجديد ... قبل الحكم النهائي

[noureldeen]

الف شكر يا جماعة على التعاون

[caysersosaih]

يبقي قول لنا انت عملت ايه وبالتوفيق

[noureldeen]

انا رحت لميكانيكي ثقة قالي لازم نغير الفلاتر و البوجيهات و سير الكاتينة و طقم الدبرياج بس قالي الأصلي غالي ب 600 و التيواني ب 350 فا قلتلو خالينا في الأصلي و قال كله هيتكلف 1000 ): هي العربية عاملة 70000 كيلو كده صح ولا ايه!!

[samirayad]

كتير أوى 1000 ج
ماتسأل على قطع الغياردى
عند بتوع قطع الغيار
وأشترى أنت الحاجه بنفسك
وأديله مصنعيته (هو أو غيره )

[future_aya]

سير الكاتينة فى بعض السيارات مثل النوبيرا ينصح بالتغير عند 40000
و اذا كانت تلك اول مرة لك لتغير السير فــ 70000 رقم كبير قليلا ارجوا لا تتعدى هذا الرقم وارجو مراجعه كتالوج سيارتك
وعلى كل الاحوال ما افادنا به المهندس سمير عياد صح الصح

ويجب على حضرتك اختيار الميكانيكى الذى يعمل فى نوع سيارتك وتكون سمعتة طيبة ويجب عليك توفير قطع الغيار من المصدر الطبيعى لسيارتك واقول لك فى النهاية يفضل التوكيل ولو غالى شوية مش مهم وشكرا

[D . a .\ AYMAN]

سير الكاتينة في الألتو فعلا بيتغير على 70000 كيلو فعلا وده وقته على حسب كلام مهنس التوكيل

لكن أنا ماشفتش جدول الصيانة بتاعها بصراحة لأني كل ما أطلبه من التوكيل يقوللى مش موجود دلوقتي

[future_aya]

اذا على بركة الله الى التوكيل افضل من تجربة الورش الخارجية

مع الشكر