اخيرا الكربراتير لانسر اتصلح بعد طول عذاب

[amr_shedeed4]

بجد ياجماعة تعبت جداا مع الكربراتير بتاعى ومكنشى عاوز يتظبط حتى اما كنت بستعمل سبراى بتاع الكربراتير بردو مكنشى بيعالج انا كان عندى عيب فية اولا كنت فى كل نقلة الاقى العربية بتنتش والعربية بتكون مخنوقة وبتجمع بعد فترة وكان فى دخانة سودة بتطلع من الشكمان بسبب البنزين النى والعربية تبقى جية من مشوار اطفيها وارجع اشغلها تانى بدور بعد عذاب مع انها بدور الصبح عادى جداا من اول مرة وكمان البنزين كان بيخلص بسرعة جداا كان ال10ليتر بيمشونى 70 كيلو كل المكانيكية قالولى عليك وعلى الاستيراد قولتلهم لو عاوز زيرو قالولى هيبقا غالى قلتلهم بكام قالو بحوالى 4000 جنية طبعاا فقدت الامل فى الكربراتير خالص وقالولى ان كربراتير لانسر لو اتفك مش بيرجع لطبيعتو تانى قولت اجرب اروح لحد بتاع كربراتير ماهمة بيقولو جيت تضرب الاعور على عينو قال ماهية خربانة خربانة سالت المكانيكية الى فى المنطقة عندى رجحولى واحد اسمو الحاج ابراهيم فى شبرا مصر الراجل دة ياجماعة بسم الله مشاء الله علية بجد ربنا يبركلو هوة الى رجعلى الكربراتير زى الاول والله ويمكن احسن سبتهولى يوم وجيت تانى يوم بليل اختو وفى حاجة ياجماعة الكربراتير الى هيفكو وهيركبو ناس صنيعية لاكن تيجى على الظبط لازم الحاج ابراهيم هوة الى يظبطهولك ولازم تكون العربية باردة فى نقطة كمان ياجماعة الكربراتير بتاعك لو مش هيتصلح همة نفسهم هيقولولك روح هتلك واحد تانى غيرو لو هيتصلح مش هسيبك تمشى من الورشة غير اما العربية تطلع مظبوطة من تحت اديهم جربوة ياجماعة وانتو هتدعولى انا بجد قولت افيدم فى المضوع دة علشان لقيت ناس كتيرة بتشتكى من كل الحجات الى انا قولتلك عليها دى وبلذات سحب البنزين جربوة ياجماعة ومش هتخسرو حاجة انا اسف جداا نمرت المحل وعنوانو معرفهمش انا رحتلو بلوصف كدة واعت اسال علية بس هوة الشارع بتاعو قدام سينما شبرا اسالو عن شركة الابراهيمية للكربراتير ........... انا بجد ياجماعة الى خلان اعمل الموضوع دة انى استريحت اخيرا من المشاكل الى كانت فى الكربراتير بجد كان مزهقنى من العربية كلهاا كنت حاسسانى راكب عربية فيات دلوقتى بسم الله الرحمن الرحيم حسيت انى راكب لانسر فعلا فرق سحب ونعومة وصوت انعم للموتور بلتوفيق ياجماعة

[amr_shedeed4]

نسيت اقول على حاجة لو حد راح هناك فى واحد اسمو ابراهيم شاب زى العسل كدة قولولو انكم جين تبع عمرو شدبد بتاع لانسر الزيتى

[future_aya]

عليك ايضا العناية بتغير فلتر البنزين كل 30 الى 40 الف لكى تحافظ على دورة الوقود والاهتمام بمصدر الوقود الذى تستخدمة وكذا الاهتمام بنظافة فلتر الهواء وتغيرة اذا لزم فكل هذة العوامل مرتبطة ببعضها

[amr_shedeed4]

شكرا جداا للمشاركة وانا فعلا عملت كدة وفلتر البنزين بغيرو كل 30 الف كمان

[gears]

الكلام ده ينطبق برضه على الفلاتر أم 5 جنيه و6 جنيه؟

[future_aya]

عزيزى
نحن لم نتطرق الى القيمة المادية للفلتر ولكن عندما نتحدث نقصد قطعة الغيار او الفلاتر المطابقه للمواصفات الفنية
والتى تكون هى هى الاصلية وشكرا

[aymaym]

11

مبروك انها اتظبطت
بس هو فى حاجه لفتت نظرى ف موضوعك انك بتقول ضبط الكربراتير فى الاخر لازم الحاج ابراهيم هو اللى يظبطه
الحاج ابراهيم تعيش انت من زمان والورشه دى للاسف فقدت سمعتها من بعده واسعارها غليت فعلا اوى

[jojooo]

مبروك انها اتظبطت
بس هو فى حاجه لفتت نظرى ف موضوعك انك بتقول ضبط الكربراتير فى الاخر لازم الحاج ابراهيم هو اللى يظبطه
الحاج ابراهيم تعيش انت من زمان والورشه دى للاسف فقدت سمعتها من بعده واسعارها غليت فعلا اوى

+111111111111

[merolala]

نفس الحاجه لفتت نظرى برده ان الحاج ابراهيم توفاه الله وان دلوقتى الناس بتشتكى من الورشه جداً

[mrghost]

في ناس اشتكت من الورشة هنا في المنتدى

[kaza]

هو الضيف الكريم بيعمل اعلان عن الورشة ولا ايه فعلا الحاج ابراهيم توفاه الله سنة 99 والورشة فعلا بقت سيئة جدا من حيث الصنايعية والشغل بيطلع بايظ مش مضبوط والمواعيد سيئة جدا

[bam8572]

كان فين الموضوع دا من بدرى
كاربراتير بتاعى طلع عين اهلى ولسا جايب واحد استيراد من كام يوم

[pop_king3]

estrad shera el 2abd wala trbetoo

[asaeed]

إلى صاحب هذا الموضوع
حسبي الله ونعم الوكيل في هذه الورشة وبسبب هذه الورشة كرهت أروح لصنايعي إلا لما أسأل عليه وأشوف حد جربه بعيني وده الموضوع إللي كنت عامله من حوالي سنتين ونصف ياريت الكل يقرأه

http://www.nilemotors.net/Nile/111397-a.html

[asaeed]

نسيت أقول حاجة تانية
إن كل الصنايعية النضاف إللي كانوا في الورشة مشيوا من الورشة وفتحو ورش خاصة بهم وبقوا أشهر من ورشة الحاج إبراهيم ذاته.. والكلام ده من فترة طويلة
وكل إللي عنده شوية صنايعية ملهومش لازمة ملحقوش يتعلموا الصنعة على أصولها ومسكو الورشة بعد كده وخربوها