مشكلة فى السلانسيه بتاع الموتور مش عارف احلها

[nourahmed]

عندى سيارة دوجان موديل 1997 كانت شغالة تمام مرة واحدة لاقيت السلانسيه بيرعش العربية لما اكون واقف فى اشارة على سبيل المثال روحت للميكانيكى قال انها مأخرة كهرباء ام معلى كهربة العربية و خلى rbm على 7 بدل 5 بقت تمام بس بتستهلك بنزين روحتلو تانى قالى الكاربراتير عايز يتفك و يتنظف و فعلا روحت لبتاع الكاربراتيرات و فكه و نظفه و عمل ضغط هواء من خرطوم البنزين الرئيسى و فتح غطاء التنك لتنظيف المصفاة لو فيها اى رواسب و العربية اتظبطت لكن بعد 48 ساعة رجعت تبرجل تانى رجعت لدكتور الكربراتير مرة تانية قالى كدة يبقى المشط الأليكترونى بتاع الأسبراتير و فعلا روحت لبتاع قطع الغيار قالى فى التركى ب65 جنيه و الايطالى ب125 جنيه فاشتريت الايطالى علشان اريح دماغى لكن العيب هوا هوا العربية مبرجلة فواحد ابن حلال قالى روح توكيل شركة النصر فى غمرة الكشف هناك مش غالى حوالى 22 جنيه قولت مش مشكلة و فعلا روحت حط العربية على جهاز الكشف بالكمبيوتر فاتفالت خير و الخبير بتاع التوكيل قالى انت لما غيرت الشط الاليكترونى غيرت معاه البلاتين و لا لأ (مع العلم ان العربية دى مافيهاش ابلاتين) المهم قالى العربية فيها كهربة زيادة و قام بظبطها على الجهازو خلى الrbm 5 و البرجلة راحت بس العربية سحبها بقى ضعيف و ايضا لكن لاحظت ان صوت العربية بقى عالى زى ما يكون الشكمان فيه حاجة و فعلا قالى اكشف عليه و بالنسبة للسحب قالى غير طقم الدبرياج بالكامل و تكلفته بالمصنعية 550 جنيه بينى و بينكم حسيت ان هما بيشتغلونى فى التوكيل قمت رجعت للميكانيكى بتاعى و روحنا لبتاع الشكمانات و كشف قاللى مافيهاش حاجة الكهرباء لما كانت زيادة سلكت مصفاة الشكمان فالصوت بقى عالى ومافيهاش مشكلة .
المهم الميكانيكى على الrbm على 6 سحب العربية بقى تمام و السلانسيه اتظبط لكن مع الدوارة اليومية فى الصباح بتبرجل لحد ما تسخن و الrbm ينزل من 12 الى 6 مش عارف احل المشكلة دى ازاى اجوكم ساعدونى.

[M.almaghraby]

متابع لان عندي نفس الحوار و منفض

[nourahmed]

مساء الخير يا رجالة مفيش حد عايز يساعدنا

[nourahmed]

[marq="3;up;2;alternate"]
سبحانك اللهم وبحمدك ، أشهد أن لا إله إلا أنت أستغفرك وأتوب إليك
[/marq]

[ozy2026]

غير البوجيهات

[future_aya]

من فضلك غير البوجيهات وارجع لدكتور الكربراتير يظبط السلانسية بتاع العربية و rpm يرجع زى مكان الاول

اما بخصوص الدبرياج حقولك على تجربة لو عندك مكان واسع شوية

ركز معايا
1- دور العربية 5 دقايق ( تسخن يعنى )
2- ادى الحارة الاولى
3- خليك دايس دبرياج
4-شد فرامل اليد
5-استخدم قدمك اليمنى الكعب على الفرامل والمشط على البنزين
6- دوس بنزين بدرجه بسيطه مثلا عدد اللفات يبقى على 15 مثلا (مش اكثر)
7- سيب رجلك بهدوء من على الدبرياج وكانك حتمشى بالعربية
8- لو عربيتك بطلت ((كتم )) دبرياج عربيتك زى الفل
9- لو العربية استمرت ديرة غير طقم الدبرياج احسن حتوقفك فى الشارع

ملحوظة هذة التجربة لا يقوم بها الا من هو يجيد القيادة بشكل جيد
ولا تقوم بتكررها لانها تشكل حملا على الاسطوانة ولبد ان تكون فرامل عربيتك زى الفل اصلا ولا يوجد احد امام السيارة وشكرا

[reamoz]

من فضلك غير البوجيهات وارجع لدكتور الكربراتير يظبط السلانسية بتاع العربية و rpm يرجع زى مكان الاول

اما بخصوص الدبرياج حقولك على تجربة لو عندك مكان واسع شوية

ركز معايا
1- دور العربية 5 دقايق ( تسخن يعنى )
2- ادى الحارة الاولى
3- خليك دايس دبرياج
4-شد فرامل اليد
5-استخدم قدمك اليمنى الكعب على الفرامل والمشط على البنزين
6- دوس بنزين بدرجه بسيطه مثلا عدد اللفات يبقى على 15 مثلا (مش اكثر)
7- سيب رجلك بهدوء من على الدبرياج وكانك حتمشى بالعربية
8- لو عربيتك بطلت ((كتم )) دبرياج عربيتك زى الفل
9- لو العربية استمرت ديرة غير طقم الدبرياج احسن حتوقفك فى الشارع

ملحوظة هذة التجربة لا يقوم بها الا من هو يجيد القيادة بشكل جيد
ولا تقوم بتكررها لانها تشكل حملا على الاسطوانة ولبد ان تكون فرامل عربيتك زى الفل اصلا ولا يوجد احد امام السيارة وشكرا

حلوة الطريقة دي للكشف على الإسطوانة، الله ينور
بس فعلا لازم اللي يجرب يكون سواق تمام وميحملش على البنزين جامد علشان لو الإسطوانة سليمة مايبوظهاش :) ويبوظ كمان قواعد الموتور

[future_aya]

تمام يا Reamoz باشا

[mrsailor]

مساء الخير .. روح لبتاع الكربراتير خليه يكشف لك على الاكس و الباب بتوع الكربراتير و كمان يظبط لك البيكات لأن ممكن يكون الدكتور حط لك بيكات ضيقة خنقت العربيه لانا مش بتوصل بنزين كفاية .. و مشكلة انها مش ماسكة سيلانسيه كويس ممكن تكون من بيك السيلانسيه .. او ممكن يكون باب الكربراتير مش مضبوط (موارب) .. بس لو الدكتور بتاعك ماشفش العيوب دى يبقى تغيرو احسن و روح لحد كويس لأنة كده يبقى اما مدعى او ماعندوش ضمير

[nourahmed]

الف شكرلإهتمامكم جميعاً ، حجرب طريقة الكشف على الدبرياج دى و ربنا يسهل و حبلغكم النتيجة و مرة اخيرة شكراً لكل من حاول المساعدة.

[nourahmed]

مساء الخير عليكم جميعا جربت اختبار الدبرياج اللى نصحتونى بيه كل شىء تمام مفيش مشكلة فى الدبرياج و بالنسبة للبوجيهات الميكانيكى كشف عليهم و لقى الحرق بتاعهم مظبوط هل ممكن ياترى العيب دة من بيك السلانسيه (اليكترونى) .
و خطر فى ذهنى اجهزة الكشف على السيارات بالكمبيوتر هل ممكن الجأ للحل دة من فضلكم ساعدونى.
my mail is (anwar.ahmed2007@gmail.com)

[mrsailor]

مساء الخير عليكم جميعا جربت اختبار الدبرياج اللى نصحتونى بيه كل شىء تمام مفيش مشكلة فى الدبرياج و بالنسبة للبوجيهات الميكانيكى كشف عليهم و لقى الحرق بتاعهم مظبوط هل ممكن ياترى العيب دة من بيك السلانسيه (اليكترونى) .
و خطر فى ذهنى اجهزة الكشف على السيارات بالكمبيوتر هل ممكن الجأ للحل دة من فضلكم ساعدونى.
my mail is (anwar.ahmed2007@gmail.com)

روح لبتاع كربراتيرات كويس و اعمل اللى قولت لك عليه و ان شاء الله حاتتظبط

[nourahmed]

مساء الخير عليكم جميعاً انا تعبت روحت لبتاع الكاربيراتير حاول يظبط موضوع السلانسيه و بعدين قاللى العربية واخدة هواء قولتلو يعنى ايه قاللى جوان الفرن بينفس محتاج يتغير و دى شغلة الميكانيكى و طبعاً علشان الميكانيكى يفك الفرن يعنى فيها نص اليوم ضايع المهم مش حطول عليكم روحت للميكانيكى و فك الفرن لقى فعلاً الجوان مقسوم قطعتين و دة اللى بيسبب التنفيس المهم غيره وصوت العربية هدى شوية و قاللى ارجع تانى لبتاع الكاربيراتير علشان يظبط العربية ، رجعت لبتاع الكاربيراتير قعد يظبط في العربية بقى rpm على 5 و طلعت جربت العربية زى الفل .
فى اليوم التالى صباحاً لاقيت الrpm مظبوط على 5 و المفروض اول لما اشغل العربية الصبح يبقى الrpm على 12 لحد لما العربية تسخن بيقوم نازل على 5 او 6 على حسب ضبط العربية المهم جربت بيها اليوم دة لاقيتها على الطوالى بتسحب كويس و ال rpm مش مظبوط مرة يبقى على 7 و مرة يبقى على 5 واو بمعنى اصح بين 4 و 5 فالعربية بتبرجل لكن مش بتبطل طبعاً البرجلة دى و انا واقف فى اي اشارة مرور لكن لو الطريق مفتوح مفيش اى مشاكل المهم طلبت الميكانيكى على التليفون و بلغته ملاحظاتى قاللى نعلى الrpm على 6 مش عارف انا كدة ماشى صح و لا ايه بصراحة انا زهقت من فئة الميكانيكية من فضلكم ساعدونى.

[lada2010]

بص نجيب من الاخر العيب من الكرباريتر فك الكرباريتر ونظيفوا كويس ونظيف البيكات تمام واضبط موتورك لو السلانيسة راجع يعلى ويوطى تانى تباق تغير الكرباريتر وكل المشاكل دى هتروح

[nourahmed]

اولاً متشكر لاهتمامك لكن انا فكيت الكاربيراتير و نظفته مرتين خلال 10 ايام عند اثنين مختلفين و العيب هوة هوة ، طب عندك فكرة عن اسعار الكاربيراتير جديد بكام و استيراد بكام لسيارة دوجان 1997 (موتور التمبرا).