مساعدة في التعرف على أجزاء السيارة (بالصور)

[sama_Sama]

أنا محتاج أعرف بعض أجزاء سيارتى (كيا برايد كربراتير) ف دى صور بعض الأجزاء اللى أعرفها وبعض الأجزاء اللي معرفهاش ف ياريت لو حد يعرفها يقولي

سيرفو الفرامل

Vacuum Advance
وده الخرطوم التحتاني منه بيرشح زيت مش عارف ليه، حد يعرف؟


الاسبراتير



ده بأه معرفوش


الموبينة


حاجه تبع التكييف، بتاع التكييف بيقول فلتر، بس أنا مش مقتنع، ده تقريبا سويتش للضغط


ده معرفوش، بس أعتقد بيسموه الفرن


carbon canister
بيفرق فالبيئة و خفيف في استهلاك البزين


ده الكربراتير من الشمال، لو حد يعرف يقولي حساس إيه ده ويقولي المسمار ده مسمار الهوا ولا انا غلطان


خراطيم ال
Manifold Vacuum
صح ولا انا غلط، لو حد يعرف يقولي التوصيلات بتاعت ال أربع خراطيم ايه يبقى كتر خيره ، ويا ريت بالترتيب


شكراااا

[hossam_elwani]

حقيقى الانسان ده عمل حاجات عجيبة شوفو الاجزاء الكتيرة فى كل عربية كام الف قطعة لا تتشابة مع اغلب الموديلات فى العالم شوفو بقى كل موديل من كل شركة مكون من كام الف قطعة صغير وكبيرة عقول جبارة من الى صمم الى المنفذ الى المصنع عجب فعلا...

[sama_Sama]

مفيش حد يصحح المعلومات اللي على الصور دي؟

مفيش حد يصحح المعلومات اللي على الصور دي؟

[future_aya]

الصورة
رقم 1- سيرفوا + مستر الفرامل العمومى
رقم 2 الاسبراتير
رقم 3 الاسبراتير وتحت منة المارش وهو دة الى بتسال عنة
رقم 4 الكارجه ( طلمبة البنزين ) وجنبها فى الصورة مشترك به مواسير زيت الفرامل
رقم 5 الموبينة ( بوبينة التكرير ) وهذة هى التى تولد حوالى 20000 فولت للبوجيهات

رقم 6 فلتر التكيف ( مجفف )
رقم 7 الفرن ( فرن الجكمان )
رقم 8 غير واضحة
رقم 9 الكربراتير ( مغذى البنزين )
رقم 10 والاخيرة خرطوم الفاكيوم ( الخلخلة ) وهو متصل بالمنافول وهذة الخلخلة بواسطة السيرفوا يقلل الحمل عن رجل قائد اثناء الدوس على الفرامل وشكرا

[reamoz]

أنا محتاج أعرف بعض أجزاء سيارتى (كيا برايد كربراتير) ف دى صور بعض الأجزاء اللى أعرفها وبعض الأجزاء اللي معرفهاش ف ياريت لو حد يعرفها يقولي

سيرفو الفرامل (الجزء الأسود هو السيرفو والجزء الأمامي خزان زيت الفرامل وتحتة الماستر العمومي)

Vacuum Advance
وده الخرطوم التحتاني منه بيرشح زيت مش عارف ليه، حد يعرف؟ (مش عارف بصراحة)

الاسبراتير

ده بأه معرفوش(دي طرمبة البنزين للعربيات الكربراتير وبتشتغل بطريقة ميكانيكية مع دوران الموتور وفيها 3 خراطيم زي مافي الصورة واحد جاي من التانك وواحد داخل للكربراتير وواحد راجع للتانك تاني علشان يرجع البنزين الزيادة عن الحاجة لكن السيارات الإنجكشن بتكون الطرمبة قريبة من تانك البنزين وبتشتغل بالكهرباء)

الموبينة (دي بتطلع كهرباء للإسبراتير وهو بيوزعها على البوجيهات)

حاجه تبع التكييف، بتاع التكييف بيقول فلتر، بس أنا مش مقتنع، ده تقريبا سويتش للضغط (في ناس بتقول علية فلتر وناس بتقول خزان فريون)

ده معرفوش، بس أعتقد بيسموه الفرن (ده المانيفولد بتاع العادم عبارة عن مشترك بأربع فتحات مربوط على مخارج الصمامات بتاعت العادم على كل مخرج فتحة وبيتجمعو بعد كدة في ماسورة واحدة اللي هي ماسورة الشكمان وبيقولو علية الفرن نظراً لشدة حرارته) واللي خارجه منه لفوق دي وصلة داخله في الزور بتاع عمة الكربراتير من تحت علشان العمة تاخد منها هواء ساخن للكربراتير

carbon canister
بيفرق فالبيئة و خفيف في استهلاك البزين (بصراحة مش عارف إيه ده؟)

ده الكربراتير من الشمال، لو حد يعرف يقولي حساس إيه ده ويقولي المسمار ده مسمار الهوا ولا انا غلطان (ده مش حساس ده بيقولو عليه بك الكهرباء ووظيفته إنه يقفل مجري البزين في الكاربراتير أول ماتطفي الكونتاكت علشان لو العربية موتورها عالي أو كهربتها عالية ماتفضلش تترج بعد ماتطفي الكونتاكت زي ماتكون مش عايزة تبطل بيقولو تعمل باك فاير يعني) والمسمار ده مش مسمار الهواء دة مسمار ظبط السلانسية لما بتربط بيزق الأكسليراتور اللي قصادة كأنك دايس سنة بزين يعيني كل ماتربط كل مايزيد سرعة الموتور على السلانسيه

خراطيم ال
Manifold Vacuum
صح ولا انا غلط، لو حد يعرف يقولي التوصيلات بتاعت ال أربع خراطيم ايه يبقى كتر خيره ، ويا ريت بالترتيب (الخراطيم مش باينة جاية منين وراحة فين فا مش هقدر أفتي فيهم)

شكراااا

[sama_Sama]

شكرا لكل من شارك، معلومات قيمة ومفيدة