ساعات العربيه مش بتدور بسهوله

[pro_samir]

سلام عليكم

حاجه غريبه جدا حصلتلى مرتين لحد الأن

أول مره يوم 28-12 بالظبط

وتانى مره كانت انهارده

اللى بيحصل انى ببقى ماشى بالعربيه عادى جدا مفيش أى حاجه و بعدين أقف وابطل لمده لا تتعدى خمس دقايق وبعدين لما أجى أدور تانى العربيه بتغيب جدا على ما تدور زى ميكون مفيهاش بنزين وافضل احاول معاها متوسط دقيقتين

لكن هى طبعا فيها بنزين عادى وبصيت على الفلتر لاقيته فيه بنزين و المفروض ان مفيش مشكله فى الكهربا

والحراره بتكون مظبوطه مفيش سخونيه

وجربت فى الأحوال العاديه إنى ابطل العربيه وهى سخنه و ادورها تانى بتدور عادى مفيش مشكله

وبمجرد ما تدور خلاص يبقى مفيش أى مشكله وبتمشى عادى جدا

انا مستغرب بصراحه ومش عارف ايه المشكله اللى بتيجى مره واحده وتختفى دى

[moko_2004]

احتمال كبير يكون عندك سلك كهربا في العربية ملمس وبيعمل ارضي يضعف الكهربا اللي داخلة للمارش
راجع علي كل كابلاتك وفيوزاتك و مهمة جدا الخطوة دي

الأحتمال التاني ان المارش يكون فية تروس مكسورة او محلوقة في الحالة دة تروح لكهربائي يفك المارش ويشوف الترس المكسور و يصلحة او تغير المارش بواحد جديد طبعا بعد ما يتأكد انها فعلا المشكلة

الأحتمال التالت
انة في مشكلة في دورة البنزين طرمبة البنزين او الأنجكشن او الحساسات شوف الفلتر و بعدها أكشف كومبيوتر علشان تطمن

[pro_samir]

شكرا جزيلا لاهتمامك

بس زى ما قلت فى الموضوع بتبقى كإن مفيهاش بنزين بمعنى ان المارش بيلف عادى جدا لكن الموتور مش بيقوم ومع استمرار المحاولات بتدور ، وبصيت على فلتر البنزين اللى قبل الموتور على طول هو شفاف وكان واقف فيه بنزين يعنى الموتور واصله بنزين عادى

العربيه ستارليت 91 ، كاربيراتير و رداخ

[pro_samir]

[moko_2004]

شوف بنزينة تانية تمون منها لأن كدة واضح ان البنزين مغشوش بمية او بنزين وسخ و الله اعلم

[pro_samir]

احتمال

عموما نضفنا الموتور انهاردة مع تغيير جوانات وكدة ، ربنا يسهل مش عارف هتتكرر تاني ولا إية