سؤال مهم في نوع الزيت

[hedraedward]

يا جماعة في معلومة مهمة اوي ودايما" بيحصل فيها تضارب وهيا الارقام اللي بتبقي مكتوبة علي جركن الزيت في ناس بتقول انو دة بيبقي عدد الكيلومترات اللي يعمله الزيت وفي ناس بتقول انو دة رقم لتميز درجة زيت عن التانية ...يعني انا بستخدم مصر سوبر 10000 اغيرة امتي علما انو بعد 1000 كيلو لونة غمق وهوا كمان بيبقي مكتوب علية ارقام مش فاهمة ذي 10000 api sg/cf 20w-50 يعني اي الارقام دي .نقطة اخيرة يا جماعة العربية 128 و بشوف اثر دخان طالع من خرطوم الفايظ شبه بخار الماء يعني الموتور بدأ يخف قريت علي نايل موتورز ينفع احط زيت شنبر او احط زيت تقيل شوية . طاب اجيب من فين زيت الشنبر دة واحط اد اية .. من فضلكم فيدوني يا اهل الخبرة و مستني ردكم

[ahmed_h_g]

كل ديه أسئله ؟؟؟
واحده واحده شوف أول حاجه عايزها الأول
الرقم اللى مكتوب على جركن الزيت مش هوه ده عدد الكيلومترات
عدد الكيلومترات أنا بعرفه من الapi اللى مكتوب على الجركن ودرجة اللزوجه فى نفس الوقت وان كان الزيت معدنى أو تخليقى
أنته كاتب ان الapi sg
الsg بيعمل من 1000 الى 1500 كيلو بالكتير بعد كده غيره
الرقم ال cf 20w-50 ده بيدل على درجة لزوجة الزيت
لو من 20 الى 50 يعنى الزيت لزج ويفضل استخدامه فى الصيف
لو من 5 الى 50 مثلا"
معناه ان الزيت ده خفيف ودائما" بيبقى زيت تخليقى ويفضل استخدامه فى الشتاء وفى البلاد اللى درجة حرارتها منخفضه جدا"
الموضوع بسيط وشوف اعلان زيت فيسكو وبص على الرقم اللى مكتوب على الجركن هتلاقيه مالوش علاقه
http://www.nilemotors.net/Nile/119963-a.html
وخد بالك من موضوع الapi

[hedraedward]

شكرااااااااا يا احمد باشاااااااااااا وضحتلي الكثير ومعلش الشكر جه متاخر شوية ومرسي لمعلوماتك

[ahmed_h_g]

على ايه أنت تأمر .

[reamoz]

خليك على الزيت بتاعك وحط معاه زيت شنبر
الزيت ده بكون عبارة عن علبة صفيح فيها حوالي نص لتر أو 400ملي بتتحط مع الزيت في مل غيار وتمنها من 10 ل 12 جنيه وهتلاقيها في التوفيقية أو الماركت بتاع البنزينات طبعا في التوفيقية أرخص

[sameh65]

طيب ياجماعة أنا عربيتى فيات 128 وبستخدم زيت ESOO Extra أولاً هل هذا الزيت صالح للعربية ولا أغيره وإيه أحسن نوع ينفع للفيات وبيعمل كام كيلو؟؟؟.
ثانياً : الجركن مكتوب عليه Api sf ماذا تعنى ؟؟
أرجو الرد
وشكراً مقدماً لجميع الأعضاء

[reamoz]

Sf ده قديم جداً ودي درجة كفائة الزيت وبتبتدي بحرف s للمحركات البنزين ودرجة الكفائة بتكون الحرف التاني بالترتيب يعني f وبعدين g وبعدين j بعدين l وأحدث حاجة sm
وبعدين أصلا إسو وموبيل أصبحوا شركة واحدة إسمها إكسون موبيل من كذا سنة فامش عارف إزاي لحد دلوقتي فيه زيت بإسم إسو
نصيحة بلاش منه وحط زيت يكون api sj هيكون مناسب لعربيتك وغيرة على 3000كم أو كل 6 شهور وهيكون في التعاون أو مصر للبترول سعره كويس من 60 - 65 جنية تقريباً

[hedraedward]

شكرا reamoz لتوضيحك بس عايز اعرف هوا انا حنقص نص لتر من الزيت العادي عشان احط مكانة زيت الشنبر ؟؟؟وعايزاعرف حاجة كمان هوا الموتور معاه قد كام كيلو تاني علي الحال دة . نقطة اخيرة الميكانيكي قلي انو اي موتور حتي بعد العمرة برضو يطلع دخان من الفيظ بس الكلام دة مش داخل دماغي

[hossam_elwani]

Sf ده قديم جداً ودي درجة كفائة الزيت وبتبتدي بحرف s للمحركات البنزين ودرجة الكفائة بتكون الحرف التاني بالترتيب يعني f وبعدين g وبعدين j بعدين l وأحدث حاجة sm
وبعدين أصلا إسو وموبيل أصبحوا شركة واحدة إسمها إكسون موبيل من كذا سنة فامش عارف إزاي لحد دلوقتي فيه زيت بإسم إسو
نصيحة بلاش منه وحط زيت يكون api sj هيكون مناسب لعربيتك وغيرة على 3000كم أو كل 6 شهور وهيكون في التعاون أو مصر للبترول سعره كويس من 60 - 65 جنية تقريباً

ازاى حضرتك بتقولا ن api sf ده قديم جدا مع العلم ان زيت شل الجركن الاحمر المتداول فى السوق الى بيقعد 3000 ك/م مكتوب عليه كده بالتفصيل api sf/cd ومكتوب كمان عليه sae-50 وانا بستخدم النوع ده ومريح العربية جدا بيحافظ على لزوجته لمدة طويلة وكمان لونه مش من السهل يسود زى الموبيل

صورة عبوة الزيت للبيان

[reamoz]

شكرا reamoz لتوضيحك بس عايز اعرف هوا انا حنقص نص لتر من الزيت العادي عشان احط مكانة زيت الشنبر ؟؟؟وعايزاعرف حاجة كمان هوا الموتور معاه قد كام كيلو تاني علي الحال دة . نقطة اخيرة الميكانيكي قلي انو اي موتور حتي بعد العمرة برضو يطلع دخان من الفيظ بس الكلام دة مش داخل دماغي

وإنت بتغير الزيت حتنقص من الكميه اللي بتحطها كل مرة نص لتر بدل النص ليتر زيت شنبر اللي هتحطة معاه
والموتور معاه كتير لو الموضوع لسة في أوله ممكن يعيش معاك سنتين أو تلاته حسب إستعمالك

[reamoz]

شكرا reamoz لتوضيحك بس عايز اعرف هوا انا حنقص نص لتر من الزيت العادي عشان احط مكانة زيت الشنبر ؟؟؟وعايزاعرف حاجة كمان هوا الموتور معاه قد كام كيلو تاني علي الحال دة . نقطة اخيرة الميكانيكي قلي انو اي موتور حتي بعد العمرة برضو يطلع دخان من الفيظ بس الكلام دة مش داخل دماغي

ازاى حضرتك بتقولا ن api sf ده قديم جدا مع العلم ان زيت شل الجركن الاحمر المتداول فى السوق الى بيقعد 3000 ك/م مكتوب عليه كده بالتفصيل api sf/cd ومكتوب كمان عليه sae-50 وانا بستخدم النوع ده ومريح العربية جدا بيحافظ على لزوجته لمدة طويلة وكمان لونه مش من السهل يسود زى الموبيل

صورة عبوة الزيت للبيان

ال SF, SJ, SL, SM ده إسمة تصنيف الزيت
أيوا SF ده كان بيستعمل في أواخر التمانينات وبعد كدة ظهر ال SJ وبعد كدة SL وبعدة أخر حاجة دلوقتي SM وكل وما التصنيف بتاع الزيت علي كل ما زادت قدرتة على الإحتفاظ بخواصة لفترة تشغيل أكبر
وال CD علشان العربيات الديزيل ودلوقتي أحدث مواصفة للديزل تقريبا CJ-4

و SAE 50 دي درجة لزوجة الزيت وده زيت أحادي الدرجة ولزوجتة عالية جداً ودي مش حاجة كويسة علشان أول لما تدور العربية الزيت مش بينتشر في الموتور بسرعة وخصوصا في الأجزاء العليا زي منطقة الكامة والتاكيهات وبكدة الأجزاء دي بتفضل شغالة فترة بدون تزييت على مالزيت يوصلها ومع الوقت ده غلط
علشان كدة الزيت متعدد الدرجات بيكون أفضل للمواتير اللي حالتها كويسة علشان يحافظ عليها لأطول فترة ممكنة
لكن الزيت الأحادي الدرجة التقيل ده تستعملة العربيات اللي مواتيرها خفيفه علشان الزيت بيفضل محتفظ بتقله ده أثناء التشغيل فبيكون أصعب إنه يعدي من الخلوص اللي في الشنابر من الزيت الخفيف

شوف بقة لما أقل تصنيف للزيت SF بيقد معاك 3000كم التصنيف اللي أعلى منه SJ يقعد كام واللي أعلى SL يقعد كام
أنا عن نفسي بحط زيت التعاون SAE 20w50 API SJ/CG-4 وبغيرة بعد 4000 أو 5000كم
وعلى فكرة كل الزيوت اللي في مصر مستوردة لأننا مش بنصنع زيت ولا فالحين في أي حاجة هوه يادوب بيتعبى هنا في مصر يعني إذا كان شيل ولا موبيل ولا تعاون ولا مصر للبترول كله جاي من برة وبيتعبى في مصر يعني كله واحد في الأخر

[hossam_elwani]

ال SF, SJ, SL, SM ده إسمة تصنيف الزيت

أيوا SF ده كان بيستعمل في أواخر التمانينات وبعد كدة ظهر ال SJ وبعد كدة SL وبعدة أخر حاجة دلوقتي SM وكل وما التصنيف بتاع الزيت علي كل ما زادت قدرتة على الإحتفاظ بخواصة لفترة تشغيل أكبر
وال CD علشان العربيات الديزيل ودلوقتي أحدث مواصفة للديزل تقريبا CJ-4

و SAE 50 دي درجة لزوجة الزيت وده زيت أحادي الدرجة ولزوجتة عالية جداً ودي مش حاجة كويسة علشان أول لما تدور العربية الزيت مش بينتشر في الموتور بسرعة وخصوصا في الأجزاء العليا زي منطقة الكامة والتاكيهات وبكدة الأجزاء دي بتفضل شغالة فترة بدون تزييت على مالزيت يوصلها ومع الوقت ده غلط
علشان كدة الزيت متعدد الدرجات بيكون أفضل للمواتير اللي حالتها كويسة علشان يحافظ عليها لأطول فترة ممكنة
لكن الزيت الأحادي الدرجة التقيل ده تستعملة العربيات اللي مواتيرها خفيفه علشان الزيت بيفضل محتفظ بتقله ده أثناء التشغيل فبيكون أصعب إنه يعدي من الخلوص اللي في الشنابر من الزيت الخفيف

شوف بقة لما أقل تصنيف للزيت SF بيقد معاك 3000كم التصنيف اللي أعلى منه SJ يقعد كام واللي أعلى SL يقعد كام
أنا عن نفسي بحط زيت التعاون SAE 20w50 API SJ/CG-4 وبغيرة بعد 4000 أو 5000كم
وعلى فكرة كل الزيوت اللي في مصر مستوردة لأننا مش بنصنع زيت ولا فالحين في أي حاجة هوه يادوب بيتعبى هنا في مصر يعني إذا كان شيل ولا موبيل ولا تعاون ولا مصر للبترول كله جاي من برة وبيتعبى في مصر يعني كله واحد في الأخر

متشكر جدا على كل المعلومات المفيدة والقيمة دى

[reamoz]

العفو ياباشا