طقم شنبر لكريستاله

[shockoprinz]

السلام عليكم
[overline]
أستشارة[/overline]

لو في دخنة زرقة في أول الدوارة الصبح مابتظهرش أوي إلا لما أقرص علي الماتور تبقي أية كمان أحيانا أعمل مشوار صغير العربية وأجي أركن وحاول أجرب تاني أشوف في دخنه ولالأ بلاقي برضة مع القرص والعربية سخنة دخنة أنا بجد مش عارف الكلام دة لسة ظاهر عندي فجأة لدرجة أني شكيت أنه ممكن يكون موجود من الأول وأنا ماكنتش واخد بالي عموما وأنا سايق مابلاحظش حاجة طبعا بس مرة واحد صاحبي لاحظها كان سايق ورايا وقالي في دخنة بتظهر لما باجي أنقل الغيار ياريت ياجماعة حد يرد عليا ويقولي ده أيه ويتكلف كام بجد أنا زهقت وكل ماأخلص من حاجة تطلعلي حاجة تانية علاوة علي ذلك أنا عايش في الغردقة يعني المصنعيات نار و الصنايعية زي الزفت وأكتر شوية ومابيفهموش حاجة وأنا قربت أحط أيدي في الشق....

[shockoprinz]

طقم شنبر

ياجماعة أنا غامرت وفتحت المتور وعملت طقم شنبر والحمد لله كل حاجة كانت في الماتور سليمة من صبابات وبساتم وشمايز هو بس طقم الشنبر اللي عملتة و العربية قطعت الدخان خالص بس في حاجة تانية ظهرت وهي نقص المياه وخروج مياة من الشكمان أنا شكيت أن جوان وش السلندر اللي انا غيرتة بايظ خصوصا أن انا كنت جايب جوان صاج والميكانيكي جه يركبة لقاه كان راكب قبل كدة فقالي روح رجعة وهات واحد تاني جرينجريد حاجة كده صناعة مصرية وزي الكارتون وركبناه بس علشان مطولش عليكم المياه عندي بتنقص من القربة ومفيش عندي أي تسريب من وصلات الرداتير ومعنديش أي ملاحظة علي الزيت في الوقت الحالي غير أنه سليم لما شكيت روحت للميكانيكي قالي مفيش حاجة و الجوان سليم ودة أكيد سببة أنك معملتش مشواير بالعربية بعد الشغل في المكنة خصوصا انا كنت بدور العربية علي السلانسية ومركونة قدام البيت معظم الوقت أنا بجد هتجنن الميه الناقصة بتروح فين والميه اللي بتطلع من الشكمان مع القرص علي العربية وهي واقفه مصدرها أية مش معقول دة يكون نتيجة حبك البساتم عندي أنا قبل ما أعمل الشنبر المية ماكنتش بلاحظها بس عمري ماشتكيت من نقصها وبعد طقم الشنبر بقيت ألاحظها بسبب المية اللي بتنزل من الشكمان.... معاش أنا طولت عليكم بس ياريت حد يرد عليه في الموضوع ده

[mrsailor]

طقم شنبر

ياجماعة أنا غامرت وفتحت المتور وعملت طقم شنبر والحمد لله كل حاجة كانت في الماتور سليمة من صبابات وبساتم وشمايز هو بس طقم الشنبر اللي عملتة و العربية قطعت الدخان خالص بس في حاجة تانية ظهرت وهي نقص المياه وخروج مياة من الشكمان أنا شكيت أن جوان وش السلندر اللي انا غيرتة بايظ خصوصا أن انا كنت جايب جوان صاج والميكانيكي جه يركبة لقاه كان راكب قبل كدة فقالي روح رجعة وهات واحد تاني جرينجريد حاجة كده صناعة مصرية وزي الكارتون وركبناه بس علشان مطولش عليكم المياه عندي بتنقص من القربة ومفيش عندي أي تسريب من وصلات الرداتير ومعنديش أي ملاحظة علي الزيت في الوقت الحالي غير أنه سليم لما شكيت روحت للميكانيكي قالي مفيش حاجة و الجوان سليم ودة أكيد سببة أنك معملتش مشواير بالعربية بعد الشغل في المكنة خصوصا انا كنت بدور العربية علي السلانسية ومركونة قدام البيت معظم الوقت أنا بجد هتجنن الميه الناقصة بتروح فين والميه اللي بتطلع من الشكمان مع القرص علي العربية وهي واقفه مصدرها أية مش معقول دة يكون نتيجة حبك البساتم عندي أنا قبل ما أعمل الشنبر المية ماكنتش بلاحظها بس عمري ماشتكيت من نقصها وبعد طقم الشنبر بقيت ألاحظها بسبب المية اللي بتنزل من الشكمان.... معاش أنا طولت عليكم بس ياريت حد يرد عليه في الموضوع ده

اكشف على طلمبة المية .. ممكن يكون حشوها وحش
و كمان المية اللى بتطلع من الجكمان دى معناها ان حرق الموتور ممتاز و مالوش دعوة بنقص المية وبما انك لسة عامل شنبر وظابط المكنة فطبيعى تكون المكنة بتعرق كتير

[shockoprinz]

اكشف على طلمبة المية .. ممكن يكون حشوها وحش
و كمان المية اللى بتطلع من الجكمان دى معناها ان حرق الموتور ممتاز و مالوش دعوة بنقص المية وبما انك لسة عامل شنبر وظابط المكنة فطبيعى تكون المكنة بتعرق كتير

ألف شكر ياباشا علي الرد

بس أعتقد أن طرمبة الميه عندي مكملتش 8 شهور وبعدين أنا مش فاهم يعني أيه حشو وحش ولو وحش المية بتروح فين

[mrsailor]

ألف شكر ياباشا علي الرد

بس أعتقد أن طرمبة الميه عندي مكملتش 8 شهور وبعدين أنا مش فاهم يعني أيه حشو وحش ولو وحش المية بتروح فين

الأعضاء لبعضيها يا باشا .. و يوم عندى و يوم عندكم

[alzelafy]

بص لو الشكمان بينزل ميه مجرد تنقيط او رزاز يبقى عادى لكن لو الميه بتحطها فى القربه و بتنزل من الشكمان بصورة ملفته او غير طبيعيه يبقى اكيد عندك مشكله فى وش السلندر و الكلام دة قريته فى مشاركه روح لميكانيكى ووريه الميه اللى نازله من الشكمان و قوله مستواها طبيعى و لا لا

[shockoprinz]

بص لو الشكمان بينزل ميه مجرد تنقيط او رزاز يبقى عادى لكن لو الميه بتحطها فى القربه و بتنزل من الشكمان بصورة ملفته او غير طبيعيه يبقى اكيد عندك مشكله فى وش السلندر و الكلام دة قريته فى مشاركه روح لميكانيكى ووريه الميه اللى نازله من الشكمان و قوله مستواها طبيعى و لا لا

ألف شكر ياباشا علي الرد المشكلة أنا كنت شاكك في الجوان وش السلندر لأنه مصري وعلشان أقطع الشك باليقين غيرته بالتايواني وريحت دماغي وبعدها والحمد لله مفيش مشاكل