حد عنده تفسير للحاله دى ؟

[Ashraf_Ashraf]

كلنا نعرف نعرف ان لون فرن الشكمان مائل للبنى ( زى لون الصدا ) وده من سخونه الفرن
مشكلتى ان لون الفرن عندى فضى كانك جايب اسبرى ورشه روحت لكذا ميكانيكى كل واحد افتى بحاجه ولغايه دلوفتى برضوا نفس الوضع غيرت الجوانات وغيرت الشكمان ( بدون الفرن ) وبرضوا زى ماهى
سنفرت الفرن وشيلت جزء من اللون الفضى اللى ظهرت شويه ورجع تانى مش عارف اى تفسير ومحتار وخصوصا ان العربيه فيها رجه خفيفه ومش راضيه تروح
العربيه 132-2000 انشكجن
ياترى حد عنده تفسير

[samirayad]

روحت لكذا ميكانيكى كل واحد افتى بحاجه

طيب أيه أنواع الفتاوى اللى قالها كل واحد منهم

العربيه 132-2000 انشكجن

وهل الفيات 132 فيها عربيات حقن ألكترونى كامل
أو هاف أنجكشن مثلا

لأننى فعلا كنت مفكر أن كلها نظام كربوراتير

بس أنا شايف الموديل عندك عالى فعلا

[Ashraf_Ashraf]

طيب أيه أنواع الفتاوى اللى قالها كل واحد منهم



وهل الفيات 132 فيها عربيات حقن ألكترونى كامل
أو هاف أنجكشن مثلا

لأننى فعلا كنت مفكر أن كلها نظام كربوراتير

بس أنا شايف الموديل عندك عالى فعلا

لا هى انشكجن كامل
ومن الفتاوى واحد قال ده علشان الحرق جوه البساتم نظيف جدا
وواحد قال دا تنفيث فى الحرق وغير الجوانات
وواحد قال علشان العربيه مظبوطه فى العربيه مش بتطلع كربون فالفرن نظيف
وزى ماانت شايف كله كلام خايب لا يودى ولا يجيب

[samirayad]

وزى ماانت شايف كله كلام خايب لا يودى ولا يجيب

فعلا أى كلام لحد الآن

طيب أنت ملاحظ أيه تانى على آداء المكنه

بتستهلك بنزين مثلا
ودخان الشكمان لونه أيه

وأخبار الحراره بتاعة المكنه

وقول اللى أنت ملاحظه على آداء المكنه عامة

[sh23]

كلنا نعرف نعرف ان لون فرن الشكمان مائل للبنى ( زى لون الصدا ) وده من سخونه الفرن
مشكلتى ان لون الفرن عندى فضى كانك جايب اسبرى ورشه روحت لكذا ميكانيكى كل واحد افتى

---
لون الفرن فضي يعني معدنة نظيف وجيد جداً ؛ تبقي فين المشكلة
-----

سنفرت الفرن وشيلت جزء من اللون الفضى اللى ظهرت شويه ورجع تانى

------------
مش فاهم بجد .....
يعني لما جرحتة وخربشتة رجع فضي تاني ؟؟؟
وكمان انت شوفت جوة الفرن ازاي ؟؟؟ ممكن تفهمني ؟؟؟

[Ashraf_Ashraf]

هو بالنسبه الى لدخان الشكمان مافيش اى ملاحظات على وجوده واستهلاك البنزين الى حد كبير معقول وان كان صعب الحكم دايما للزحمه اللى موجوده هم ملاحظتى الهزه اللى فى السلانسيه وان كانت خفيفه بس موجوده وبحس بيها الحراره طبيعيه حاجه تانيه بحس بيها هو لما بتكون على اى سرعه وترفع رجلك على البنزين وتوصل سرعه السياره توصل ل20 ك بلاحظه انها بترج ( زى الجمل )
لثوانى وبعدين ترجع عادى دى كل ملاحظاتى

[Ashraf_Ashraf]

---
لون الفرن فضي يعني معدنة نظيف وجيد جداً ؛ تبقي فين المشكلة
-----

------------
مش فاهم بجد .....
يعني لما جرحتة وخربشتة رجع فضي تاني ؟؟؟
وكمان انت شوفت جوة الفرن ازاي ؟؟؟ ممكن تفهمني ؟؟؟

انا شوفت جوه الفرن لما غيرت الجوانات كان لون بنى فى سواد
وانا بقصد باللون القضى على الفرن من بره مش جوه

[samirayad]

هو بالنسبه الى لدخان الشكمان مافيش اى ملاحظات على وجوده واستهلاك البنزين الى حد كبير معقول وان كان صعب الحكم دايما للزحمه اللى موجوده هم ملاحظتى الهزه اللى فى السلانسيه وان كانت خفيفه بس موجوده وبحس بيها الحراره طبيعيه حاجه تانيه بحس بيها هو لما بتكون على اى سرعه وترفع رجلك على البنزين وتوصل سرعه السياره توصل ل20 ك بلاحظه انها بترج ( زى الجمل )
لثوانى وبعدين ترجع عادى دى كل ملاحظاتى

أنت عاوز رأيى

كبر دماغك
لأن كده أنت معندكش حاجه

وااللون ده ممكن يكون راجع لطبيعة خامة معدن الفرن عندك ( مش أكتر )

وبالنسبه لموضوع الرجه الخفيفه ده

حتكون حاجه عاديه وبتحصل فى أحسن العائلات ( قصدى المحركات )

- بوجيهات عاوزه يتكشف عليها
- رشاشات عاوزه تتنظف

- بلف أيدل عاوز يتنظف

- فلتر هواء عاوز يتكشف عليه ونفس الشىء لفلتر البنزين

وهكذا

يعنى شوية صيانه عاديه ....حتظبطلك الأمور بالنسبه للرجه أو الرعشه

[tananybasha]

هو فيه 132 انجكشن
اول نره اسمع عنها
دى متغير مانفو

[Ashraf_Ashraf]

سمير باشا اشكرك على ردودك القيمه بس هو للاسف انا مش من النوع اللى يعرف يكبر دماغه فى اى ملاحظه على عربيتى وبالذات
132 وخصوصا كمان ان اللون الفضى ده جديد عمرى ماشوفته قبل كده وامبارح عديت على ميكانيكى تانى جديد قالى ده تسريب فى الفرن قلت له مانا غيرت الجوانات كذا مره وحطيت جوانين قالى اكيد فى اعوجاج فى الفرن وعلشان كده مهما عملت هيفضل يسرب
بينى وبينك مش عارف حاسس ان ده اقرب تفسير بس برضو اول مره فى حياتى اسمع ان فيه فرن بيقفع زى وش السلندر مش عارف اعمل ايه اجازف واشترى واحد ولا اعمل ايه

[samirayad]

بينى وبينك مش عارف حاسس ان ده اقرب تفسير بس برضو

طيب نفترض أن كلامه سليم

وأنا أشك فى هذا

والدليل أنك شوفت اللون من جوه بنى مسود عادى

وده بيمر عليه العادم
يبقى شوية العادم اللى بيهربوا ( على فرض وجودهم ) هما اللى حيخلوا الفرن فضى من الخارج

لا أعتقد

بس برضو اول مره فى حياتى اسمع ان فيه فرن بيقفع زى وش السلندر

وارد أنه يقفع وده ممكن نعرفه ببساطه شديده

طيب أزاى .............نعمل الكلام ده

دور مكنتك عادى وأفتح الكبوت

أعمل شوية أمبيلهات من عند بكرة الأكسراتير

لو فيه عادم بيبان معاك هربان من جوانب الفرن أو من أى منطقه
يبقى سطحه مقفع فعلا ( المربوط على وش السلندر من الجانب )

مش عارف اعمل ايه اجازف واشترى واحد ولا اعمل ايه

أعمل الأختبار عاليه الأول

وبعد كده ممكن نغيره
أو نعمله وش تسويه على المقشطه

دا لو طلع مقفع فعلا

[sh23]

انا شوفت جوه الفرن لما غيرت الجوانات كان لون بنى فى سواد
وانا بقصد باللون القضى على الفرن من بره مش جوه

------
الموضوع كدة ما فيهوش أي مشاكل
الفرن معدنة نضيف

[Ashraf_Ashraf]

المهندس سمير تحياتى ليك ولكل من شارك بالراى
هو للاسف طلع فعلا الفرن مقفع ( مش مستوى الحروف من ناحيه الموتور ) وتهريب حريق من الجوانات ويالتالى اللون الفضى طلع حريق متهرب
وتم تغير الفرن وباحد استيراد والحمد الله طلع مظبوط