مشكله فى السلانسيه

[okacha]

من حوالى اسبوع لاحظت حاجه غريبه على العربيه هوندا سيفيك 1998 امريكى و للعلم العربيه عاوزة طقم شنابر و اويلسيل صباب.طبعا الزيت مبيقعدش فى العربيه كتير و بستخدم شيل الاحمر عشان تقيل للمكنه الخفيفه دى و ده نصيحه من واحد ميكانيكى لغايه ما اعمل الشغل اللى فيها.
المهم من اسبوع بقيت اطلع بالعربيه سواء بارده او سخنه احس بنتشه و انا فى السلانسيه اكبس جامد ال ار بى ام يرفع بس مفيش سحب يذكر .؟؟؟!! سواء اكون بجرى و هديت او طالع لسا بالعربيه مع ملاحظه انها فى بعض المرات محستش بالموضوع ده العربيه اوتماتيك !!! ياريت حد يفيدنى فى الموضوع ده عشان سعت كلام غريب عن فيش عايزة تتنضف؟؟!و حاجات غريبه كده!!

[ahmed_h_g]

كشفت على زيت الفتيس ؟؟
الموضوع ده فى بداية الطلعه ولا لما الفتيس بيغير؟

[okacha]

الفتيس cvtزى اللانسر البومه ال1600
مفهوش نقلات و فعلا كشفت على الزيت و مفيش اى نقص الحمد لله
و النتشه فى السلانسيه و انا بطلع بالعربيه من 0 ل 20 او 30
او وانا بجرى و بنزل تحب ال 20 و بطلع تانى اللى بيحصل النتشه دى مع رجه فى العربيه طبعا و لو كبست بنزين ال ار بى ام يرفع ل 4 او 5 و السحب مفيش!!
و شكرا لرد حضرتك و اهتمامك..

[ahmed_h_g]

ال rpm بيبقى على كام فى السلانسيه والفتيس على n ؟؟

[okacha]

بيبقى بين0.8و 1

[okacha]

حد يرد عليا يا ناس انا محتار و مش عارف اعمل ايه؟؟

[ahmed_h_g]

مش هعرف أفيدك بصراحه خصوصا" ان العربيه أوتوماتيك
يعنى مينفعش أشخص العيب فى الموتور ويطلع من الفتيس مثلا"
كشفت عليها عند ميكانيكى ؟؟

[okacha]

الصراحه لسا مروحتش كشفت بس محتاج اعرف التوقعات .انا اسف لازعاج حضرتك و شكرا لمجهودك طبعا بس مستغرب ان مفيش تفاعل فى الموضوع ده..

[okacha]

؟؟؟؟28 مشاهده و مفيش غير استاذ احمد بس اللى بيرد؟؟

[mrsailor]

من حوالى اسبوع لاحظت حاجه غريبه على العربيه هوندا سيفيك 1998 امريكى و للعلم العربيه عاوزة طقم شنابر و اويلسيل صباب.طبعا الزيت مبيقعدش فى العربيه كتير و بستخدم شيل الاحمر عشان تقيل للمكنه الخفيفه دى و ده نصيحه من واحد ميكانيكى لغايه ما اعمل الشغل اللى فيها.
المهم من اسبوع بقيت اطلع بالعربيه سواء بارده او سخنه احس بنتشه و انا فى السلانسيه اكبس جامد ال ار بى ام يرفع بس مفيش سحب يذكر .؟؟؟!! سواء اكون بجرى و هديت او طالع لسا بالعربيه مع ملاحظه انها فى بعض المرات محستش بالموضوع ده العربيه اوتماتيك !!! ياريت حد يفيدنى فى الموضوع ده عشان سعت كلام غريب عن فيش عايزة تتنضف؟؟!و حاجات غريبه كده!!

بعد مساء الخير .. اعمل اللى حاقوله لك و ادعيلى :
لو عربيتك رشاشات:
1: نظف الايديل كونترول
2: فى حساس تانى جنبه على البوابة نظفة كمان
3: نظف البوابة
ملحوظة: للتنظيف يتم استعمال w40
و لو كربيراتير:
نظف الكربيرانتير و البيكات و ان شاء الله تنتهى من المشكلة دى
طريقة التنظيف بالنسبة للايديل موجودة فى منتدى الدايو دور على (طريقة تنظيف الايديل كونترول) الاخوه اللى كاتبينها بصراحة شرحينها كويس جدا و بالصور - مع مراعاة الاختلاف فى اماكن بعض القطع بالنسبة لسيارتك

[okacha]

تسلم ايدك يا mr sailor
انا هدعيلك لذوقك قبل اى حاجه
و هجرب و اقولك يارب تكون بفايده

[mrsailor]

تسلم ايدك يا mr sailor
انا هدعيلك لذوقك قبل اى حاجه
و هجرب و اقولك يارب تكون بفايده

ربنا يخليك يا باشا .. الأعضاء لبعضيها و يوم عندك و يوم عندى

[okacha]

اسف على التأخير فى الرد بس كنت فى مشاكل مع العربيه و الموضوع وسع منى اوى
انا عملت كل اللى قالواmr sailor
حسيت بفرق بسيط فى نفس اليوم و رجعت المشكله تانى
رحت اغير بوجيهات و سلوك بوجيهاتو فعلا حسيت بفرق لمده يومين و بعدين رجعت المشكله تانى
اخيرا نصحنى الميكانيكى بتغيير زيت الفتيس و طبعا زيت cvt
المهم قلت يارب ييجى بفايده غيرت اربعه لتر ب 400 جندى
و عدا على كل ده حوالى اسبوع و العربيه الى حد ما احسن من الاول كتير
لغايه اول امبارح و امبارح العربيه بقت بتستهبل خالص
نتشه جامده ورجه فى العربيه و انا على r
, و نتشه فى السلانسيه يعنى المشكله القديمه تانى
مش عارف اعمل ايه

[sameh127]

اكشف على فلتر البنزين او استبدله ،و النتشه بسبب ان r.p.m للموتور عالى قليلا و لازم في الأيدل و العربية شغالة و سخنت تمام يكون 700 الى 750 دورة فى الدقيقة ،ولو باردة حيكون 950 الى 1000 دورة فى الدقيقة او علو فى اللفات عن هذه القيم حيولد عزم إضافى غير مرغوب فيه عند البدئ فى الحركة

[BoPPoS]

موضوع رائع ...