تجربتى مع بوجيهات الاريديوم عربيه نوبيرا

[medhat3377]

مساء الفل يا رجاله انا رحت القاهره فى السيده زينب رضى الله عنها شارع قدرى و جبت بوجهات ايريديوم اى اكس و ركبتها فى نوبيرا و لم الاقى اى تغيير فى السحب و استهلاك البنزين تفتكرو ليه حاله الموتور ممتازه و كبسه ممتاز و بطلع نقط مياه فى الصباح و المساء من الشكمان حاله الزيرو و صوت الموتور هادى
تفتكرو هى مجبتش نتيجه ليه و للعلم انا مغيرتش الاسلاك البوجيه


انا مركب كاوتش 195\60 و الاصلى بتاع العربيه 185\65

والعربيه بتاكل بنزين كتير و ليسه منظف الايدل هل عرض الكاوتش له علاقه بسحب البنزين لو حد مغيير الكاوتش باعرض ياريت يفدنى فى الموضوع ده و خصوصا ان الباور تقل شويه حوالى 25% ارجو الافاده من اهل الخبره العربيه كانت بتستهلك 7 لتر ونصف لكل 100 كيلو
الان بتستهلك 14 لتر لكل 100 كيلو

[Ahmed Galal]

طبعا لو كنت غيرت اسلاك البوجيهات كان هايبقا فيه فرق شوية لكن البوجيهات ديه مش هاتعمل السحر فى العربية فيه ناس تقولك ركبناها و الاداء اختلف 180 درجة و كلام من ده هوا بيتحسن بس مش تحسن فائق
ثانيا استهلاك عربية حضرتك تضاعف و التضاعف ده مش من الكوتش اكيد انت عندك حاجة فى الانجكشن او الفلاتر مسدودة راجع على الانجكشن و الفلاتر (هواء - بنزين)

[KoDaK_Gti]

هى غريبة وانت بتقول ان الموتور مظبوط معاك
جربت تقيس الرشاشات ؟

[medhat3377]

الرشاشات فيها واحد بيسيل و الباقى لا
و هل ممكن لما الرشاشات تكون تعبت تستهلك بنزين كتير العربيه انا ليسه عملها طقم شنبر و انا اللى عمله بايدى انا مش ميكانيكى اه لكن عندى خبره كبيره
و مبحبش حد يمد ايده فى العربيه و الحمد لله العربيه بتجيب 215 كيلو و اى حاجه فيها سواء فرامل او كهربا او عفشه اىىىى شىء و انا اللى بعمل اى شىء فى العربيه و عملت كل شىء لكن اللى مجنينى ان العربيه استهلكها عالى و انا مجتش ناحيه الرشاشات خالص العربيه عامله 200000 كيلو و مغيير كل الفلاتر ارجو المساعده
و شكرا على تعاونكم معى و ربنا يبارك فيكو

[Ahmed Galal]

الرشاشات فيها واحد بيسيل و الباقى لا
و هل ممكن لما الرشاشات تكون تعبت تستهلك بنزين كتير العربيه انا ليسه عملها طقم شنبر و انا اللى عمله بايدى انا مش ميكانيكى اه لكن عندى خبره كبيره
و مبحبش حد يمد ايده فى العربيه و الحمد لله العربيه بتجيب 215 كيلو و اى حاجه فيها سواء فرامل او كهربا او عفشه اىىىى شىء و انا اللى بعمل اى شىء فى العربيه و عملت كل شىء لكن اللى مجنينى ان العربيه استهلكها عالى و انا مجتش ناحيه الرشاشات خالص العربيه عامله 200000 كيلو و مغيير كل الفلاتر ارجو المساعده
و شكرا على تعاونكم معى و ربنا يبارك فيكو

طبعا رشاش بيسيل يبقا اكيد هايزود استهلاك البنزين راجع على السيستم بتاع الانجكشن بتاعها و لما حضرتك عملت طقم شنبر شفت و ش السلندر و اتاكدت انه تمام و ربطت المسامير بالعزم و الاتجاه الصح و لا لأ؟

[medhat3377]

طبعا اتربطت صح و كمان غسلت الوش بالبنزين و نظفته كويس
بس الرشاش ممكن يعمل الفرق دا كله حوالى ضعف الاستهلاك ممكن

[MoMohsen]

انا عربيتى نوبيرا اتوماتيك ومقاس الكاوتش 195/60 زى عندك و بتعمل حوالى 7كم/لتر.و كنت بفكر اجيب البوجيهات الايرديوم فعلا و اتأكد بس مبدأيا انت شوف الرشاش اللى بيسيل دة و غيرة و شوف فلتر الهواء و البنزين و حساس الشكمان.
هما الحاجات دية اللى ممكن تأثر جامد على استهلاك البنزين و ممكن تقولة انت بتظبط هواء الكاوتش على كام لان بردة ممكن يكون قليل و ساعتها هيفرق فى الاستهلاك.

[medhat3377]

محمد محسن انا شاكر على ردك عليا فارجو التواصل معى
بص يا باشا انا ليسه مغير كل اللى انت قولت عليه بقطع جى ام اصلى ماعادا الرشاشات

فهل الرشاشات تكون استهلكها عالى كده للبنزين
هل تفرق كل دا معقول
طيب انت الرشاشات عندك نوعها ايه و عماله كام كيلو
لو انت متاكد ان الرشاشات تعمل فرق الاشتهلاك دا كله ياريت تفيدنى
ولو مظبوط يبقى اشترى رشاشات جديده و امرى لله بقولك ايه رايك لو جبت رشاشات ليجنزا لانها ارخص لان الرشاشات النوبيرا بحوالى 1250 جنيه جديده و رشاشات الليجنزا ب 600 جنيه جديده ياريت تنصحنى لانى محتار اجيب ايه
الكاوتش مظبوط على 34 غاز نيتروجين

[MoMohsen]

محمد محسن انا شاكر على ردك عليا فارجو التواصل معى
بص يا باشا انا ليسه مغير كل اللى انت قولت عليه بقطع جى ام اصلى ماعادا الرشاشات

فهل الرشاشات تكون استهلكها عالى كده للبنزين
هل تفرق كل دا معقول
طيب انت الرشاشات عندك نوعها ايه و عماله كام كيلو
لو انت متاكد ان الرشاشات تعمل فرق الاشتهلاك دا كله ياريت تفيدنى
ولو مظبوط يبقى اشترى رشاشات جديده و امرى لله بقولك ايه رايك لو جبت رشاشات ليجنزا لانها ارخص لان الرشاشات النوبيرا بحوالى 1250 جنيه جديده و رشاشات الليجنزا ب 600 جنيه جديده ياريت تنصحنى لانى محتار اجيب ايه
الكاوتش مظبوط على 34 غاز نيتروجين

انا مغير الرشاشات عندى و جايب رشاشات بى ام و كانوا استيراد و ما شاء الله احسن من الاصلى 100 مرة.
انت لو ساكن قريب من مدينة نصر ممكن اديك رشاش النوبيرا بتاعى القديم تجرب بيه مكان الرشاش اللى بيسيل لو ظبطت معاك جيب رشاشات بى ام استيراد من الحرفيين.
و على فكرة مش هينفع تركب رشاشات الليجنزا لان نازله اموتور 2000 مش 1600 زى عندنا.
و على فكرة انا ظابط الهواء عندى على 30 و احساسى ان 34 كتير اوى

[m000dy]

انا ليسه عملها طقم شنبر و انا اللى عمله بايدى

لما حضرتك عملت طقم الشنبر بايدك هل وديت وش السلندر المخرطه عشان تعملله فريزه؟؟؟؟

[medhat3377]

انا وديت وش السلندر المخرطه تعمل روديه على الصمامات
محمد باشا انا من اسكندريه ممكن تقولى عنوان الحرفين فين بالظبط علشان انا مش جاهز بالفلوس دلوقتى و يا ريت تدينى تليفونك علشان لما انزل القاهره نبقى اكلمك و نبقى نروح سوى لو فاضى بس حيبقى على شهر يوليو ان شاء الله
و بالمنسبه انت اشتريتهم بكام علشان اعمل حسابى و هل هم بتوع بى ام مو 89 --316 i

و عملتلهم تنظيف بالجهاز التراسونيك ولا لا و لو عملت عملتهم بكام و هم لونهم ايه من عند الفيشه موف ولا اصفر
معلش اسالتى كتيره شويه
و لو زاى مانت بتقول 7 لتر استهلاك يبقى ممتاز وربنا يبارك للك فى عربيتك

[kaza]

من الاخر رشاش بيسيل معناه استهلاك بنزين زائد وللاسف الرشاشات الكوري معظمها بتبقي بصمام بلية زي المحبس الايطالي في البيت ودة بيتلف بسرعة وماتحولش معاة تنظيف لانة مش بيفيد وبتهدر فلوسك الافضل والاستريت علي طول انك تركب طقم رشاشات الماني (بوش)لانة تصميمة مخروطي وعمرة اطول يكتير..ممكن تجيبة استعمال من اي حد بينظف رشاشات او جديد وهتلاقيه غالي شوية بس الفرق يستاهل..نسيت اقولك ان طالما الموتور بتاعك اقل من 1600 تبقي تجيب رشاش الانف بتاعة اصفر او بنيلان التاني (البنفسجي \الاحمر)للمحركات الاكبر والمشحونة

[medhat3377]

متشكر جدا على النصايح دى بس ممكن طلب كمان
ممكن تقولى الرشاش الالمانى بيعمل كام جديد و يكون بتاع عربيه موديلها ايه معلش بغلس عليك شويه

[kaza]

الرشاشات الالماني سعرها بيختلف من ماركة للاخري يعني هتلاقي بتاع اكسسوار البي ام بيبيع الواحد ب800 وبتاع المرسيدس ب1200 وبتاع الفولكسب650 وكلهم انتاج شركة واحدة بوش بس انت في مصر ام الدنيا.. المستعمل هتلاقيهم بحالة جيدة لان الرشاشات دى مش بتتعب عند اي حد بتاع تنظيف رشاشات ومتعايريين وضمان 6شهور في حدود 100 للواحد ..بس خد بالك من علامة البوش عليهم واللون زي ما قلت لك

[medhat3377]

شكرا يا باشا سؤال اخير لو تكرمت عند مين الائيهم ممكن الاسم و العنوان بالتفصيل ورقم التليفون ان امكن و متشكر على تعاونك معى ونردهالك فى الافراح و لاحظ انى من اسكندريه فياريت العنوان بالتفصيل علشان الناس اللى فى القاهره لما تسال حد فهم بيلففوك حوالن نفسك علشان تتفسح