هل طرمبة البنزين الكهرباء هي الحل

[tejani]

عندي حاجه مضيقاني في العربيه اني لما بسيبها فتره طويله او الصبح مش بتدور من اول مره ولازم اكاراك وادوس بنزين في فترة التسخين لغاية لما الحرارة توصل 50 بعدين الدنيا تتظبط
قلت للميكانيكي قالي اني معنديش شفاط والطرمبة بتاعة البنزين ميكانيكا ولو ركبنا طرمبه كهرباء هتضبط الدنيا وهتدور من اول تكه
يا ترى هو ده الحل فعلا ولا بس هغرم تمن الطرمبه بس ولو هجيب اجيب طرمبه نوعها ايه وهيكون سعرها كام

[mrsailor]

عندي حاجه مضيقاني في العربيه اني لما بسيبها فتره طويله او الصبح مش بتدور من اول مره ولازم اكاراك وادوس بنزين في فترة التسخين لغاية لما الحرارة توصل 50 بعدين الدنيا تتظبط
قلت للميكانيكي قالي اني معنديش شفاط والطرمبة بتاعة البنزين ميكانيكا ولو ركبنا طرمبه كهرباء هتضبط الدنيا وهتدور من اول تكه
يا ترى هو ده الحل فعلا ولا بس هغرم تمن الطرمبه بس ولو هجيب اجيب طرمبه نوعها ايه وهيكون سعرها كام

جرب الاول انك تكشف على طقم الكهرباء لان ده ممكن يكون بوجيهات مرطبة او ممكن يكون الكربراتير عاوز ظبط بدل ما تكلف نفسك على الفاضى .. لو سيبتها يومين قبل ما تدور جرب تطلع البوجيهات و تكب عليهم بنزين وتحرقهم بس بعيد عن العربيه .. و بعدين ركبهم و اكشف على سلوك البوجيهات و دور لو رادح المشكلة يبقى غير البوجيهات .. و ممكن كمان تجرب سلك البوجيهات لانه ممكن يكون مرطب او وحش

[sameh127]

طلمبة البنزين الكهرباء ممتازة فى تحضير البنزين الى الكربيراتير او وحدة الحقن و العربية مطفية على لمبة البطارية فقط"اول لفة في الكونتاكت" و يدوب اول قوامة مارش حتلاقي البنزين دخل فى غرفة الإحتراق و الموتور قام و اشتغل بدون ما تكرك فوجود طلمبة كهرباء لدفع الوقود الى المحرك بيحافظ على استهلاك الوقود واداء المحرك المرغوب عند كل سرعة و حيحافظ على عمر المارش لأن اول ما المارش حيلف ،الموتور حيقوم و مش حقعد استنى مدة لحد ما البنزين يوصل و يدخل للموتور و يشتغل الموتور و فائدة اخرى انه حيحافظ على البطارية من انها تفضى مع الدوارة فى الصبح و السقعة لمدة طويلة لحد ما تفضي الشحنة للبطارية "اول لمسة دوارة الموتور حيكون شغال"
و انا كنت مركب طلمبة بنزين كهرباء في عربية فيات 132 و كانت الطلمبة امريكية الصنع و اشتريتها ب 180 جنيه في طنطا و كنت مسافر و الرداغ باظ و ركببت الطلمبة الكهرباء و على فكرة الطلمبة بتركب على اى ماركة عربية و لها طرفين كهرباء واحد ارضى و التاني على موجب البوبينا بتشتغل مع الكونتاكت و حسيت بفرق كبير في كل حاجة و دوارة الصبح لا تمثل اى عقبة

[tejani]

طيب يا ترى اسم النوع ايه بتاع الطلمبة اللي حضرتك جبتها

[mrghost]

طيب ياجماعه بالنسبه للطلمبه دى لو ركبتها على كربراتير مثلا وفتحت الكونتاكت ومدورتش علطول ايه اللى هيحصل للبنزين جوه الكربراتير هيطير وابقى كده زودت الاستهلاك وهل الطلمبة الميكانيكيه معدل الضخ بتاعها ثابت ولا بيزيد مع سرعه الموتور ولو كده ينفع اركب طرمبه كهرباء والغى الميكانيكيه اللى فى الموتور عندى؟