افيدونى يا اهل الخبرة

[emabe]

حد يقولى يا جماعة من فضلكم لما تدور العربية وتلاقيها بيطلع منها دخان زى دخان عربية النموس كدة يبقى ده بسبب ايه بالظبط
اصلى روحت اشوف عربية ماروتى اشتريها صاحبها قالى انها بتدخن كدة شوية ولما بتسخن بيبطل الدخان ده وده بسبب الموتور
يبقى تشخيص الحالة دى ايه
فعلاً طقم سنبر ولا ممكن تكون فى اسباب أخرى مستخبية
افيدونا افادكم الله

[AHMADALY1999]

الاول احب اوضح ان تسخين العربية الصبح بدرى بيبقى طبيعى في دخان ابيض حتى لو مرسيدس زيرو بالاخص فى البرد

هو لون الدخان ايه بالظبط
و هل الزيت بينقص و لا المية هى الى بتنقص ؟
لو الدخان لونه ابيض يبقى بتحرق ميه و ده بسبب شرخ فى البلوك او جوان وش سيلندر ضرب
لو دخان رمادى ( كانه ازرق ) يبقى بتحرق زيت و حتبقى شامم ريحة زيت و ده بسبب شنابر او تاكل فى الشمايز او الصمامات بتسرب
لو دخان اسود يبقى محتاجة ظبط كهرباء و كاربريتير

بس لو زى ما انت قلت شبه عربية الناموس فده معناه انه ابيض و كتير جدا و لما تسخن بيبطل !!! ممكن يكون جوان وش السيلندر و لما بتسخن التمدد بيقفل التسريب !!!!

[emabe]

الاول احب اوضح ان تسخين العربية الصبح بدرى بيبقى طبيعى في دخان ابيض حتى لو مرسيدس زيرو بالاخص فى البرد

هو لون الدخان ايه بالظبط
و هل الزيت بينقص و لا المية هى الى بتنقص ؟
لو الدخان لونه ابيض يبقى بتحرق ميه و ده بسبب شرخ فى البلوك او جوان وش سيلندر ضرب
لو دخان رمادى ( كانه ازرق ) يبقى بتحرق زيت و حتبقى شامم ريحة زيت و ده بسبب شنابر او تاكل فى الشمايز او الصمامات بتسرب
لو دخان اسود يبقى محتاجة ظبط كهرباء و كاربريتير

بس لو زى ما انت قلت شبه عربية الناموس فده معناه انه ابيض و كتير جدا و لما تسخن بيبطل !!! ممكن يكون جوان وش السيلندر و لما بتسخن التمدد بيقفل التسريب !!!!

الف الف شكر على الشرح يا استاذ احمد هو فعلاً الدخان ابيض بس صاحبها بيقول انه العربية بتنقص زيت يعنى ممكن يكون المشكلتين موجودين
وياريت لو تقدر حضرتك توضحلى مشكلة وش السلندر اصعب ولا مشكلة طقم الشنبر ولو كان المشكلتين مع بعض يبقى الأفضل نغير الماتور خالص ولا تصليحه فى منه أمل
اصلى فى حيرة اشتريها واصلحها ولا اكيد مشكلتها كبيرة علشان كدة هو بيبعها وعارف انها ملهاش حلط
على فكرة هى ماروتى 94 وبيبعها ب15 الف

[AHMADALY1999]

بس طالما هو الزيت بس الى بينقص يبقى بتحرق زيت بس ( ساعات فعلا حرق الزيت يكون ابيض لو جى من الصمامات )

هو طبعا لو جوان وش سيلندر حتبقى اسهل
لكن لو شنبر يبقى عمل عمرة كاملة افضل

ودى علشان يتعرف هى محتاجة ايه بالظبط يبقى انصحك قبل ما تشترى تروح لميكانيكى ثقة يعرف يشخص المشكلة مظبوط و يديك رؤية كاملة عن تكلفة الاصلاح و مدى توفر قطع الغيار لان كان فيه واحد صاحبى من سنة كان عايز يشترى ماروتى و كان الماتور محتاج شغل و المشكلة ان قطع الغيار كانت غالية و فى الاخر رجعها لصاحبها و خسر تقريبا الف جنيه

[samirayad]

خد ميكانيكى معاك

وروقه شويه فى المعلوم

وهو حيقولك على القصه كلها بتاعة حالة المكنه

طالما ناوى وعاقد العزم على شراء سياره