مؤشر الحراره اتجنن

[ابوهاشم]

امبارح دورت العربيه ومشيت مسافة 2ك تقريبا ومؤشر الحراره
تحت الصفر مش عاوز يتحرك وبعدين لاقيته رفع مره واحده
بس مش عاوز يعدى ال70 مع ان الجو كان حر جدا وانا كنت
حاسس بالعربيه انها سخنه وعملت كام مشوار فى الحر
يادوب هما مرتين اللى المؤشر جاب 90فيهم وبعدين ينزل لل70تانى
لوحده بس الغريبه ان مروحة التبريد كانت بتشتغل عادى تبرد وتبطل
ياترى ايه المشكله علما بان المعتاد ان المؤشر بيبقى باستمرار على 90
ومروحة التبريد ترجعه على 80بس ويعلى تانى

[hobaz]

متابع........

[samirayad]

دى حركات ثرومستات المكنه

[mohamed777]

حصلت معايا الحركات دى بعد العمرة وروحت لكهربائى وعلى بال ماصليت العصر ورجعت كان خلص وحاولت اعرف منه عمل اية او كان فيها اية مرضيش يقولى
شكلها كده جاجه بسيطة ومش عاوزنى اعرف على شان لو حصلت تانى ارجعلة ;)

[mohamed777]

دى حركات ثرومستات المكنه

تقصد حضرتك الثرمثتات اللي فى كوعه المياه اللي فى وش السلندر؟
ولا دى ثرمثتات تانية غرها ؟ وبتبقى موجوده فين؟

[samirayad]

تقصد حضرتك الثرمثتات اللي فى كوعه المياه اللي فى وش السلندر؟

نعم

[ahmed_h_g]

وليه ميكونش من مؤشر الحرارة نفسه ؟؟؟

[ابوهاشم]

شكرا جزيلا لردود حضراتكم
وشكر خاص للمهندس سمير عياد
انا روحت للميكانيكى وقاللى كوعة المياه
عاوزه تتغير ولسه بكره ان شاء الله هروح اشتريها

[SS]

دى حركات ثرومستات المكنه

معلش يا هندسة ....لو مفيهاش تعب ...ممكن توضح الترموستات تسبب فى المشكلة ديه ازاى؟؟

[samirayad]

امبارح دورت العربيه ومشيت مسافة 2ك تقريبا ومؤشر الحراره
تحت الصفر

فى الفتره دى الثرموستات كان بايت ومعلق على وضع الفتح

والميه رايحه من المكنه للردياتير فحرارة المكنه مش عاوزه تعلى

وبعدين لاقيته رفع مره واحده

وواحده واحده ومع مرور الميه من خلاله الى الردياتير .......الزرجنه اللى فى بستم الثرموستات فكت وراح هب قافل الميه على الردياتير

راحت حرارة المكنه رافعه فجأة

[SS]

الف شكر ع التوضيح يا هندسة

[SS]

فيه سؤال تانى يا باشمهندس.....

انا كنت مغير الكوعة فى العربية عندى لأنه حصل فيها شرخ

طبعاً القديمة كالعادة كان ملغى منها الترموستات و انا ما رضيتش الغيه فى الجديدة

دلوقتى بقى ملاحظ انا العربية فى الطوالى حرارتها ما بتنزلش بتفضل ع التسعين او اعلى بشوية بس المروحة ما بتشتغلش ( و ده معناه ان الحرارة مش بتزيد و ثابتة )

و فى الزحمة المروحة بتشتغل و تفصل عادى

ع العكس من الاول فى الطوالى الحرارة كانت بتقل بشكل ملحوظ طول ما الطريق مفتوح

هل ده الوضع الطبيعى ؟

[samirayad]

هل ده الوضع الطبيعى ؟

نعم

[ابوهاشم]

امبارح روحت للميكانيكى قبل ماشترى الكوعه
قولت ااكد عليه وبحكيله اللى بيحصل بالظبط
وان المؤشر بيفضل فتره مش بيتحرك لحد مالعربيه تسخن
ليقيته قاللى كده مش الكوعه كده انت عاوز ثرموستات حراره
او ساعة حراره على كلامه اللى هى بتكون جمب البوجيهعات
وروحت اشتريتها ب15 جنيه وتم تركيبها والحمد لله
كل حاجه رجعت لطبيعتها