سؤال الي وحوش المنتدي

[arakysolom]

سيارتي اوبترا 2010 مانيوال حصل معايه حاجة غريبة لم تحدث لي في اي سيارة من قبل ذلك فما حدث انني اثناء سيري بالسيارة علي الثاني و عند عبور تقاطع مرت امامي سيارة فهديت بفرامل و دبرياج و بعد ذلك بدأت في التسارع مرة اخري وجدت السيارة مش بتستجيب و فجاة لقيت العربية بتترجرج و اعطت Check Engine فكبست الدبرياج علي الآخر ومع ذلك فضل الCheck Engine منور لدرجة انني بحسب انها بطلت فدورت تاني لقيتني كنت ححرق المارش و فضلت كده حوالي دقيقةو كنت طول الفترة دي و العربية واقفة و كابس دبرياج للأخر بعد ما شيلت رجلي من علي الدبرياج سميت باسم الله و مورت و فجأة الCheck Engine اختفي ورجعت السيارة طبيعية !!!
بالله عليكم يا شباب ايه اللي حصل معاي ده لأن العربية من ساعة مجبتها متهنتش بفرحة العربية الجديدة معاها

[nity]

متقلقش دى حاجه عاديه جدا من شيفورليه هى كده بتخرف وتيجى تروح التوكيل يقولولك العربيه 100 100 ومفيهاش حاجه انا عندى فى الشغل عربيه كروز زى ميكون فيها عفريت الحراره ترفع على الاخر والعربيه لسه دايره ولمبة البطاريه تولع وتطفى بمزاجها والتكيف تحس كده انه مبيجمعش ده غير لما تكبس بنزين على الاخر تحس ان العربيه مش عارفه تنقل الغيار وحاجات تانيه كتير فمتزعلش ده حاجه بسيطه علشان تقريبا والله اعلم الكمبيوترات بتاعت الشيفورليه بتهييس
وربنا يباركلك فيها واوعى نفسك تتسد عنها علشان متتعبش معاها


ابتسم فانت تقود شيفورليه


_________________

يرجى مراجعة قواعد المنتدى

فاللون الأحمر مخصص للمداخلات الأداريه

ومحظور أستعماله للأعضاء


مشرف الورشه

[samirayad]

ده عيب مؤقت فى عملية التحكم

وقد يكون سببه

1- أنفصال مؤقت لخرطوم حساس الماب ( فى حالة وجود الحساس ده عندك وأنا أعتقد أنه موجود عندك فى الأوبترا

كحساس معبر عن حمل المحرك )

2- أنفصال مؤقت أيضا فى فيشة حساس الماب

3- وقد يكون فصل لحظى فى أشارة أى حساس آخر من الحساسات

الموجوده داخل نطاق عملية التحكم بسبب عدم جودة الأحكام لفيشة

الحساس المسبب لأنارة لمبة الأعطال

ولو عاوز تطمن أكتر

أعمل أسكان لذاكرة وحدة التحكم وأنت حتعرف تماما كود العطل المسجل حاليا داخل ذاكرة وحدة التحكم

ومن ثم حتقدر تتعامل مع فيشته كويس وتراجع على أتصالها الجيد

[abozeed33]

ارجو من منكم معرفة ضبط تكهيات الفرينا على كام

[ahmed_h_g]

الموضوع ده كان بيحصل معايا وكانت فيشة البوابه مش راكبه كويس

[samirayad]

الموضوع ده كان بيحصل معايا وكانت فيشة البوابه مش راكبه كويس

هو ده اللى بنسميه فى عملية التحكم

عطل مؤقت

[samirayad]

ارجو من منكم معرفة ضبط تكهيات الفرينا على كام

لو عندك كتالوج الصيانه لمكنة عربيتك حتلاقى فيه قيمة خلوصات التاكيهات

دا لو كانت التاكيهات عندك من النوع الميكانيكى فعلا

وليست من النوع الهيدروليكى ( اللى بيتظبط أوتوماتيك )


على ما أفتكر الانسر بتتظبط فعلا

أما عندك فمش عارف الصراحه

والكتالوج هو اللى حيبين وضع منظومة التاكيهات عندك

وقد يفيدنا مالك آخر للفيرنا بهذا الخصوص

[arakysolom]

متشكر جدا للساده الافاضل
و بالنسبه للمهندس سمير الموضوع ده محصلش تاني من ساعتها ، و هل لما اروح التوكيل لصيانة 5000 ماذا اقول لهم عشان يكشفوا علي الموضوع ده لأن مهندسي منصور بيتلككوا في العبارات اللي بتقولها عشان توصف مشكلة السيارة فدايما يشخص الموضوع خطأ
و لسيادتك جزيل الشكر

[M.Zaher]

متشكر جدا للساده الافاضل
و بالنسبه للمهندس سمير الموضوع ده محصلش تاني من ساعتها ، و هل لما اروح التوكيل لصيانة 5000 ماذا اقول لهم عشان يكشفوا علي الموضوع ده لأن مهندسي منصور بيتلككوا في العبارات اللي بتقولها عشان توصف مشكلة السيارة فدايما يشخص الموضوع خطأ
و لسيادتك جزيل الشكر

اعمل سكان للعربيه هايبان العطل على الكمبيوتر

[SAMEH_FOUAD]

ده عيب مؤقت فى عملية التحكم

وقد يكون سببه

1- أنفصال مؤقت لخرطوم حساس الماب ( فى حالة وجود الحساس ده عندك وأنا أعتقد أنه موجود عندك فى الأوبترا

كحساس معبر عن حمل المحرك )

2- أنفصال مؤقت أيضا فى فيشة حساس الماب

3- وقد يكون فصل لحظى فى أشارة أى حساس آخر من الحساسات

الموجوده داخل نطاق عملية التحكم بسبب عدم جودة الأحكام لفيشة

الحساس المسبب لأنارة لمبة الأعطال

ولو عاوز تطمن أكتر

أعمل أسكان لذاكرة وحدة التحكم وأنت حتعرف تماما كود العطل المسجل حاليا داخل ذاكرة وحدة التحكم

ومن ثم حتقدر تتعامل مع فيشته كويس وتراجع على أتصالها الجيد

+11111111111111111

اللى حصل عندك انك مع المطبات اوالفرامل اللى انت ضربتها فجأءة ممكن يكون فية فيشة ماوصلتش الفولت صح للحساس وغالبا هيكون حساس الماب وبردة عشان تتاكد روح وديها التوكيل تتحط على الاسكانر وهيبان فين الخطإ بالظبط وخليهم يشيلوة وبنظفوا الفيش بمزيل الصدأ

[arakysolom]

+11111111111111111

اللى حصل عندك انك مع المطبات اوالفرامل اللى انت ضربتها فجأءة ممكن يكون فية فيشة ماوصلتش الفولت صح للحساس وغالبا هيكون حساس الماب وبردة عشان تتاكد روح وديها التوكيل تتحط على الاسكانر وهيبان فين الخطإ بالظبط وخليهم يشيلوة وبنظفوا الفيش بمزيل الصدأ

متشكر جدا لسيادتك بس هي العربية شاريها في اخر فبراير 2010 هل تلحق حاجة فيها تصدي او تبوش و شكرا

[SAMEH_FOUAD]

متشكر جدا لسيادتك بس هي العربية شاريها في اخر فبراير 2010 هل تلحق حاجة فيها تصدي او تبوش و شكرا

لا شكر على واجب
والله ياباشا اليومين اللى فاتو دول كان كلهم تراب فممكن انت بس مع الصيانة اللى جاية خليهم يحطوا على اسكانر وشوف الحساس اللى عامل error

وخير ان شاء الله

[arakysolom]

لا شكر على واجب
والله ياباشا اليومين اللى فاتو دول كان كلهم تراب فممكن انت بس مع الصيانة اللى جاية خليهم يحطوا على اسكانر وشوف الحساس اللى عامل error

وخير ان شاء الله

انا توجهت لتوكيل منصور بسموحة لتكرر العيب مرتين علي فترات و قلت للمهندس قالي الجهاز حيبين (كأنه جهاز كشف الكذب) و بعد ما وصل الفيشة و بعد الاختيارات اللي مبتلحقش تشوفها غير اني لمحت انه اختار 2006 معرفش دي خاصة بأيه و بعد ما اعطي الجهاز انتظر ....... لقيت المهندس بيوريني الشاشة و مع ابتسامة تعجب او استهزاء و كان مكتوب There is no diagnostic problem قلتله دي حصلت مرتين بس قالي لو كان فيه حاجة كان الجهاز قراها تلاقي حضرتك بس رجليك مكنتش مضبوطة علي الدبرياج ولا مدوستش بنزين كفايه قلتله مورت و شيلت رجلي من علي الدبرياج خالص و مع ذلك فضلت الاشارة منورة راح قلبلي شفته السفلي و قالي لو كان فيه اي مشكله كان الجهاز قراها علي طول شككني في نفسي
هل الاجهزة بتاعتهم موثوق فيها لأني و الله بقيت متوقع منهم اي حاجة