صوت تكتكة خفيف أول ما أدور بيروح بعد دقايق ..

[Ahmed Hamdy]

سلام عليكم ..
معايا سيينا 1600 انجكشن ...
من فترة قريبة كده بدأت ألاحظ ان أول ما أدور العربية خاصة لو باردة بسمع صوت تكتكة خفيف جاى من الحوض مش متأكد من الموتور ولا لأ بس غالبا من الموتور .. والصوت ده بيروح بعد دقايق غالبا لما العربية تسخن ..

سألت ميكانيكى قالى انت مغير زيت وفلتر امتى .. قلتله لسه مغيرهم الأسبوع اللى فات زيت شل هيلكس ألترا .. قالى ده الزيت مبيكونش لسه سخن وطلع على الكستبانات وخاصة لما الموتور يقدم شوية .. بس عامة مفهاش حاجة .. متقلقش ..
بس أنا اللى مضايقنى ان ده مكانش بيحصل الأول يعنى الموضوع ده بدأت ألاحظه من شهر مثلا .. والموتور الحمد لله حالته كويسة ..
رأيكوا ايه ؟؟

[m_gewelly]

راجع مستوى الزيت اكيد ناقص

[Mali1973]

نفس المشكلة عندي في الماتريكس 2009

[emam]

متابع باهتمام انا بسمع الصوت دة لمدة 3 ثوانى فقط من بداية التشغيل فى الصباح وبعدين بيختفى ولا يظهر طوال اليوم مرة اخرى ؟؟؟

[M.Al-Hefnawy]

الصوت ده بيجي نتيجة إن ممكن تكون أتأخرت شوية في غيار الزيت وفيه حل واحد ميكانيكي قالهولي وممكن تسألو بردو المتخصصين...تحط زيت تقيل وتنزله على ألف كيلو مرة واحدة بس. والله أعلم

[Ahmed Hamdy]

الصوت ده بيجي نتيجة إن ممكن تكون أتأخرت شوية في غيار الزيت وفيه حل واحد ميكانيكي قالهولي وممكن تسألو بردو المتخصصين...تحط زيت تقيل وتنزله على ألف كيلو مرة واحدة بس. والله أعلم

بص أنا سألت كذا ميكانيكى قالولى غير الزيت بسرعة (يعنى مثلا بعد 4-5 آلاف) مرتين تلاتة ورا بعض ..
مش عارف .. حجرب وأشوف .. بس أنا مش مقتنع إن التأخير فى غيار الزيت هو السبب .. لإن أنا قريت مواضيع كتير فى المنتدى بتتكلم عن الزيوت التخليقية وإنها المفروض تقعد أكتر من عشر تلاف دى بكتير .. وإن مصنعى الزيوت هما اللى أقنعوا المستهلكين بكده عشان يكسبوا كتير .. وكمان لقيت إن كتالوج العربية فى جدول الصيانة تغيير الزيت كل عشرين ألف .. وأنا قلت خلينى فى المتوسط وغيرته على 14000 تقريبا ..
وكنت بتابع الزيت باستمرار .. كان لونه مش حلو صحيح لكن لزوجته زى ما هى زى أول ما حطيته ومستواه مظبوط ... !!!!