حرارة المحرك

[hassanali]

عربيتي 305
الماتور بيسخن جامد و خفيف عملت طقم شنبر و الاسطوانه سليمه و لينت و عملت لحد الان 2000 كيلو و ظبت تكيهات
الشكمان غيرت علبه امبارح طلمبه بتقلب كويس يا تري ايه ممكن تكون السبب مع العلم 10 كيلو ممكن تخليها سخنه

[sweetheart_]

ما هى لازم تسخن المهم ان السخونه تبقى طبيعيه يعنى متعديش 90 واصلا لو الموتور بارد بيحرق بنزين زياده فلازم يكون سخن بس ميعديش الحدود الطبيعيه لو بيعدى شوف دورة التبريد خاصة الريداتير

[hassanali]

الردياتير سليم - المؤشر بيوصل للمنطقه الحمراء
هل ممكن تكون الكهرباء و لو الكهربا اه ايه اللي ممكن بيعمل كده في الكهربا

[samirayad]

الماتور بيسخن جامد و خفيف عملت طقم شنبر

يعنى الموتور لسه خفيف برضه بعد ماعملت له طقم شنبر .....؟

وهل عملت روديه لرأس السلندر وأنت بتغير الشنبر ولا لا

[hassanali]

الماتور تمام و عملت روديه لرأس السلندر و لينت و ظبت تاكيهات ماشي لحد الان 2200كيلو بعد طقم الشنبر

بتاع الردياتير قلي خلي الردياتير 3 ماسورة بدل 2 ماسورة
اعمل ايه

[samirayad]

بتاع الردياتير قلي خلي الردياتير 3 ماسورة بدل 2 ماسورة

لو الأثنين ماسوره ....مش بتاع العربيه الأساسى

مفيش مشاكل

فممكن تغيره لتلاته ماسوره

وبكده حتترفع معاك كفاءة دورة التبريد

والحراره حتتظبط معاك

إن شاء الله

[gazzar91]

و ممكن أصلاً يكون في هوا في دورة التبريد... الميكانيكي ما أخدش هوا و هو بيقفل...
والله أعلم...
شوف و طمنا...
في رعاية الله...

[hassanali]

امري الي الله

حاخد بنصيحتكم و اغير الردياتير يارب يا مسهل .....

[samirayad]

خيرا بإذن الله

[hassanali]

ردياتير جديد

ركبت اول امبارح باليل في عين شمس ميدان النعام جنب بنزينه موبيل ردياتير جديد 3 ماسوره نحاس 320 جنيه

و البقشيش 20 حنيه
الحمد الله الوضع احسن المؤشر كويس مبيخشيش المنطقه الحمرا

بس ده علاج مؤقت لمشكله مش حاسس بيها ة لا ده عشان الصيف!!!

[samirayad]

كويس برضه أن الحراره أتحسنت شويه كده

وياريت تبقى تروح للميكانيكى تانى

وقوله ريحلى خلوص التاكيهات حاجه بسيطه

ليكون محملها جامد

وطبعا دى تسخن المكنه جدا

[al_ostaz74]

على فكرة ممكن يكون العيب في الثرموستات ، يعني عالية من 80 ل 90 فبتخللي مروحة الراديتير تشتغل متأخر و بالتالي العربية بتسخن قوي ، انصحك تركب ثرموستات 70 عشان التبريد يبدأ مبكرا و ماتسخنش منك. و ظبط كهربة العربية و الكاربريتير