سؤال مين يعرف حد بيظبط تاكيهات الشاهين كويس

[horeen]

إخوانى
السلام عليكم ورحمه الله
سؤال مين يعرف حد بيظبط تاكيهات الشاهين كويس
لأن التاكيهات عندى محمله ومش مظبوطه
ورحت لميكانيكى قالى أعملها لك بالصاروخ وطبعا ده كلام غلط
قلت له شكرا
وعايز أعرف لو حد متخصص يوصفه ليا
لو فى القاهره أو الأسكندريه
وشكرا

[samirayad]

ورحت لميكانيكى قالى أعملها لك بالصاروخ وطبعا ده كلام غلط

بالصاروخ

أما ميكانيكى غريب

[horeen]

طبعا المهندس/سمير عياد ملاك من السماء
بارك الله لنا فيه وستره فى الدنيا والأخره

[medo980]

السلام عليكم
بص يا باشا فى واحد بتاع تاكيهات مشهور فى فم الخليج عند سور مجرى العيون تحت كوبرى مجرى العيون

[samirayad]

الله يخليك
أحمد بيه

فى الموضوع ده وتحديدا

فى المشاركه رقم 3 حتلاقى رسم هندسى

ومتوضح عليه خلوص التاكيهات valve clearance

و ده اللى بيتحط فيه الفيللر لعلميات الضبط

وحتلاقى تحت كل كستبان تاكيه valve tappte

لينه ( زى تخويشه باللغه الدارجه ) بيبقى لها سمك معين

ومشار الى سمك اللينه على الرسم ب shim thickness

شوف كده الموضوع ده وركز معاه وأنت حتعرف

ليه التاكيهات لازم تبقى مظبوطه

وساعات مصممى المحركات بيحط قيمه للخلوص فى العادم أكبر منها فى حالة الحر ( نظرا لطبيعة التمدد الحرارى

ومواصفات المعادن )

وأذا كان عندك فى الشاهين

خلوص تاكيه العادم 0.04 مم

والسحب أو الحر 0.03 مم

فهناك محركات مثل الكاتربلر

بيكون فيها

خلوص العادم ضعف الحر

http://www.nilemotors.net/Nile/78061-a.html

طبعا بيلاحظ أن الصوره فى المشاركه رقم 3 من الموضوع المحول

لسياره ......ألفا روماريو

وواضح أن الشاهين نفس التصميم الهندسى

[Sherifmt]

انا اتعاملت مع الشيخ حسني علي متخصص ظبط تاكيهات فقط فعلا محترم وبيفهم والاهم عندة ضمير هو موجود في المنيب ناحية النيل ممكن تدخلة من جنب الموقف اللي تحت الدائري او من الشارع اللي جنب كشري زيزو الجديد اللي قدام محطة مترو المنيب انا احترمت اراجل دة علشان رحت اظبط تاكيهات لعربيتي الدوجان رفض وقالي عربيتك مظبوطة ومش محتاجة من غير ما يفك ولا يفتي قبل كدة من سنة رحت لبتاع التاكيهات اللي في فم الخليج اتلطعت هناك ساعتين وفك وفتي وزحمة علي الفاضي وكانت برضة مش محتاجة ظبط خد 10 جنية كشف غير التبس!!!!

أسمة حسني علي
موبيل 0122211016
علي فكرة انا عرفت انة موظف الصبح وبيكون موجود بعد الظهر لكن الورشة مفتوحة طول اليوم

[horeen]

شكرا لكم جميعا
وصدق الرسول الكريم
الخير فى وفى أمتى إلى يوم الدين