افيدونى افادكم الله؟

[samirayad]

هو عملية التحديد مش حتتعرف بالشكل ده

علشان نقدر نحكم صح

الصوت طبيعى ولا فيه حاجه غريبه

وأفضل شىء حاليا

هو المقارنه

أى واحد معاه أكسنت

نستأذنه ونسمع صوت مكنته والكبوت مفتوح والمروحه شغاله

لقينا الصوت زى عندك

يبقى ده طبيعى فعلا

أما لو فيه أختلاف عن عندك والصوت خشن شويه عندك

يبقى بلى موتور المراوح عندك مش كويس

وطبعا يبقى على التوكيل لأطلاعهم على الحاله وعمل الآزم

____________

إن شاء الله

تلاقى الوضع معقول

[Ayman-Ahmed]

هو عملية التحديد مش حتتعرف بالشكل ده

علشان نقدر نحكم صح

الصوت طبيعى ولا فيه حاجه غريبه

وأفضل شىء حاليا

هو المقارنه

أى واحد معاه أكسنت

نستأذنه ونسمع صوت مكنته والكبوت مفتوح والمروحه شغاله

لقينا الصوت زى عندك

يبقى ده طبيعى فعلا

أما لو فيه أختلاف عن عندك والصوت خشن شويه عندك

يبقى بلى موتور المراوح عندك مش كويس

وطبعا يبقى على التوكيل لأطلاعهم على الحاله وعمل الآزم

____________

إن شاء الله

تلاقى الوضع معقول

الف شكر يا بشمهندس.وكدة بقى انا اتوكل على الله واطلع على التوكيل بكرة بمشيئة الله.

[Ayman-Ahmed]

مشكور يا مهندس سمير.

رحت التوكيل ولسة جاى والتشخيص طلع انه سير الكاتينة مشدود شوية وسيتم الكشف على بلى السير وعمل الازم بس لازم تبات العربية.طبعا قلت لا يمكن اسيبها وعاوز اقابل المدير.المدير قال نفس الكلام بس كان تعليقه ان الصوت ده عادى لان العربية جاية من كوريا كدة عشان لما توصل ال600000 كم نغير السير علطول بعد ما يترخى.لكن لو رخيناه دلوقتى يبقى هتغيره قبل ال60000 ومتقلقش لان انت كدة كدة فى الضمان وامشى بيها زى ما انت عايز.وقاللى على العموم لو عاوز نرخى السير ونفك نشوف فيها ايه تعالى بكرة الساعة 8 ونشوفها مع بعض.

ايه رايك يا استاذ سمير؟

[samirayad]

خليك معاهم ياباشا

وخليهم يكشفوا على مناطق تحميل سير الكاتينه

لأن بالشكل ده

فيه عندك بليه وحشه

فى مجموعة تشغيل سير الكاتينه

[Ayman-Ahmed]

خليك معاهم ياباشا

وخليهم يكشفوا على مناطق تحميل سير الكاتينه

لأن بالشكل ده

فيه عندك بليه وحشه

فى مجموعة تشغيل سير الكاتينه

هو فعلا واحد من الفنيين هناك قال ممكن تكون البلية هى اللى فيها مشكلة ولو جيت بكرة هنظبطهالك.ولما قولتلوا مش هتتغير قال ليه اغيرها طالما ممكن تتظبط.

طب فى رايك البلية ديه ممكن تعمل مشاكل ايه؟

[samirayad]

طب فى رايك البلية ديه ممكن تعمل مشاكل ايه؟

ربنا يكفيك شرها

دا لسه العربيه زيرو

وأى بليه خشنه فى منطقة شغل سير الكاتينه

لازم تتغير على طول

ولو بلية طلمبة الميه وحشه تتغير الطلمبه كلها

ونفس الكلام بالنسبه للشداد أو البكره

أى قلق فى المنطقه دى

مينسكتش عليه نهائيا

لأن ده ممكن يضيع وش مكنه ببساتمها ببلوفها ( الصبابات )

لو حصل حاجه للسير

لاقدر الله

[windofchange]

حصلت عندي اول ماشتريت العربية مستعملة كانت وجابت صبابات لأن سير الكاتينه نطر من مكانه والمكنة اكنها بتهدي الrpm بينزل كده ومفيش بنزين وللأسف دورت 3مرات ومدارتش طبعا وجابت صبابات ومعتقدش انها رجعت زي الأول انت تصحصح معاهم جامد في التوكيل ربنا يهدينا جميعا جزاك الله خير يابشمهندس سمير وادعوك وباقي الأخوة للأطلاع علي موضوعي

http://www.nilemotors.net/Nile/166391-a.html

[Ayman-Ahmed]

ربنا يكفيك شرها

دا لسه العربيه زيرو

وأى بليه خشنه فى منطقة شغل سير الكاتينه

لازم تتغير على طول

ولو بلية طلمبة الميه وحشه تتغير الطلمبه كلها

ونفس الكلام بالنسبه للشداد أو البكره

أى قلق فى المنطقه دى

مينسكتش عليه نهائيا

لأن ده ممكن يضيع وش مكنه ببساتمها ببلوفها ( الصبابات )

لو حصل حاجه للسير

لاقدر الله

جزاك الله خيرا يا استاذ سمير.وده كان راى واحد فى مركز معتمد ان العيب ده لازم يتعمل عشان لا قدر الله ممكن الموتور يقفش.وانا دلوقتى على التيلفون مع الصيانة قاللولى تعالى بكرة ومتمشيش الا لما الصوت يضيع وترتاح.

فهل ممكن هما يعملوا فيها اي حاجة تضيع الصوت غير تغيير البلى او تظبيط السير ويمشونى والسلام ولا ايه؟

[Ayman-Ahmed]

لا حول ولا قوة الا بالله.واحد تانى بيقولى استنى شوية وامشى بيها السخونية هتظبط السير فاضطريت اقفل السكة فى وشه.

[samirayad]

فهل ممكن هما يعملوا فيها اي حاجة تضيع الصوت غير تغيير البلى او تظبيط السير ويمشونى والسلام ولا ايه؟

لازم تكون شديد معاهم

أستاذ : ايمن

وأى حاجه فيها عيب تصنيع فى منطقة الكاتينه تتغير فورا

ولازم يكون صوت مكنة عربيتك
زى صوت أى مكنة عربيه نفس طرازك
وده أنت تعرفه من الناس العاديه
اللى بتبقى موجوده بالتوكيل

[Ayman-Ahmed]

لازم تكون شديد معاهم

أستاذ : ايمن

وأى حاجه فيها عيب تصنيع فى منطقة الكاتينه تتغير فورا

تمام كدة انا كنت مستنى الرد ده.لاننى كنت ناوى اقلبها دندرة عليهم وخصوصا بعد ما بداوا يستهبلوا فى ردودهم.لازم تتغير مش تتظبط والسلام.

وده اللى عملته النهاردة وسمعت موتور 2009 وملقتش الصوت ومهندس الاستقبال برضه مصمم انه عادى لحد ما قلتلوا انا عاوز المدير

الف شكر يا اجدع مهندس وصديق وفى

[samirayad]

بالتوفيق

وأبقى طمنى برضه على أحوالك

[Ayman-Ahmed]

بالتوفيق

وأبقى طمنى برضه على أحوالك

اكيد يا استاذ سمير انا مش معقول اوجع دماغك كل ده ومرجعش اقولك ايه الاخبار بمشيئة الله.

[Ayman-Ahmed]

السلام عليكم يا استاذ سمير:

قبل اى حاجة الف شكر للمساعدة الممتازة.اللى خلتنى واقف النهاردة فاهم هما مفروض يعملوا ايه.

رحت فى الميعاد وبدا كلامهم برده عادى عادى ونفس النغمة.اضطريت للاسف اعلى صوتى وشوية قلة ادب.بداوا يقولوا خلاص نفك التقسيمة وكشف على البلى وبعدين ندخل على السيور والبكر.بس قبل ما يفك و يرخى قاللى تعلى اوريك i30 موتوروها مفكوك وبنركبه.ولقيتهم برده بيشدوا السير ونفس الصوت طالع قولتلوا انا معيش ديه انا معايا نيو اكسنت.ما اهو يا بيه انا عاوز اقولك انه كله بيتشد كدة عشان يريح مع الوقت وبعدين يتغير على ال600000 قولتله طب اخر حاجة واقتنع بكلامك سمعنى نيو اكسنت 2010 وكان فى 2 هناك سمعت نفس الصوت

وقولتله تمام كلامك.هاتلى بقى اقرار من المركز هنا انه تم الكشف على العربية بخصوص الونة وسير الكاتينة ووجد سليم.طبعا تنح.قاللى بس انا قولتلك مفيش حاجة.قولتله معلش وانا عاوز اتطمن وتبقى مسئولية المركز.قاللى ما اهو انت كدة كدة فى الضمان.قلتله مفيش مشاكل اعملى تقرير شامل عن العربية واكتبلى بها ونة خفيفة فى السير عشان هابيعها.وقد كان.

فمن الواضح انهم مشدودين بنفس الطريقة والله اعلم من المصنع الا اذا كان عيب صناعة فى النيو اكسنت.

[samirayad]

قلتله مفيش مشاكل اعملى تقرير شامل عن العربية واكتبلى بها ونة خفيفة فى السير عشان هابيعها.وقد كان.

كده حلو أوى

ومش عاوزين غير كده

على الأقل تبقى مطمن فى فترة الضمان

لحين التعود على صوت المكنه