إعـــــــلان

Collapse

.

,
See more
See less

استفسار لخبراء المنتدى

Collapse
X
 
  • Filter
  • الوقت
  • Show
Clear All
new posts

  • استفسار لخبراء المنتدى

    السلام عليكم اعضاء المنتدى الكرام
    سيارتى 128 وانتو عارفين انها مبتخلاش من المشاكل اما اخر مشكلة جننتنى
    ومحتاج لخبرتكم فيها هى ان العربية بتعمل حاجات غريبة جدا وهى:
    1- فى رجرجة جامدة وانا على الاولانى او لما انزل من التالت للتانى خصوصا لو الطريق زحمة
    2- العربية بتبطل مرة واحدة وانا ماشى وده بعد ما امشى بيها شوية وبتكون سخنة جدا مع انى مكملتش 10 دقايق ماشى بيها
    وللعلم انا جربت كل الحلول زى :
    نضفت بك السلانسيه مرتين او تلاته كمان
    طقم الكهربا لسه جديد ومعملش 500 كيلو
    الميكانيكى قالى ممكن يكون عيب دبرياج فعليته وبرضه مفيش فايده
    يا ريت لو حد عنده حل يقولى عشان حتجنن وخصوصا من موضوع التبطيل ده لأنها بتعملها فى اوقات رخمة
    وعاملالى مشاكل كتير
    والف شكر مقدما

  • #2
    ممكن يكون عيب بوبينا

    Comment


    • #3
      الف شكر على المرور يا استاذ سمير انا فعلا عملت كل حاجة ومفكرتش فى موضوع البوبينا ده ان شاء الله حكشف عليها وربنا يكرم

      Comment


      • #4
        اتعلمنا اني الطلعه ( تكون دبرياج ) او الكهرباء
        السياره تبطل سدد فى البنزين ممكن وليس بك السلانسيه او يكون عيب فى الكربرتير



        اقولك : في الطلعه ممكن تكون القواعد او شداد الماتور او القنطره اكشف عليهم وبلغني

        Comment


        • #5
          حاول تشوف تنك البنزين ممكن تكون ممون بنزين مش كويس (مش نظيف) حاول تنضف التنك و تغسل الكربراتير تانى مش هتخصر حاجه

          Comment


          • #6
            الرجرجة بيكون سببها الدبرياش او قواعد الموتور او قواعد الفتيس لما تحصل فى بداية الحركة وعند كل نقله لغاية الغيار ما ياخد عزمه تبطل

            اما التبطيل بيكون سببه كهرباء او بنزين يعنى وارد كل شئ فى دايرة الكهرباء يعنى البوجيهات ممكن تهبب وتبوظ فى يوم او اتنين لو حاجة موش مظبوطة وممكن تكون حاجة تافهة جدا يعنى مرة حصلت معايا الراجل الميكانيكى بيحط سنة شحم بسيطة على محور الدوران اللى بيخلى الابلاتين يفتح ويقفل وانا ماشى مع السخونة ذرة شحم طارت ودخلت بين طرفين الابلاتين هوب شكرا مفيش كهربا يمين شمال مفيش وكل اللى يبص يقول كل حاجة سليمة لغاية ما جبت فوطة مسحت بيها الابلاتين لقيت بقعة غريبة روحت رشيته بأكاى بتاع الكمبيوتر اشتغل فل
            اما بالنسبة للبنزين لو بتبطل على السلانسية يبقى بك السلانسية وده يخليها تبطل وهى واقفة او وهى ماشية بالراحة بك السرعة يخليها تنتش وانت بتجرى يعنى تدوس بنزين العربية تتخنق وبعدين فجأة تفتح (ده عيب مشترك ممكن يحصل بسبب الابلاتين )
            لو مظبوطة وفجأة تقطع ممكن تكون موبينه وده ممكن تعرفها بأنها هادور تانى بعد 5 دقائق لما تبرد ولو لفيت عليها فوطة مندية هاتمشى معاك لغاية مالفوطة تنشف وتسخن تانى
            بص على الفلتر لو بعد الطرمبة وفاضى يبقى الطرمبة بتسخن وتقطع حلها تجيب قزازة مية وتكب على الطرمبة لغاية ما تبر وتدور تدور لغاية مالطرمبة تسخن تانى
            لو كلو مظبوط ممكن يكون فى سدد فى دايرة البنزين أو فى فلتر أو فلتر مقلوب
            راجع على العربية وإن شاء الله تقدر تشخص العيب فين بس امكانية تصليحه بنفسك ده راجع لخبرتك

            يارب اكون افدتك
            تحياتى للباش مهندس سمير
            [CENTER][SIZE=4][COLOR=blue][img3]http://www.nilemotors.net/Nile/signaturepics/sigpic66473_1.gif[/img3][/COLOR][/SIZE][/CENTER]
            [CENTER][SIZE=4][COLOR=blue]كان نفسى زمان ....وبعدين بطلت [/COLOR][/SIZE][/CENTER]

            Comment


            • #7
              الله يخليك
              يا أستاذ : محمد

              وكل عام وأنتم بخير

              Comment


              • #8
                لرجرجه بسبب من اثنين اما ان قواعد الفتيس فيها مشكله او ان الاشطوانه سيئه او انك اعدت شحن الاسطوانه ولم تغيرها جدده
                [mtohg=#ffb700]http://www.tagged.com/photo_view.html?photoId=69127958[/mtohg][IMG]
                [frame="6 90"]
                [CENTER][B][SIZE=3][COLOR=#008000][B][SIZE=3][COLOR=#008000]حياتك وحياة الاخرين امانه في عنقك فداوم علي الاهتمام بالصيانه ولاتبخل او تبحث عن الارخص[/COLOR][/SIZE][/B][/COLOR][/SIZE][/B][/CENTER]
                [/frame]

                Comment

                Working...
                X