تجربتى مع منظف الرشاشات abrd

[asemx1]

ملخص سريع للحوار
كنت ماشى على طريق صحراوى والتنك خلص تقريبا وصلت بالعافيه للبنزينه
وبعدين مونت وطلعت حسيت ان العربيه اتكتمت وبقت بتكركر حبه صغيره
جه فى دماغى ان الرشاشات اتوسخت وهوب قومت مفول التانك لما وصلت وقمت جايب علبه منظف رشاشات زى الى فى الصوره دا http://www.abroeurope.com/images/FUE...OR-CLEANER.jpg
صناعته امريكى وتمنه 12 جنيه من بنزينه كالتكس
ولسه التنك مخلصش ونكمل التجربه بعد ما التانك يخلص وافول تانى واحط المنظف تانى

طبعا عايز ارائكم فى الحوار دا مع العلم عربيتى ياريس 2009 اوتوماتيك

[ahmedyehia515]

بس على حد علمى مينفعش تستخد المنظف ده مرتين ورا بعض يشان هيبتدى ياكل الخراطبم و الرشاشات و المفروض يستخدم كل فترة , بس اللى شفت مكتوب عليه الكلام ده كان واحد تانى كان ب 55 ج بس فعلاً كان بيجيب نتيجة و كان مكتوب عليه انو يتحط كل 5000 كم.

بس برده يا ريت تبقى تقولنا أخبار السحب و الكركرة إيه بعد حط المنظف و لو فعلاً مكتوب عليه انو يستخدم كل فترة ولا عادى ممكن يستخد م مع كل تفويلة

و شكراَ

[asemx1]

بس على حد علمى مينفعش تستخد المنظف ده مرتين ورا بعض يشان هيبتدى ياكل الخراطبم و الرشاشات و المفروض يستخدم كل فترة , بس اللى شفت مكتوب عليه الكلام ده كان واحد تانى كان ب 55 ج بس فعلاً كان بيجيب نتيجة و كان مكتوب عليه انو يتحط كل 5000 كم.

بس برده يا ريت تبقى تقولنا أخبار السحب و الكركرة إيه بعد حط المنظف و لو فعلاً مكتوب عليه انو يستخدم كل فترة ولا عادى ممكن يستخد م مع كل تفويلة

و شكراَ

طيب نوع ايه الى ب 55 جنيه دا ومنين يا باشا ؟؟

[ahmedyehia515]

طيب نوع ايه الى ب 55 جنيه دا ومنين يا باشا ؟؟

بص انا كنت بجيبه من on the run اللى فى اى محطة موبيل بس المحطات الكبيرة ، يعنى كان موجود فى بنزبنة صلاح سالم. مش فاكر الاسم بصراحة بس كان ازاة بلاستيك لونها أزرق، ان شاء الله اعدى عليهم النهارده و اجيب الاسم و أصورها كمان

[asemx1]

بص انا كنت بجيبه من on the run اللى فى اى محطة موبيل بس المحطات الكبيرة ، يعنى كان موجود فى بنزبنة صلاح سالم. مش فاكر الاسم بصراحة بس كان ازاة بلاستيك لونها أزرق، ان شاء الله اعدى عليهم النهارده و اجيب الاسم و أصورها كمان

صباح الخير اولا انتا تاعب نفسك وصاحى بدرى على المنتدى زىى ليه كدا هههههه
هوا اكيد كل ما المنتج دا سعره كان اكبر كل ما كان تنظيفه احسن بس على رايك اكيد الماده الفعاله فيه هتكون اكبر ودا ممكن ياثر على الخراطيم والرشاشات او ممكن يكون تاثيرها احسن
بس على العموم انا بجرب دا وعلى ما التانك يخلص وافول تانى هقول رائى فيه

[ahmedyehia515]

[QUOTE=asemx1;3872930436]صباح الخير اولا انتا تاعب نفسك وصاحى بدرى على المنتدى زىى ليه كدا هههههه
هوا اكيد كل ما المنتج دا سعره كان اكبر كل ما كان تنظيفه احسن بس على رايك اكيد الماده الفعاله فيه هتكون اكبر ودا ممكن ياثر على الخراطيم والرشاشات او ممكن يكون تاثيرها احسن
بس على العموم انا بجرب دا وعلى ما التانك يخلص وافول تانى هقول رائى فيه[/QUOTE

, الله أصلاً المنتدى مكونتش قفلته أصلاً ، هوا برده مكتوب عليه كده انو أول مره حط الازازة كلها و ممكن بعد كده تحطه على مرتين، قصدى يعنى نص الازازة كل تفويلة و بصراحة كان بيجيب نتيجة و كنت بحطه مع كل غيار زيت.

[asemx1]

بعد ما خلصت نص التانك لاحظت فرق بسيط بس للاحسن فى الاستجابه اظن لو خلصت التانك وقومت مفول وحاطط تانى هتبقى كويسه بازن الله
ادعولى بالصحه والنجاح

[ahmedyehia515]

Cyclo :: Products That Work :: Max 44

هوا ده اللى كان قصدى عليه، موجود فى On The Run بس مش كلهم انا شفته فى الرحاب و صلاح سالم. سعرع 56.75 جنيه و مكتوب عليه انو بيستخدم كل حوالى 7000 كم و مكتوب انو بينضف الدورة كلها بما فيها الرشاشات و المانافولد.

و ده الtechnical data بتاعته للى مهتم أكتر بالموضوع.

http://www.cyclo.com/system/images/Techdata/C44TDS.pdf

طبعاً هوا تقريباً أغلى واحد فى النوعية ده بس بصراحة و عن تجربه انا حسيت بفرق فى عربيتى ، انا كنت بستخدمه أصلاً كمحاولة اخيرة لعلاج الرعشة البسيطة فى الأر بى ام على السلانسيه و فعلاً جاب نتيجة بس طبعاً هوا مكتوب عليه 7000 بس اخره معايا كان بالكتير 3000 و ده اكيد يرجع للخير الكتير اللى فى بنزين بلدنا بس اذكر انو عضو قال انو كثرة استخدام المنتجات ده بيسبب تآكل الخراطيم بتاعت البنزين. طبعاً الحل الأفضل هوا الألترا سونيك بس ده بياخد وقت و فك و تركيب و بينضف الرشاشات بس، يعنى لو مشكلتك الرشاشات يبقى الالترا سونيك أفضل و ممكن تستخدم ده عشان تنضف باقى السيستم

أنا شخصياً بستخدمه كل 10.000 كم كجزء من الصيانة و عشان أبعد خالص عن موضوع الخراطيمو التآكل ده.

[M.almaghraby]

ضار و خطر جدا جدا انك تستخدم ابو 55 دا بالذات كل 7 الاف كيلو

ممكن ال cyclo الابيض كل 10 مثلا

[El Prince]

انا عملت صيانة العشرين الف وتم تغيير فلاتر الهواء و الزيت والبنزين و تغيير الزيت و البوجيهات
بس مش ملاحظ اى تحسن فى الاداء ( هو كويس بس متحسنش للأفضل )
هل من الافضل انى احط منظف رشاشات مع التفويله اللى جايه ؟ ولا مش ضرورى اذا كنت راضى عن الاداء
و يا ترى ايه افضل نوع متاح ..

[Adham]

كتراستخدام الحاجات دي مش كويس

مش خراطيم و لا رشاشات

المشكلة اكبر من كدة

منظفات الرشاشات دي حامية و ممكن تسلخ الصبابات لو استخدمت كتير و عمال على بطال