مشكلة فالشاهين

[magedtohami]

ياريت حد يفيدني يجماعه فالموضوع ده لاني بزعل على العربيه جدا انا معايا عربية شاهين 97 غاز فالفترة الاخيرة بدا يحصل مشكله في تدوير العربيه وبقت العربيه تشرق كتيير ومترضاش تدور وممكن تشرق وهيا ماشيه عادي وتبطل ومترضاش تدور غير بعد الشرقه ماتروح غير اني ممكن ابطلها واجي ادورها الاقيها شرقانه المهم روحت للميكانيكي حاول يزبطهالي زبطت ورجعت نفس المشكله تاني روحتله زبطها تاني وقالي لو رجعت نفس المشكله روح شركه الغاز فانا قولت اريح دماغي بلا غاز بلا نيله وبقيت امشيها بنزين معظم الوقت وكانت المفاجأة هيا انها برضوا بتشرق عالبنزين ياريت حد يقولي ايه المشكله واحلها ازاي عشان شركه الغاز فالجيزة فالدقي وبعيده عليا اوي(العربية كاربرتير طبعا)

[molla]

بص انا مقدرش افتى اوى فى موضوع الغاز دة بس انا معايا شاهين و مرة زماااااان اوى لما كنت لسا بتعلم السواقة جيت افصل بالعربية و انا معرفش أن الكربراتير مبيفصلش فعملت كدا زى مانت بتقول و بقت بتغيب فى الدوارة و مبرجلة و كمان بتبطل هى انشاء الله حاجة بسيطة بص زبط الكربراتير عند اى ورشة كربراتيرات بس المهم يكون واحد نظيف و بعدين زبط مفتاح الهوا بتاع الموتور عند الميكانيكى او لو بتعرف انت خير و بركة و بالمرة خلى الميكانيكى يبص ع البوجيهات

[magedtohami]

الف شكر يا molla والميكانيكي بتاعي حاول فيها على قد مايقدر وعمل تقريبا كل الي انت قولته بس بتتعدل شويه وترجع تاني وقالي حلك شركة الغاز بس المشكله انها بعيدة

[molla]

على اية يا باشا ربنا يخليك بش المشكلة انى مفهمش خالص فى قصة الغاز دى بس هتعمل اية روح و اتكل على الله

[magedtohami]

يجماعه بليز لو حد فاهم فالمشكله دي يرد متسيبونيش محتاس كده

[HotRide]

:t_thum1[1]:ياريت حد يفيدني يجماعه فالموضوع ده لاني بزعل على العربيه جدا انا معايا عربية شاهين 97 غاز فالفترة الاخيرة بدا يحصل مشكله في تدوير العربيه وبقت العربيه تشرق كتيير ومترضاش تدور وممكن تشرق وهيا ماشيه عادي وتبطل ومترضاش تدور غير بعد الشرقه ماتروح غير اني ممكن ابطلها واجي ادورها الاقيها شرقانه المهم روحت للميكانيكي حاول يزبطهالي زبطت ورجعت نفس المشكله تاني روحتله زبطها تاني وقالي لو رجعت نفس المشكله روح شركه الغاز فانا قولت اريح دماغي بلا غاز بلا نيله وبقيت امشيها بنزين معظم الوقت وكانت المفاجأة هيا انها برضوا بتشرق عالبنزين ياريت حد يقولي ايه المشكله واحلها ازاي عشان شركه الغاز فالجيزة فالدقي وبعيده عليا اوي(العربية كاربرتير طبعا)

عيب عوامه كاربتير و متأكد ان شاء الله
تروح لبتاع كاربتير او ميكانيكي نضيف يظبطلك العوامه و ينضفو الكاربيتير و ان شاء الله هيبقي تمام

العوامه ديه وظيفتها انها بتملا الكربتير بالبنزين و تقفل المكان البيدخل منه البنزن طول ما كميه مظبوطه و يفتح لما كميه تقل....زي سيفون الحمام كده بظبط

لو عوامه مش مظبوطه يا هتقفل بدري و تخليها تنتش من نقص البنزين يا تقفل متأخر و تاخد زياده فبيقي في نظام الاحتراق كميه اكبر من مطلوب فمش بيتحرق كامل ولو زاد اوي ميتحرقش خالص وهو ده الي بنقول عليه بالبلدي الشرقان

[hamann]

السلام عليكم و رحمة الله و بركاته

أنا كان عنى استفسار للعفشة بتاع الشاهين :

أنا امبارح غيرت المساعدين الأماميين و جبت اتنين ألمانى زيت و غيرت جوز المقصات و غيرت كمان حشو الدركسيون و بستم, بس بعد ماخلصت لقيت العربية فى السرعات العالية , يعنى على ال90 كم مثلا , تحس أنها بتعوم و مش ثابتة و الموضوع ده مكانشى موجود فى العربية قبل ماعمل كل الاصلاحات دى , ايه رأيكم , العربية محتاجة ظبط زوايا ولا ايه؟؟؟؟



شكرا و آسف للاطالة

hamann

[i_Am_Legend]

ازاى بتشرق!!مش فيها خرطوم راجع.
عموما دة كربراتير_ركب بيكات اصغر.