زيت الشنبر

[MEDO80]

حد عندة معلومات عن حاجة اسمها زيت شنبر ؟
بصراحة النهاردة حطيتة في عربية 127 فيورا كان موتورها بيطلع دخان علشان خفيف رحت غيرتلة زيت شيل مونو ب 38 جنية و زودت علية علبة زيت شنر stp كان ب 17 جنية و بعد ما ضفتهم لقيت الموتور صوتة فرق جامد جدا و مفيش دخان
يا ري دا بسبب الزيت الجديد و لا بسبب تباع الشنبر دا
يا ريت لو عنده خلفية يقول و لا الزيت دا اشتغالة و لا اية و لا التاثير دا وقتي و خلاص
لاني كنت حاطط زيت مصر لبترول 7500 من شهرين
و شكرا

[paladin]

stp oil treatmen
very good but it is just a very heavy oil

[MEDO80]

يعني برضة تاثير لحظي و خلاص ؟

[MEDO80]

اية يا جماعة يعني محدش يعرف البتاع دا و لا اية؟

[sab3aawy]

زيت الشمبر هو عبارة عن مكون بترولى عالى الللزوجة ولا تتأثر لزوجته بدرجات الحرارة العالية

عندما يتم إضافته على الزيت العادى يرفع من لزوجته لدرجة كبيرة مما يجعله مناسبا لملئ خلوصات المحركات القديمة ومنع تسرب الزيت الى غرف الإحتراق وبالتالى الإحتراق والدختة ونقصان الزيت

زيت الشمبر مفيد جدا للمحركات الخفيفة لأنه:

1- يمنع خروج دخنة زرقاء من الشكمان

2- يمنع نقصان الزيت او يحد منه

3- يحسن اداء المحرك الخفيف

4- يخفض من صوت المحرك

5- يطيل من فترة تشغيل المحرك قبل الإجتياج للعمرة بشرط استعماله مع كل غيار زيت

6- يطيل عمر الزيت فى المحرك الخفيف قبل الإحتياج لتغيير الزيت

عيبه انه بيخلى تدوير المحرك صعب جدا فى الشتاء بسبب لزوجته وبالتالى لازم يكون المارش فى حالة ممتازة، كما ان لابد من تسخين السيارة جيدا قبل الحركة لضمان ملئ كل الفراغات

العيب الآخر انك طالما استعملته مرة لازم تستعمله مع كل غيار زيت لحد لما تبقى تعمل عمرة لأن المحرك بياخد عليه

هام جدا جدا جدا: لا احد يستعمل زيت الشمبر غير مع المحركات الخفيفة فقط، أحذر تماما من وضعه فى محرك سليم

[MEDO80]

لا يمكن

زيت الشمبر هو عبارة عن مكون بترولى عالى الللزوجة ولا تتأثر لزوجته بدرجات الحرارة العالية

عندما يتم إضافته على الزيت العادى يرفع من لزوجته لدرجة كبيرة مما يجعله مناسبا لملئ خلوصات المحركات القديمة ومنع تسرب الزيت الى غرف الإحتراق وبالتالى الإحتراق والدختة ونقصان الزيت

زيت الشمبر مفيد جدا للمحركات الخفيفة لأنه:

1- يمنع خروج دخنة زرقاء من الشكمان

2- يمنع نقصان الزيت او يحد منه

3- يحسن اداء المحرك الخفيف

4- يخفض من صوت المحرك

5- يطيل من فترة تشغيل المحرك قبل الإجتياج للعمرة بشرط استعماله مع كل غيار زيت

6- يطيل عمر الزيت فى المحرك الخفيف قبل الإحتياج لتغيير الزيت

عيبه انه بيخلى تدوير المحرك صعب جدا فى الشتاء بسبب لزوجته وبالتالى لازم يكون المارش فى حالة ممتازة، كما ان لابد من تسخين السيارة جيدا قبل الحركة لضمان ملئ كل الفراغات

العيب الآخر انك طالما استعملته مرة لازم تستعمله مع كل غيار زيت لحد لما تبقى تعمل عمرة لأن المحرك بياخد عليه

هام جدا جدا جدا: لا احد يستعمل زيت الشمبر غير مع المحركات الخفيفة فقط، أحذر تماما من وضعه فى محرك سليم

قبل اي حاجة انا مش مصدق نفسي الاستاذ سبعاوي بنفسة هوا الي در علي سؤال
ربنا يخليك يا رب و الف الف شكر علي المعلومة العظيمة دية و ربنا يخليك لينا يا رب

[ASHRAFL2]

شـكــ وبارك الله فيك ـــرا لك ... لك مني أجمل تحية

[H.ibrahim]

و حشتنى كتابتك يا ابو السباع متغيبشى كتير عنا بالله عليك .

[aYaBooY]

طيب يا جماعة الزيت ده ملهوش ضرر

[Maged_Samy]

كل دى مسكنات وحلول مؤقتة ياجماعة انا جربت كل ده ملوش اي فايده والزيت هينقص معاك برضة والدخان هيقل شويه ويرجع اسوء من الاول والعربيه هتحرق دمك فى الدواره الصبح او اى وقت تكون بارده وده هيأثر طبعا على المارش والبطارية لو كانت حالتهم نص نص . حاول تعمل عمره احسن او تسقط موتور استعمال ، وممكن تجيبلها موتور اونو

[نور العمر]

حد عندة معلومات عن حاجة اسمها زيت شنبر ؟
بصراحة النهاردة حطيتة في عربية 127 فيورا كان موتورها بيطلع دخان علشان خفيف رحت غيرتلة زيت شيل مونو ب 38 جنية و زودت علية علبة زيت شنر stp كان ب 17 جنية و بعد ما ضفتهم لقيت الموتور صوتة فرق جامد جدا و مفيش دخان
يا ري دا بسبب الزيت الجديد و لا بسبب تباع الشنبر دا
يا ريت لو عنده خلفية يقول و لا الزيت دا اشتغالة و لا اية و لا التاثير دا وقتي و خلاص
لاني كنت حاطط زيت مصر لبترول 7500 من شهرين
و شكرا

الله اكبر
ربنا يطمنك
وتجييب الحكاية دي مفعول مع عربيتي

[نور العمر]

كل دى مسكنات وحلول مؤقتة ياجماعة انا جربت كل ده ملوش اي فايده والزيت هينقص معاك برضة والدخان هيقل شويه ويرجع اسوء من الاول والعربيه هتحرق دمك فى الدواره الصبح او اى وقت تكون بارده وده هيأثر طبعا على المارش والبطارية لو كانت حالتهم نص نص . حاول تعمل عمره احسن او تسقط موتور استعمال ، وممكن تجيبلها موتور اونو

موتور أونو ده يعمل كام

وشكرا

[nabaster]

موتور أونو ده يعمل كام

وشكرا

نور انا كنت متابع موضوعك بس كنت شايف الاخ maka بيرد وبسم الله ما شاء الله عليه قايم بالواجب

عموما كان موضوعك ان الميكانيكي قالك هتتكلف 1000:900جنيه فكده هيبقي اوفر كتير من موتور الاونو

لان موتور الاونو ممكن يدخل بحاجته كامله في 2500 جنيه

وقولي ممكن الموتور بتاعك يتباع علي انه خلع علي 500 جنيه فكده قولي 2000 جنيه

مستعده تضحي بالالف الزياده (وممكن تدخل في 1200زياده) في سبيل موتور ناعم جدا وصوته هاادي وتنسيه 10 سنين قدام ولا لا

غير طبعا الوفر في البنزين

فكري واي استفسار تحت امرك ويارب اكون افادتك

وشكرا

ملحوظه : لازم الي يشتري معاكي الموتور حد يكون ثقه اوي ويكون بيفهم اوي

[نور العمر]

والله كده أوفر
لإن ميكانيكي تاني قاللي 1800 ج
يبقا 2000 مع موتور أونو أحسن
بس ده أجيبه منين وأعمله فين


واللا ابيعها وأجيب أونو أحسن

بصراحة

أخدت موقف نفسي من العربية :k17:

وألف شكر

[nabaster]

والله كده أوفر
لإن ميكانيكي تاني قاللي 1800 ج
يبقا 2000 مع موتور أونو أحسن
بس ده أجيبه منين وأعمله فين


واللا ابيعها وأجيب أونو أحسن

بصراحة

أخدت موقف نفسي من العربية :k17:

وألف شكر

سلام عليكم

متحوليش يا نور تاخدي موقف من العربيه وتفكري فيها كده

لانك كده حتي بعد ما تتصلح هتبقي نفسيتك مش مرتاحه ليها وخايفه من دقات النقص بتاعتها

نقطة اجيبه منين واعمله فين دي محتاجه ميكانيكي ثقه زي ما قلتلك ويكون واحد معاه من قرايبك بيفهم في العربيات وتشيلي انتي ايديكي من الموضوع ده لانك مش هتعملي حاجه معاهم

هما هيدورو بقي علي موتور نضيف يا اما في الحرفيين او عزبة شلبي او بقي لو كانو عايزين حاجه نضيفه ويتفرجو براحتهم وارخص كمان

مشوار يوم واحد لبورسعيد ويحمل الموتور علي اي عربيه ويرجع يركب علي عربيتك علي طول تاني يوم

فهل برضه عنك استعداد لدوشة التسقيط والكلام ده؟؟

عموما الموضوع عايز دماغ فاضيه وعايز حد تثقي فيه يدخل في الموضوع لانك لواحدك كده مش هتعملي حاجه

واي استفسار تاني في خدمتك