المحرك ساخن ودرجة الحرارة طبيعية

[SkyBird]

لاحظت اني لو مشيت بالعربية ولو فتره بسيطة الاقي الموتور سخن جدا يعني لو فتحت الكبوت وحطيت ايدي على الموتور من عند فتحة الزيت الاقية ساخن جدا لدرجة ما اقدرش اسيب ايدي عليه
مع العلم ان درجة الحرارة على المؤشر عادية واداء السيارة ممتاز حتى في المشاوير الطويلة على الصحراوي

ايه الاسباب
وهل يمكن التاكيهات هي السبب وعايزة تتظبط؟

(قبل ما اكتب الموضوع ده بحثت في المنتدى عن الموضوع فلم اجد شئ)

[elewey]

لا دة عادى جدآ انك متقدرش تحط ايدك على الموتور خصوصآ عند طبه الزيت و مش معناة يعنى ان الموتور سخن و ما دام الميه عند فى الردياتير سليمة و مبتنقص و الحرارة مظبوطة يبقى كله تمام

[Mostafa.Mahran]

المهم مؤشر الحرارة
انا صاحبى لسه جايب اوبل فيكترا99 متعرفش تفتح الكبوت و تقف قدامه من السخونية و الصهد الى طالع من الموتور و مع كده المؤشر قبل النص

[SkyBird]

الله يطمنكم
شكراً

[ahmedsamir79]

متقلقش
مفيش مشكله كده

[mostafashokry]

لا دة عادى جدآ انك متقدرش تحط ايدك على الموتور خصوصآ عند طبه الزيت و مش معناة يعنى ان الموتور سخن و ما دام الميه عند فى الردياتير سليمة و مبتنقص و الحرارة مظبوطة يبقى كله تمام

;كلام مضبوط جدا وما فيش بعده كلام و أقول لصاحب السؤال تقدر تضع أيدك أو تقرب من درجة حرارة 90 مئوية أو 86 مئوية و هى ديه درجة الحرارة المحرك الطبيعية الى بتعطى كفاءة أحتراق مثاليه .

[firstgenral]

مع احترامي للجميع كلامكو غلط
انا المشكلة دي كانت في عربيتي وبسببها ضربت وش سلندر

شوف سحب عربيتك اتأكد من الاسطوانة
والزيت مظبوط ولا لاء


لان ياجماعة لو جبنا عربية مظبوطة او جديدة وشغلناها لحد ما توصل 90 وفتحت الكبوت هقدر احط ايدي على الماكنة عادي لان انا بحط ايدي على المتور مش في وس الزيت الي درجة حرارتة 90 اهتم بالموضوع ده يمكن يكون حاجة من تجربتي مع العيب ده الي انتهى بتغيير جوان وش سلندر وخرط وش السلندر ولف ووجع دماغ