لمبة الزيت مجناني

[bazooooka78]

انا عندي يا شباب ابيزا 98 و لمبة الزيت بتنور وتطفي كل شوية .. وغيرت زيت ونفس المشكلة لسه موجودة حد يعرف من ايه ده يا جماعة عشان انا اتجننت خلاص واول مرة تعمل كدة

[محمد بازيد]

السلام عليكم ورحمة الله وبركاتة
كل عام وانتم بخير
المشكلة دى واجهتنى قبل كدة فى العربية الشاهين والميكانيكى قالى الاول شوف مستوى الزيت قليل ولا لا وثانيا غير الزيت والفلتر ولم محصلش تغيير يبقى المشكلة فى طرمبة الزيت عايزة تتغير بس متستناش عليها لان ممكن تدخلك فى مشاكل ملهاش لزمة
تقبل تحياتى
محمد حامد

[elewey]

انا عندي يا شباب ابيزا 98 و لمبة الزيت بتنور وتطفي كل شوية .. وغيرت زيت ونفس المشكلة لسه موجودة حد يعرف من ايه ده يا جماعة عشان انا اتجننت خلاص واول مرة تعمل كدة

وممكن يكون الموضوع ابسط تكون عوامه الزيت بس اللى فيها مشكله و عايزة تتظبط

[Ahmed Hassan]

وممكن يكون الموضوع ابسط تكون عوامه الزيت بس اللى فيها مشكله و عايزة تتظبط

هل فيه حاجه اسمها عوامة الزيت؟!!!

بالنسبه لصاحب المشكله... فك كارتيرة الزيت و اتأكد ان المصفاه بتاعة الزيت مش مسدوده. كمان اتأكد ان معندكش مشكله في الكهرباء بتخلي اللمبه تنور (لما بتزود بنزين اللمبه بتطفي؟). بعد ما تستبعد الاتنين دول... يبقى مفيش غير ان طرمبة الزيت عايزه تتغير.

[adel_2346]

صلى على النبى الاول انا حصلتلى نفس المشكله وحلها كان تغيير الزيت والفلتر بدرى مرتيين ورا بعضوده لانى كنت نسيت الفلتلر تقريبا سنه
تانى حاجه غير ساعه الزيت بعشرين جنيه من فتح الباب رمسيس واوعى حد يقلك هينضفها ولا تركب واحده استيراد لانى غيرت الى عندى مرتين كانو استيراد ومنفعوش جرب غيار الزيت والفلتر الاول وحط زيت 1000 كيلو عشان لو اضطريت تنزلو متزعلش عليه وبعد كده غير الفلتلا والزيت وحط زيت شل الاصفر

[Adham]

وممكن يكون الموضوع ابسط تكون عوامه الزيت بس اللى فيها مشكله و عايزة تتظبط

حضرتك تقصد ساعه الزيت

لان مافيش عوامه للزيت, العوامه بتبقى يا اما عوامة بنزين في الكاربراتير او عوامة مؤشر البنزين في التانك (بتاعه عداد البنزين)

هل فيه حاجه اسمها عوامة الزيت؟!!!

بالنسبه لصاحب المشكله... فك كارتيرة الزيت و اتأكد ان المصفاه بتاعة الزيت مش مسدوده. كمان اتأكد ان معندكش مشكله في الكهرباء بتخلي اللمبه تنور (لما بتزود بنزين اللمبه بتطفي؟). بعد ما تستبعد الاتنين دول... يبقى مفيش غير ان طرمبة الزيت عايزه تتغير.

+100000000


1- كهربائي يتأكد ان مش سلك اللمبة بايظ او بيلمس

2- الكهربائي يتأكد ان ساعه الزيت مش بايظة (دي في بلوك الموتور و هي اللي بتوصل الكهرباء للمبة الزيت و ساعات بتبوظ او سلكها يبقى مقطوع او مشعر و بيلمس يخللي اللمبة تلعب برضة) او يغير الساعه (تمنها مش غالي من 10 - 30جنية)

3- تغيير فلتر الزيت (طالما لسة مغير زيت)

4- يتم فك كارتيرة الزين و اخراج الطلمية و مراجعه مصفاة الزيت ( في الطلمبة) لو بها سدد كبير يتم غسيلها بجاز ثم تشطف جيداً بالبنزين و يتم تركيبها وتقفيل الكاريتير

5- لو تم كل ما سبق و لا زالت اللمبة بتنور

يتم تغيير طلمبة الزيت فوراً و دي غالية جداً غالبا

اذكر ان بتاعه الهوندا الاكورد الأصلية كانت ب 1200 - 1400 جنية من 4 سنين مثلا

لو وجدتها غالية كدة ممكن تشتريها استيراد من اي تاجر يكون فارط موتور و تاخدها عالتجربة

و في ورش خراطة بتقوم بتجديد الطلمبة كذلك و مش غالية

و اخيرا سوق العربية بالراحه خالص و ماتقرصش عليها بتاتاً لغاية ما توديها للكهربائي و الميكانيكي يعملوا اللازم فورا و ماتسكتش عليها (وديها بكرة لو امكن)

مش عاوز اخوفك

بس لو ضغط الزيت ضعيف الموتور ممكن يقفش

و دة حصل مع واحد صاحبي بابيزا و هوة خارج من الرحاب الصبح رايح الشغل و كان يوم و كلفتة كتير قوي

[bazooooka78]

شكرا يا جماعة على الاهتمام بالموضوع
وجاااري تنفيذ الاقتراحات

[teto2007]

والله عندى نفس المشكلة فى 128 وغيرت زيت بس بصراحة مغيرتش فلتر ها جرب النصايح اللى الاخوان اشارو بيها وشكرا ليكم