مشكله ف صوت العربيه على الخامس --- ارجو مساعده الخبراء

[m_love4me]

السلام عليكم ورحمه الله وبركاته


عربيتى Chery Cowin - A15
العربيه عامله 21000 كيلو فقط
وبصراحه العربيه ممتازه سحب وجرى وكل شىء لحد الان تمام وثبات

المشكله عندى ان على الغيار الخامس - العربيه صوتها بيعلى بصوره رهيبه
اول ما بجيب 110 وبيفضل عالى جدا صوت الموتور لحد ما يوصل ل 120

زي كدا كأنى جبت اخر الغيار زي ف التالت او التانى نفس صوت الحرق بتاع اخر الغيار


الصوت فقط ما بين 110 اول ما بوصلها بالظبط
ولحد 120 وبعد ما بكسر ال 120 العربيه صوتها بيرجعى يهدى شويه

يرجع للطبيعى المفروض الصوت عالى على السرعات العاليه ,,,, ولا الكلام دا غلط
يعنى هو بيهدى بحس انه كدا معقول بعد كسر ال 120 مباشره


والعربيه شغاله كويس
120 - 130 - ولحد 170 اعلى حاجه جبتها



مستنى ردك

تحياتى ليكم

[m_love4me]

فى انتظار افاده حد من الاخواه الكرام

[mahmoud5777]

لو عندك عداد لفات الموتور شوف 110 دى بتكون عند كام واحرق على التالت والرابع عند نفس الرقم لو الصوت محصلش يبقى مفيش عيوب بتعمل فايبريشن نتيجة دوران حاجة بسرعة معينه (أقصد فى المكنة طبعا) يعنى تطلع الموتور من دماغك

وتبص على النقطة اللى بعدها الفتيس هو اللى سرعته هاتزيد هو والاكسات والكبالن أو الكردان والكرونة علشان الكلام يبقى عام

بص على فلتر الهوا ممكن يكون موش محكوم فى مكانه أو فى تنفيس فى العمة

والله اعلم

[m_love4me]

السلام عليكم ورحمه الله وبركاته


الاخ الكريم
متشكر جدا لرد حضرتك وانا كنت منتظر اجرب واقول النتيجه


بالفعل الصوت عند 110 لحد 120 - الصوت بيعلى مره واحده كانى بحرق على الغيار وجايب اخره
وبعد ما اكسر ال 120 بيبدأ يهدى شويه بس بردو مرتفع
لما العربيه تسحب وتوصل مثلا 130 - 140 بحس ان الصوت بقى ناعم وطبيعى جدا


لقيت فعلا ان عند 110 ل 120 ف الرنج دا ال Rpm
على 3 ونص بالظبط بعد كسره

لحد ما اعدى ال 4 او 4 ونص


جربت احرق بالرابع لحد ما الاربى ام وصل نفس القيمه 3 و ونص

لقيت فعلا دا اخر الغيار يعنى الصوت بيعلى عند او ما اوصل ل 3 ونص واكسره
بس دا اخر الغيار تقريبا لانه بيكون على 100


وكذلك على التالت عند 3 ونص ف ال Rpm العربيه صوتها بيعلى نفس العلو
بس ماانا مابعدهوش لان دا اخر الغيار يعنى بتكون جايبه 80 مثلا



فى انتظار افاده حضرتك باقى الاعضاء


تحياتى لك

[mostafabakry]

انا معايا اللوجان mcv موتورها 1600 سي سي 16 صباب نفس الموضوع دا بيحصل معايا عند 3500 ار بي ام علي النقلة الخامسة بتكون السرعة 120 بحس ان الموتور صوتع عالي مع خششانة شوية و بمجرد ما اعدي ال 3500 و السرعة تزيد ل 130 - 140 الصوت ينعم و يهدي عن الأول و العربية تجري جامد و السحب يزيد بدرجة كبيرة
انا حتي الأن مش لاقي تفسير من حد علي الموضوع دا و الكلام دا عندي من اول ما اشتريت العربية و الزيت اللي بستخدمة توتال 10 الاف كم و ملتزم في الصانات

انا برجح ان الموضوع ليه علاقة بالعزم المتولد من المحرك عشان لما شفت منحني اداء العزم لقيت ان العربية بتطلع اعلي عزم للموتور عن 3500 لفة بعدها العزل بيقل لحساب السرعة

و الله اعلم

بس عموما الموضوع مش عاملي اي مشاكل و الحمدلله

[m_love4me]

كل سنه وحضرتك طيب


بالفعل كلام حضرتك نفس ال عندى بالظبط

العربيه بعدها بتقفل 130 - 140 ولحد 170 ف زمن قليل

والسحب بيزيد كويس جدا والهدوء تام حتى وانا على 140 - 150


عكس ما كانت على 120 - 110

انا الموضوع مش عاملى اى مشاكل
بس حابب اطمن مش اكتر

وشكرا لمشاركه حضرتك


تحياتى لك

[khaled_sabry]

انا كان نفس الكلام ده بيحص عندى عند 2500 rpm
بس فى الاخر اكتشفت ان خرطوم الفريون بتاع التكيف مش مربوط كويس و هو اللى بيعمل الزنه دى

فغالبا حتلاقى فيه حاجه مش مربوطه كويس عندى و هى سبب الصوت ده