ازاي تعرف ان العربية دي بتمون 80 ولا 90

[phantiza]

عاوز اشتري عربية مستعملة بس خايف ان صاحبها بيكون بيمون 80 خصوصا بفكر في الماتريكس او الكورولا
والكتالوج بيوصي علي الاقل 92 وطبعا كلة بيمون 90
الي مقلقني ان شفت عربيات مو 2010 بيمونو 80
حد يقدر يقولي وانا بتشتري العربية اعرف ازاي العربية دي فيها 80 او 90 ؟؟؟؟؟؟؟؟؟؟؟
وشاكر ليكم

[caysersosaih]

مافيش حاجة تعرفك ممكن تبص علي فلتر البنزين بس بيتهيالي مافيش حاجة حاسمة واستني برضه راي باقي الأعضاء

[Moriarty]

في حاجه اسمها معامل انضغاط المحرك ادا كان 0.8 بنزين 80
0.90 بنزين 90
0.92 بنزين 92
دور علي المعلومه دي لان ليها تفاصيل وشرح اكبر

[Adham]

العربية لما تحط عالسكانر بيبان ان حساس الاوكسيجين قاري رقم الاوكتان كام

[phantiza]

يعني لازم اروح للتوكيل عشان يقولي

[Adham]

اكشف عليها كمبيوتر عند اي حد عنده داينوزس سكانر

و ععلى فكرة الموضوع مش هسهس انك تخاف تشتري عربية لايكون صاحبها بيحط فيها بنزين 80

ماهو ممكن بيحط 92 و عامل بلاوي و ملزق العربية

و بعدين نادر قوي لما حد يحط 80 في ملاكي حديث

علشان حايبهدل الموتور و مش بتلاقية بالساهل و تقف علية طوابير وسط التاكسي

و الموضوع اساسا بيبان من دوارة العربية لو بيحط 80 حاتلاقيها بتنتش و ترتل و متبهدلة

و لو هيه بتقبل ال 80 بدون مشاكل يبقى تحمد ربنا و اهي تمشي معاك 80 لو لقيتة و البنزين 90 و 92 غلى تاني

[lameey]

مافيش حاجة تعرفك ممكن تبص علي فلتر البنزين بس بيتهيالي مافيش حاجة حاسمة واستني برضه راي باقي الأعضاء

البنزين ال 80 فى الفلتر بيبان لونه مايل للاحمر





.

[mahmoud5777]

فى ناس بتقول انو لو 80 بيبقى الشاكمان مجير ولو 90 بيبقى اسود بس موش عارف بصراحة

[mohamedrabia]

البنزين ال 80 فى الفلتر بيبان لونه مايل للاحمر

ده كلام مظبوط وكمان تغييرك للبنزين 92 حتي لو كان صاحب السيارة القديمة بيحط 80 هينظف السيارة لان نسبة الاوكتين فيه عاليه ومع تغيرك للفيلتر والزيوت هتتغير الدورة بالكامل ده علي افتراض انه بيحط 80 وهتحس كمان ان سحب العربية بطي شوية او بتقطع من الشوائب كل ده يوضح عكس العربية لما تلاقي سحبها سريع ومشيها كويس اعرف ان بنزينها عالي وربنا يوفق

[ahmedsamir5edr]

ده كلام مظبوط وكمان تغييرك للبنزين 92 حتي لو كان صاحب السيارة القديمة بيحط 80 هينظف السيارة لان نسبة الاوكتين فيه عاليه ومع تغيرك للفيلتر والزيوت هتتغير الدورة بالكامل ده علي افتراض انه بيحط 80 وهتحس كمان ان سحب العربية بطي شوية او بتقطع من الشوائب كل ده يوضح عكس العربية لما تلاقي سحبها سريع ومشيها كويس اعرف ان بنزينها عالي وربنا يوفق

+11111111111111111111

تمام

[SkyBird]

فعلا فرق اللون هيحدد نوع البنزين
لان لكل نوع بنزين لون معين
بنزين 80 يدي على احمر خفيف

[mahmoud5777]

وممكن من لون البنزين فى الفلتر لو شفاف

[foxawy]

العربيه حدثه لو عرفت ان الراجل ده بيحط 80 اكيد هتضايق لانها حديثه وبرضوو هتحط اللى انت عايزه متخوتش فى بالك شوف الحاجه الكويسه وحاجه تكون راضى عنها وده لعربيتك عشان تحافظ عليها

[i_Am_Legend]

نرجع للمدرسة القديمة_ولا سكانر ولا غيرة_فك بوجيه من السلندر_بص على سطح البستم!!لو لقيتة اسود وعليه كربون كتير زى البودرة المحروقة والفحم هاتلاقيه مشربن_يبقى بيحط 80_نضيف ولونة اسود _او فضي _وبدون طبقة بودرة سودا وشاربون_يبقى تحيا مصر_والعربية تبقى بنت عز وشبعانة.

[aymanay32]

الله يكرمك على المعلومة الحلوة دى