الفتيس مش بيجيب ال غيار الثالث

[fawzy_i_05]

كانت عندي مشكله في العغربيه 128 ولسه مغير جوز كبالن ايطالي لقيت الفتيس مش بيجيب الثالث بسهوله
الغيار الثالث فقط كبرت دماغي شويه والميكانيكي قالي ابقي املي زيت الفتيس عشان الزيت وقع بسبب ان كاوتشت الكوبلم الداخليه كانت مقطوعه وبتسرب زيت رحت زودت كيلو ونص الفتيس حسيت انه بقي ناعم اكتر لكن الغيار الثالث حالف مايجيش وبسمع صوت رخم لما انسي واجيبه بقيت انتش من الغيار الثاني للرابع مباشرة
مشيت عليها يومين لحد ما اقبض لقيت المارشدير بقي رخم شويه والغيار الاول برده
فده بقي من ايه
دسك واسطوانه
ولا علبة فتيس كامله
ولا صندوق تروس صقم
ولا قاغده الفتيس
ولا العصاية مش مظبوطه
ولا الغويشه


انا بسال عشان مش حابب يضحك عليا وانت عرفين معظم الصنيه مشبقي عندهم ضمير او مش بيفهمه الا من رحم ربك
واسف علي الايطاله

[fawzy_i_05]

معلومة نسيت اقولها العربيه بتجيب سرعه 140 كم بس ببطأ شويه وفي المطالع بتهبط شويه حلوين لكن يعني لو طالع علي 90 كلم تنزل السرعه لحد 60 او 70

[jojajo]

يبقى دة ياباشا عيب طقم الدبرياج والله اعلم انا هقولك على حاجة انت عات الغيار الرابع هى والعربية واقفة تماما ونزل فرامل اليد وكانك هتطلع بالعربية لو طلعت معاك يبقى عيب طقم دبرياج لو مرضيتش تمشى وبطلت منك يبقى طقم الدبرياج سليم وخلى رجلك على الدبرياج حساسة اوى

[fawzy_i_05]

معلش هو طقم الدبرياج عباره عن ايه عشلن انا مش قوي في المكانيكا
هو سلك دبرياج و دسك واسطوانه وقاعدة فتيس وطقم تروس غير كده العربيه بحسها بتجري وللعلم انا مغير الكبالن من اقل من اسبوع ومعاها طقم كهرباء كامل بوجيهات ngk و ابلاتين وكوندنسر ومغير زيت قريب جدا ومعاه فلتر زيت وفلتر بنزين

[fawzy_i_05]

معلش هو طقم الدبرياج عباره عن ايه عشلن انا مش قوي في المكانيكا
هو سلك دبرياج و دسك واسطوانه وقاعدة فتيس وطقم تروس غير كده العربيه بحسها بتجري وللعلم انا مغير الكبالن من اقل من اسبوع ومعاها طقم كهرباء كامل بوجيهات ngk و ابلاتين وكوندنسر ومغير زيت قريب جدا ومعاه فلتر زيت وفلتر بنزين

[maroguidehouse]

طقم الدبرياج عباره عن اسطوانه و دسك و بليه

[sab3aawy]

بالنسبة للتالت فده إما عيب غويشة وبرميل، او شجرة كاملة او كلاهما وده مش هيبان غير لما تفتح

ولو خدنا فى الاعتبار مشكلة الاول والمارشدير اللى ظهروا حديثا فده ممكن يككون عيب عصاية(خابور العصاية سايب) أو عيب معلقة (مهرية او مش مربوطة كويس ، او عيب دبرياش( واطى)/ لو راجعت الحاجات دى كلها والمشكلة مراحتش يبقى حصل تآكل فى ترس الأول والمارشدير او الشجرة وفى الحالة دى لو حطينا مشكلة التالت معانا فى الاعتبار يبقى قصر وهات فتيس جديد، ال 128 بيركب عليها فتيس ال 128 العادة وفتيس ال 128 جراند ال 5 غيار وفتيس الريجاتا، لكن لو هى اصلا 4 غيار وهتركب عليها فتيس 5 غيار سواء بتاع الجران او الريجاتا هتحتاج تغير الميزان بميزان الجراند وهتحتاج تغير العصاية بعصاية الجراند