امبير الحرارة كسر130 بمراحل

[magedtohami]

السلام عليكم
امبارح والدي اخد عربيتي((شاهين 97 كاربرتير)) وراح بيها الشغل قريب جدا من البيت يعني بتاع 5 كيلوا كده ورجع عالبيت اول ماوصل فبيقلولي تعالى بسرعه تقريبا في حاجه فالمكنه بتشيط طلعت جري ببص لقيت المكنه بتطلع كمية دخان وده والعربيه دايرة وصوتها اتغير تماما سئلته عالحرارة قالي عادي وقليله وللاسف طلع بيتكلم على عداد البنزين
دخلت العربية ببص على امبير الحرارة لقيته كسر 130 بمراااااااااااااحل طفيت العربية بسرعه الغريبة الراداتير كان بارد ممكن تلمسه بايدك عادي جدا مش سخن اوي
المهم اتصلت بالميكانيكي مردش اتصلت بالكهربائي عشان اقوله اشغل المروحه ازاي وقالي وشغلتها شويه وبعدين لقيت انا كده برضوا العربية مبتبردش لان اصلا الراداتير بارد والمكنه مولعه نااااااااااااااااااااار
رحت مدور العربية وفاتح الراداتير ملقتش فيه نقطة مية اصلا وقعدت ازود ميه وبدأت تبرد سنة سنه ومشغل المروحه طبعا الي مشتغلتش من الاول مش عارف ليه وبردت واشتغلت عادي المهم والدي راح يوديها للميكانيكي ملقاهوش وراح لحد يزبط التبريد والكهربة الي مشغلتش المروحه وملحقش الميكانيكي ورجع بيها قالوا له مدام العربية شغال كويس متخافش طبعا انا مروحتش لاني لو كان حصلها حاجه كنت هتنقط
وربنا يسامح والدي انا ركبت العربية بعد ماجابها سحبها ماااااااااااااااااااااات والفرامل ضعفت وعلى فكرة معاد تغيير زيتها اليومين دول حد يقولي اعمل ايه في حاجه نسيت اقولها حصلت والعربية سخنة علبة سير الكتينه مربوطه فوش السلندر ب 3 مسامير مكانهم ساح بس لما بردوا رجعو زي الاول تاني حد يقولي اعمل ايه انا زعلان اوي عالعربية وعلى سحبا الي راح

[M.Elwan]

متقلقش على الشاهين الحاجات البسيطة دى مش بتأثر عليها :)
ان شاء الله تتصلح وترجع تسحب زى الاول واحسن كمان

انا مرة مشيت بيها من غير مية فى الريداتير وفضلت تسخن ومخدتش بالى غير لما الموتور قفش وبطلت من السخونية -- بس طبعا جابت جوان وش سلندر وشوية حاجات تانية مش فاكرها

[saadelden]

جرب الاول غير الزيت و اكشف علي باقي الزيوت و شوف سير الكتينه سليم ولا لا
و ان شاء الله خير

[Adham]

خلي ميكانيكي يكشف عليها الاول و يتأكد ان العربية مجابتش جوان وش سلندر

لان المياة اللي نقصت دي طالما مافيش جلدة مقطوعه ممكن جدا تبقى راحت عالموتور من الجوان لغرف الحريق

و لاحظ المياة تاني قبل ما تدورها لان غالبا حاتلاقيها ناقصة كتير

[rotanamasoud]

لو حساس تشغيل المروحه فى الرداتير زى ال127 يبقى المروحه مشتغلتش عشان مفيش ميه سخنه فتحت حساس الحراره وبمجرد انك تحط ميه حتشتغل معاك تانى

[magedtohami]

هوا كان في مشكله فدورة التبريد كان في كوع ميه فالمكنه من ورا وبتنقط ميه وكمان في ماسورة فجنب المكنه دي مكنش ظاهر عليها حاجه بس لما طلعوها طلعت دايبة وملينه صدى من جوه وجلدة الكوع الي فضهر المكنه الموصله بين الماسورة وبين الكوع كان مشروخه وتقريبا ان فعلا المروحه مشتغلتش عشان الردراتير مكنش فيه ميه

[magedtohami]

بس ازاي المروحه متشتغلش عالرغم ان امبير الحرارة عدى ال90 الي مفروض هيا بتشتغل عندها ؟؟؟؟؟؟؟؟؟؟؟؟؟؟؟؟؟؟؟؟؟؟

[م.محمد علاء]

لو حساس تشغيل المروحه فى الرداتير زى ال127 يبقى المروحه مشتغلتش عشان مفيش ميه سخنه فتحت حساس الحراره وبمجرد انك تحط ميه حتشتغل معاك تانى

بالظبط كده...
يا جماعه المروحه بتشتغل على الثرموستات..و دي بتقيس درجة حرارة ميااااااه و ليس موتور..
يعني لو الرادياتير مفيهوش ميه...
الثرموستات..مش حتدي إشاره للمروحه.عشان تشتغل..
و دجه على فكره فى أغلب أنواع العربيات حتى الجديد منها...
لو المروحه مشتغلتش..تأكد إن فيه مياااه الأول..
وبعد كده شوف الكهرباء..

[Ahmed_Ramadan]

بالظبط كده...
يا جماعه المروحه بتشتغل على الثرموستات..و دي بتقيس درجة حرارة ميااااااه و ليس موتور..
يعني لو الرادياتير مفيهوش ميه...
الثرموستات..مش حتدي إشاره للمروحه.عشان تشتغل..
و دجه على فكره فى أغلب أنواع العربيات حتى الجديد منها...
لو المروحه مشتغلتش..تأكد إن فيه مياااه الأول..
وبعد كده شوف الكهرباء..

+11111111111111111

[Fadi Ezzat]

وكمان لو فى هوا فى دورة التبريد المروحة مش هتشتغل

[sno7y]

الحمد لله جت سليمه المره الى جايه بص على المايه قبل ما تطلع بيها وفهم السيد الوالد على الاساسيات دى عشان مابحصلش مشاكل تانى

[magedtohami]

الحمد لله عالعموم العربية راحت تاني انهارده للميكانيكي والكهربائي والعريية هناك دلوقتي وواضح ان دورة التبريد كان فيها مشكله وانا شفت الزيت لوزجته قلت ولونه اسود خالص ربنا يستر

[rotanamasoud]

بالظبط كده...
يا جماعه المروحه بتشتغل على الثرموستات..و دي بتقيس درجة حرارة ميااااااه و ليس موتور..
يعني لو الرادياتير مفيهوش ميه...
الثرموستات..مش حتدي إشاره للمروحه.عشان تشتغل..
و دجه على فكره فى أغلب أنواع العربيات حتى الجديد منها...
لو المروحه مشتغلتش..تأكد إن فيه مياااه الأول..
وبعد كده شوف الكهرباء..

تمام يا باشا وعلى فكره عربيتى الستروين حساس حراره المروحه فى وش السلندر وملوش علاقه بالميه (لما كان معايا ال127 فهمت النقطه بتاعت الحساس دى)
وعامل عندى زرار احتياطى لتشغيل المروحه للطوارئ ومعاه لمبه بيان فى التبلوه عشان اعرف المروحه شغاله ولا لا(الاحتياط واجب)

[Adham]

لو مافيش مياة في الردياتير و لا مليون مروحه شغالة بزرار و لمبة مبين حاتعمل حاجة


و اصلا ممكن كمان عداد الحرارة ممكن يبقى تحت (لان مافيش مياة في دورة التبريد اصلا علشان تسخن)

[rotanamasoud]

لو مافيش مياة في الردياتير و لا مليون مروحه شغالة بزرار و لمبة مبين حاتعمل حاجة
كلام سليم (الزرار واللمبه بيوضحولك ان منظومه التبريد تعمل)بس نص العما ولا العما كله


و اصلا ممكن كمان عداد الحرارة ممكن يبقى تحت (لان مافيش مياة في دورة التبريد اصلا علشان تسخن)
عداد الحراره بيبقى فى جسم المكنه وبيقيس حراره البلوك مش الميه