رعشة بسيطة فى العربية

[mina_ramsis]

يا جماعة الخير امبارح كان اول يوم اضغط على العربية شوية لانى كنت بحسس عليها شويه المهم انى لاحظت رعشة بسيطة فى الدريكسيون لما اكون ماشى فوق ال 120 كيلو / ساعة و مبتظهرش خالص فى اى سرعة اقل من كده هل ده عيب ترصيص عجل ولا ايه بالضبط مع العلم ان العربية زيرو و جنوط اسبورت و اذا كانت ترصيص اعملها فى التوكيل و لا اى حد بتاع كاوتش
شكرا مقدما على الرد

[sokasoon]

هو ايه نوع العربية

[mina_ramsis]

اوبترا 2007 اوتوماتيك

[samirpop2]

علي فكر احنا معانا في المنتدى واحد متخصص في الزوايا والترصيص اسمه المهندس درش راسله وهو يفيدك اكتر لا دى لعبته

[sokasoon]

فعلا درش او سبعاوى هو اللى يقدر يفيدك فى الموضوع ده

[sab3aawy]

غالبا دى مشكلة ترصيص

ولما مشاكل الغربلة تبان معاك على السرعات العالية دى يفضل ترصص الأربعة عجلات، إبدأ الأول بالترصيص العادى على الجهاز اللى فى الورشة(النوع اللى بيتفك العجل ويتركب عليه) ، لو مجابش معاك نتيجة هتجتاج ترصص العجل وهو راكب فى العربية بجهاز الموتوسيكل، علشان دا بيعوض اى مشاكل عدم اتزان سواء ناشئة من العجلات او طنابر الفرامل او اى عضو دوار اآخر فى منظومة الجر

ممكن تعملها فى التوكيل، او تعملها فى اى ورشة تكون عندها امكانيات كويسة

[mina_ramsis]

طبعا مش هتخرج من الضمان لو عملتها بره ؟؟؟؟؟؟ و هل فى سبب اخر للموضوع ده و لا هو ترصيص عجل بس علشان الموضوع ده قلقنى شويه ؟؟؟؟؟؟
شكرا ليك يا استاذ سبعاوى على ردك السريع ده و اهتمامك بأمرى

[Santino]

طبعاً غالباً هي عايزه تترصص لأن مش ممكن يكون في حاجه في عفشة العربية .
هو الأحسن طبعاً إن حضرتك توديها التوكيل , لانها في الضمان و المفروض إنهم يصلحوا أي حاجة حضرتك تشتكي منها ( طالما مش عيب إستخدام ) , لكن لو يعني مش عايز تروح مشوار التوكيل , عندك واحد ممتاز في ترصيص العجل : عارف شارع مصطفي النحاس , في نصه ح تلاقي جامع كبير و جنبه خزان ميه كبير أوي , أدامه علي الناحية التانية في محل إسمه Pirelli ( ماركة الكاوتش المشهورة ) , اليافطة لونها أصفر . المحل ده بيرصص كويس جداً . و فيه حاجه ممتازة إنه بيفك الكاوتش من الجنط عن طريق جهاز عنده مش بالشاكوش زي معظم الورش ( طبعاً لازم الجنط بيطوله خبطه أو إتنين بالشاكوش من الصنايعي اللي بيفك و ده بيبوظ شفة الجنط و يعوجه ) لكن الجهاز اللي المحل ده بيستخدمه , بيفك و يركب الكاوتش في الجنط بمنتهي السهولة و من غير أذي للجنط . و بعد ما بيصلح الكاوتش بيرصصه من غير حتي ما تتطب منه .
بس للأمانه أنا ماعرفش ينفع تروحله ترصص و خلاص و للا لأ :) أصل انا لما إتعاملت معاه كنت بغير كاوتش العربية , ف كان بيركب الكاوتش الجديد و يرصصه علي طول . و شفته بيصلح كاوتش عربية تانية , لكن إنك تروح ترصص ( من غير ما تكون شاري منه ) مش عارف بيوافق و للا لأ , بس أعتقد مافيهاش حاجة , كله شغل .

[NaderNabil]

غالبا دى مشكلة ترصيص

ولما مشاكل الغربلة تبان معاك على السرعات العالية دى يفضل ترصص الأربعة عجلات، إبدأ الأول بالترصيص العادى على الجهاز اللى فى الورشة(النوع اللى بيتفك العجل ويتركب عليه) ، لو مجابش معاك نتيجة هتجتاج ترصص العجل وهو راكب فى العربية بجهاز الموتوسيكل، علشان دا بيعوض اى مشاكل عدم اتزان سواء ناشئة من العجلات او طنابر الفرامل او اى عضو دوار اآخر فى منظومة الجر

ممكن تعملها فى التوكيل، او تعملها فى اى ورشة تكون عندها امكانيات كويسة

Mr Sab3awy,
where can i find a warsha fih mawdoo3 el motosekl da, because my car is shaking after the 90 for more than 1 year now and i did everything that could be related to it (and not related to) but the problem is still present and no one could ever understand it!!

[جندى مجند]

لو الترصيص العادى اللى بيتفك العجل فيه ما جابش نتيجة ... حاول قبل ما تجرب الترصيص على جهاز الموتوسيكل ترجع للتوكيل لأن كدة يبقى فى مشكلة فى العفشة أو الطنابير ... فلو حضرتك مكنتش واخد بيها مطب جامد قبل كدة أو خبطها جامد فى رصيف يبقى كدة فى مشكلة فى العربية التوكيل مسئول انه يحلها

[mina_ramsis]

شكرا ليك يا استاذ sonny على شعورك الجميل ده بسس للاسف انت كده وفرتلى حوالى 10( بعدى عن التوكيل ) كيلو و غرمتنى حوالى 100 ( بعدى عن مدينة القاهرة ) كيلو اصل انا مش من سكان قاهره المعز :D :D :D

[Santino]

شكرا ليك يا استاذ sonny على شعورك الجميل ده بسس للاسف انت كده وفرتلى حوالى 10( بعدى عن التوكيل ) كيلو و غرمتنى حوالى 100 ( بعدى عن مدينة القاهرة ) كيلو اصل انا مش من سكان قاهره المعز :D :D :D

الشكر لله , أنا كنت عايز أساعدك بس ( بِعدت ) شويه :)

ربنا يوفقك و تحل المشكلة بشكل سليم .

[Abdallah]

فى احتمال انه يكون من الطنابير, بس معتقدش طالما عربيتك لسة جديدة , غالبا هتبقى ترصيص.

[sab3aawy]

Mr Sab3awy,
where can i find a warsha fih mawdoo3 el motosekl da, because my car is shaking after the 90 for more than 1 year now and i did everything that could be related to it (and not related to) but the problem is still present and no one could ever understand it

موبيل رابعة العدوية عندها جهاز موتوسيكى، ومحسن بتاع الزوايا فى شارع مدرسة الحسينية متفرع من ميدان الجيش بالعباسية عنده برضه الجهاز دا،

[Karim_Monir]

محسن ده ممتاز
وعندة ظبط زورايا كويس قوي
وليه فرع في شارع رمسيس وانت جاي من رمسيس للعباسية وعندة زوايا هنتر
الله يرحمه الحاج محسن من اول الناس اللي جابت اجهزة الماني زي دي في مصر