citroen ax 1994

[mohamed16]

السلام عليكم ورحمة الله و بركاته
بسم الله الرحمن الرحيم
انا عندى العربير يا جماعه اول لما ادور تطلع دخان اسود كثيف و بعدين بتاخد وقت كبير في التسخين وصوت الموتور عالى و ساعات و انا ماشي بتبطل و سحبها ضعيف جدا لو في حد بيعرف في العربيه ديه يقولى ايه الحل
انا في ناس قالولى ده عايز نص عامرة عايز اعرف تتكلفلها كام و ايه الحاجات الي بحتاج اشتريها غير المصنعيات و الله ولى التوفيق يا ريت حد يفدنى

[aly_72200]

الدخنة السودة دى ضبط كاربراتير اولا قبل التفكير فى العمرة مع مراجعة دائرة الاشعال وفلتر الهواء
العربية بتاخد وقت كتير على ما تسخن اولا الثرموستات الميكانيكى مرفوع
ثانيا ظبط كهربة الموتور العربية اكيد مقدمة لان التقديم يضعف السحب والعربية تاخد وقت طويل على ما تسخن
ثالثا احتمال التاكيهات مش مظبوطة

اخى الفاضل حاول توضح بيانات السيارة الموتور كام cc وهل الموتور زهر والا المونيوم

[abo_kanze]

متااااابع

[mohamed16]

الله يكرمك يا باشا والله انا موتور العربيه 1390cc
بس زهر ولا الومونيوم ديه معرفهاش هل في طريقة لكشفها وتفتكر الحاجات الي انت قولت عاليها لو كلها اتعملت تتعمل عند ميكانيكي بس ولا كهربائي كمان وتتكلف كام
المعذرة انى بطول عليك بس انت من الواضح انك ماشاء الله فاهم وربنا يزيدك من علمه

[elewey]

والله لو دخنه سودا يبقى حساس تى بى اس بس انا صراحة معرفش ايه نظام عربيتك هل فيها الحساس دة و لا ايه انا عربيتى نفس السنه و فيها بس اوبل كورسا هو عمومآ الحساس دة بيبقى مسئول عن كميه الهوا اللى بتدخل الكبراتير عشان الحرق المثالى

[aly_72200]

والله لو دخنه سودا يبقى حساس تى بى اس بس انا صراحة معرفش ايه نظام عربيتك هل فيها الحساس دة و لا ايه

الستروين كاربراتير فى الغالب اذا لم يحدث اى تعديل
ثانيا الموتور الالومنيوم بيكون كالتالى وش سلندر ثم البلوك عبارة عن جزئين مربوطين مع بعض بمسامير ثم كارتيرة الزيت ممربوطة بمسامير يعنى الموتور 4 اجزاء اما الموتور الزهر بيكون وش السلندر ثم البلوك ثم كارتيرة الزيت يعنى ثلاثة اجزاء انا سالتك لان المواتير الالومنيوم الصغيرة كالستروين غالبا تفشل بها العمرة والافضل موتور استيراد اما الموتور الزهر فاحتمالات نجاح العمرة كبيرة ونتائجها مرضية
ثانيا كل اللى انا ذكرته بيقوم بيه الميكانيكى حتى كهربة الموتور

[aly_72200]

نسيت شئ موتور الستروين 1360 ثانيا التكلفة مش كبيرة الا اذا كان الكاربراتير جاب اخرة يعنى ظيط التكيهات بالكهربة بتاعة الموتور كبير 40 جنيه او خمسين ومثلهم لظبط الكاربراتير وكذلك مراجعة دائر الاشعال عند كهربائى ب 20 جنية

[mohamed16]

الله يخليك يا باشا ميه ميه

[azkol2005]

ا ضبط كاربراتير عند متخصص وفيه كذا حد في حلوان والسيدة زينب زشبرا دور عل ى حد متخصص وقريب

غير طقم البوجيهات

غير فلتر الهواء